Միքայել Միրզայան
Միքայել Հովհաննեսի Միրզայան (օգոստոսի 21, 1888[1][2], Թիֆլիս, Ռուսական կայսրություն[2] - նոյեմբերի 26, 1958[1][2], Երևան, Հայկական ԽՍՀ, ԽՍՀՄ[2]), հայ խորհրդային կոմպոզիտոր, խմբավար, մանկավարժ, երաժշտական-հասարակական գործիչ։ ՀԽՍՀ արվեստի վաստակավոր գործիչ (1939)։
Միքայել Միրզայան | |
---|---|
Հիմնական տվյալներ | |
Ծնվել է | օգոստոսի 21, 1888[1][2] Թիֆլիս, Ռուսական կայսրություն[2] |
Երկիր | Ռուսական կայսրություն և ԽՍՀՄ |
Մահացել է | նոյեմբերի 26, 1958[1][2] (70 տարեկան) Երևան, Հայկական ԽՍՀ, ԽՍՀՄ[2] |
Մասնագիտություն | կոմպոզիտոր, խմբավար, երաժշտության ուսուցիչ և հասարակական գործիչ |
Կրթություն | Ներսիսյան դպրոց (1908)[2] և Թբիլիսիի Վանո Սարաջիշվիլիի անվան պետական կոնսերվատորիա[2] |
Պարգևներ |
Կենսագրություն խմբագրել
1908 թվականին ավարտել է Ներսիսյան դպրոցը։ Շարունակել է ուսումը Թիֆլիսի երաժշտական ուսումնարանում, ապա՝ կոնսերվատորիայում (Ի․ Ի․ Չերեպնինի դասարան)։ Գրել է գործիքային երկեր, ռոմանսներ, երգեր, խմբերգեր, քայլերգեր, մանկական երաժշտական պատկերներ («Ծիտն ու սազը», «Ճպուռն ու մրջյունը», «Մկների ժողովը» և այլն) և երգեր։
Միքայել Միրզայանը հեղինակ է երգարանների («Դպրոցական երգարան», 1935) և երաժշտական գրագիտության ձեռնարկների (Նոտային գրագիտության դասագիրք, 1935, Երաժշտական գրագիտության և երգի ձեռնարկ, 1955)։ 1966 թվականին Երևանում հրատարակվել է Միրզայանի երգերի և ռոմանսների ժողովածու (կազմ․ Ռ․ Աթայան և Մ․ Միրզոյան)։ Պարգևատրվել է «Պատվո նշան» շքանշանով։
Պարգևներ խմբագրել
- «Պատվո նշան» շքանշան
- ՀԽՍՀ արվեստի վաստակավոր գործիչ, 1939
Գրականություն խմբագրել
- Գրիգորյան Ք., Միքայել Միրզայան, Երևան, 1969։
Ծանոթագրություններ խմբագրել
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 617)։ |