Միցկի
Միցկի Միյավակի (անգլ՝ Mitski Miyawaki, ի ծնե անուն Միցուկի Ֆրենսիս Լեյքոք (անգլ՝ Mitsuki Francis Laycock սեպտեմբերի 27 1990, Միե, Ճապոնիա) ճապոնա-ամերիկացի երգիչ և երգահան։ Միցկին ինքնուրույն թողարկեց իր առաջին երկու ալբոմները՝ «Lush» (2012) և «Retired from Sad, New Career in Business» (2013)։ Նա ձայնագրել է դրանք Purchase College’s Conservatory of Music երաժշտական կոնսերվատորիայում սովորելիս։ Կոնսերվատորիան ավարտելուց հետո նա թողարկեց իր երրորդ ստուդիական ալբոմը՝ «Bury Me at Makeout Creek» (2014), Double Double Whammy-ի միջոցով։ Այնուհետև 2015 թվականին նա պայմանագիր կնքեց Dead Oceans-ի հետ, որտեղ թողարկեց «Puberty 2» (2016), «Be the Cowboy» (2018) և «Laurel Hell» (2022) ալբոմները։ The Guardian-ը նրան անվանել է Միացյալ Նահանգների «լավագույն երիտասարդ երգահան»[2]։
| Միցկի | |
|---|---|
_(cropped).jpg) | |
| Հիմնական տվյալներ | |
| Ի ծնե անուն | Միցուկի Ֆրենսիս Լեյքոք |
| Ծնվել է | սեպտեմբերի 27, 1990 (33 տարեկան) Միե, Ճապոնիա |
| Երկիր | ԱՄՆ |
| Ժանրեր | Ինդի ռոք |
| Մասնագիտություն | երգիչ |
| Գործիքներ | դաշնամուր[1], կիթառ[1], բաս կիթառ[1], հարվածային համակարգ և ջութակ |
| Գործունեություն | 2012-Ներկա օրերս |
| Լեյբլ |
|
| Կրթություն | Փուրչեյզ քոլեջ և Alabama School of Fine Arts? |
| Կայք | mitski.com |
 Mitski Վիքիպահեստում | |
Կենսագրություն խմբագրել
Միցկի Միյավակին ծնվել է 1990 թվականի սեպտեմբերի 27-ին Ճապոնիայում։ Նա հաճախ էր տեղափոխվում իր հոր աշխատանքի պատճառով, որն աշխատում էր ԱՄՆ Պետական դեպարտամենտում։ Նախքան Միացյալ Նահանգներում հաստատվելը նա ապրել է տասներեք երկրներում, այդ թվում՝ Չինաստանում, Թուրքիայում, Մալայզիայում, Չեխիայում և Կոնգոյի Դեմոկրատական Հանրապետությունում[3][4][5][6]։ Նա ավագ դպրոցում երգել է երգչախմբում և 18 տարեկանում գրել է իր առաջին երգը[7]։
2019 թվականին նա ընդհատեց իր ակտիվ երաժշտական գործունեությունը` շուրջ հինգ տարի գրեթե առանց դադարի տևած շրջագայություններից հետո[8]։ Նրա երկրպագուները շատ հիասթափված էին և շատ գրառումներ էին անում նրա հեռանալու մասին, ուստի Միցկին հայտարարեց, որ չի պատրաստվում թողնել երաժշտությունը. սակայն, այդ ժամանակ նա իսկապես պատրաստվում էր ընդմիշտ ավարտել իր կարիերան[8]։
Անձնական կյանք խմբագրել
Միցկին արտացոլում է իր միջմշակութային ինքնությունը որպես «կիսով չափ ճապոնացի, կիսով չափ ամերիկացի, բայց ոչ ամբողջությամբ», մի զգացում, որը հաճախ արտացոլվում է նրա երաժշտության մեջ, որը երբեմն քննարկում է պատկանելության հարցերը։ Միցկին համարյա թե երբեք չի օգտագործում սոցիալական ցանցեր, նրա փոխարեն դրանք ղեկավարում են իր մենեջերները։ Ըստ Միցկիի, սոցիալական ցանցերը վատ են ազդում նրա ինքնագնահատականի վրա[9]։
Միցկին ապրում է Նեշվիլում։ Նա վեգան է, սիրում է սարսափ ֆիլմեր, ունի ընտանի կատուներ։
Նա չի կիսվում իր անձնական կյանքի մանրամասներով, Rolling Stone-ին տված հարցազրույցում նա նույնիսկ հրաժարվել է նշել իր երկու կատուների մականունները[8]։
Սկավառակագրություն խմբագրել
Ստուդիական ալբոմներ`
- Lush (2012)
- Retired from Sad, New Career in Business (2013)
- Bury Me at Makeout Creek (2014)
- Puberty 2 (2016)
- Be the Cowboy (2018)
- Laurel Hell (2022)
Ծանոթագրություններ խմբագրել
- ↑ 1,0 1,1 1,2 Allmusic — 1991.
- ↑ Beaumont-Thomas, Ben (2022 թ․ փետրվարի 4). «Mitski, the US's best young songwriter: 'I'm a black hole where people dump their feelings'». The Guardian. Վերցված է 2022 թ․ փետրվարի 4-ին.
- ↑ «Meet Mitski, An Electric Folk Singer Making Sad Songs For Grown-Ups». The FADER. Արխիվացված օրիգինալից 2019 թ․ հունիսի 1-ին. Վերցված է 2019 թ․ հունիսի 13-ին.
- ↑ «Growing Up Mitski». The L Magazine. 2014 թ․ հոկտեմբերի 23. Արխիվացված օրիգինալից 2019 թ․ նոյեմբերի 11-ին. Վերցված է 2019 թ․ հունիսի 13-ին.
- ↑ «Puberty 2». Dead Oceans. 2018 թ․ հունիսի 17. Արխիվացված օրիգինալից 2018 թ․ հունիսի 27-ին. Վերցված է 2018 թ․ հունիսի 27-ին.
- ↑ «The Mitski Episode with Hannibal Buress: Handsome Rambler». Youtube. 2017 թ․ դեկտեմբերի 21. Արխիվացված օրիգինալից 2018 թ․ օգոստոսի 23-ին. Վերցված է 2020 թ․ հոկտեմբերի 12-ին.
- ↑ Talbot, Margaret (2019 թ․ հուլիսի 1). «On the Road with Mitski». The New Yorker (անգլերեն). ISSN 0028-792X. Արխիվացված օրիգինալից 2019 թ․ հուլիսի 3-ին. Վերցված է 2019 թ․ հուլիսի 3-ին.
- ↑ 8,0 8,1 8,2 Angie Martoccio, Angie Martoccio (2021 թ․ դեկտեմբերի 27). «Mitski Had to Quit Music to Love It». Rolling Stone (ամերիկյան անգլերեն). Արխիվացված օրիգինալից 2022 թ․ ապրիլի 22-ին. Վերցված է 2022 թ․ ապրիլի 19-ին.
- ↑ «Indie darling Mitski asks herself, 'now what?'». PBS NewsHour (ամերիկյան անգլերեն). 2022 թ․ փետրվարի 6. Արխիվացված օրիգինալից 2022 թ․ ապրիլի 21-ին. Վերցված է 2022 թ․ ապրիլի 19-ին.