Մկնասոխ սիբիրական

Մկնասոխ սիբիրական
Մկնասոխ սիբիրական
Դասակարգում
Թագավորություն	Բույսեր (Plantae)
Տիպ/Բաժին	Անոթավոր բույսեր (Tracheophyta)
Ենթատիպ	Սերմնավոր բույսեր (Spermatophytes)
Կարգ	Ծնեբեկածաղկավորներ (Asparagales)
Ընտանիք	Ծնեբեկազգիներ (Asparagaceae)
Ենթաընտանիք	Մկնասոխայիններ (Scilloideae)
Ցեղ	Մկնասոխ (Scilla)
Տեսակ	Մկնասոխ սիբիրական (S. siberica)
Միջազգային անվանում
Scilla siberica Haw.

Մկնասոխ սիբիրական (լատին․՝ Scilla sibirica), շուշանազգիների ընտանիքին պատկանող սոխուկավոր միամյա ծաղկաբույս։

Տերևները ժապավենաձև են, սրածայր, կողքերից դեպի կենտրոն թեթևակի ոլորված, մուգ կանաչ։ Ցողուն չունի, վերջինիս փոխարինում են 1-4 անտերև ծաղկակիրները, որոնց գագաթին է գտնվում նոսր ծաղկաբույլը՝ կազմված է 1-5 երկնագույն մուգ շերտերով կամ միանգամայն սպիտակ, թեթևակի դեպի ցած հակված ծաղիկներից։ Սոխուկի տրամագիծը կազմում է մինչև 3 սմ, ծաղիկներինը՝ 2 սմ։ Ծաղկում է վաղ գարնանը։ Սիբիրական մկնասոխը բավականին լուսասեր է, խոնավասեր, գերադասում է սննդանյութերով հարուստ, փուխր թեթև ավազակավային, ջրաթափանց և օդաթափանց ստրուկտուրային հողերը, որոնք լավ են դրենաժի ենթարկվում։ Ջերմասեր չէ։ Որպես տիպիկ էֆեմերոիդ բույս ծաղկումից անմիջապես հետո անցնում է հանգստի շրջանի, վերերկրյա զանգվածը չորանում է և սոխուկը առանց վնասվելու դիմանում է չորային շրջանին։ Բազմանում է սերմերով և սոխուկներով։ Ցանքը կատարում են աշնանը՝ բաց գրունտում։ Սերմնաբույսերը ծաղկում են երկրորդ–երրորդ տարում։ Ունի բուժիչ նշանակություն․ սոխուկները պարունակում են սոցլոստրին, խոլին, որոնք օգնում են սրտային հիվանդությունների դեպքում։ Օգտագործում են ալպինարիաներում և քարապարտեզներում, վաղ գարնանային կոմպոզիցիաներում։

Ծանոթագրություններ

Վիքիցեղերն ունի նյութեր, որոնք վերաբերում են «Մկնասոխ սիբիրական» հոդվածին։

Վիքիպահեստն ունի նյութեր, որոնք վերաբերում են «Մկնասոխ սիբիրական» հոդվածին։