Միջկորեական կառավարական հանդիպում (2018)
Միջկորեական կառավարական հանդիպում (կորեերեն՝ 년 남북정상회담), Հյուսիսային Կորեայի գերագույն առաջնորդ Կիմ Ջոնգ Ունի և Հարավային Կորեայի նախագահ Մուն Չժե Ինի միջև տեղի ունեցած երկկողմ պաշտոնական հանդիպում, որը տեղի է ունեցել կորեական երկու հանրապետությունների սահմանագծում գտնվող սրահում[1]՝ 2018 թվականի ապրիլի 27-ին[2]։ Սա երկու երկրների առաջնորդների թվով երրորդ պաշտոնական հանդիպումն է։
1953 թվականից ի վեր՝ Սառը և Կորեական պատերազմենրի ավարտից հետո, սա առաջին դեպքն է, երբ Հյուսիսային Կորեայի առաջնորդը՝ ի դեմս Կիմ Ջոնգ Ունի, ոտք է դնում Կորեական թերակղզու հարավային մաս[3]։
Օրակարգ խմբագրել
Կորեական երկու հանրապետությունների բարձրագույն կառավարական պաշտոնյաներն ապրիլի 4-ին անցկացրեցին աշխատանքային մակարդակով հանդիպումներ, որոնց ընթացքում քննարկվեցին խաղաղության տանն անցկացվելիք գագաթնաժողովի մանրամասները[4][5]։ Արդյունքում պարզ դարձավ այն հանգամանքը, որ միջկորեական կառավարական հանդիպման ժամանակ օրակարգում լինելու է ապամիջուկայնացման հիմնահարցը, խաղաղության հաստատումը և փոխշահավետ համագործակցությունը։ Չնայած Ճապոնիայի վարչապետ Շինզո Աբեի հորդորներին՝ այնուամենայնիվ, Հյուսիսային Կորեայում մարդու իրավունքների ոտնահարման նախադեպերը գագաթնաժողովի օրակարգում չներառվեցին։
Հանդիպում խմբագրել
Հանդիպման վայրի ընտրությունը կատարվել է Հարավային Կորեայի նախագահ Մուն Չժե Ինի կողմից[6][7]։ ԿԺԴՀ գերագույն առաջնորդ Կիմ Ջոնգ Ունն իր հերթին հավանություն է տվել հարավկորեացի իր գործընկերոջ առաջարկին։ Արդյունքում՝ որպես կորեական երկու հանրապետությունների նախագահների հանդիպման վայր ընտրվել է երկու Կորեաների սահմանազատման գծի հարավային մասում գտնվող այսպես կոչված «խաղաղության սրահ»-ը։ Սա Հյուսիսային Կորեայի նախագահի առաջին այցն է Կորեա թերակղզու հարավային հատված[8]։ Երկու առաջնորդների հանդիպումը տեղի է ունեցել հանրային կերպով՝ մամուլի ներկայությամբ (ուղիղ հեռարձակմամբ)։
Հանդիպման նախաձեռնության հեղինակը եղել է Մուն Չժե Ինը, ով Հյուսիսային Կորեայի առաջնորդին հրավիրել է խաղաղության բանակցությունների։ ԿԺԴՀ գերագույն առաջնորդն իր հերթին ընդունել է առաջարկը՝ առաջ քաշելով իր օրակարգն ու պայմանները։ Բանակցություններից հետո երկու երկրների ղեկավարները անցկացրել է ծառատունկի արարողություն, որի ժամանակ օգտագործելով Կորեայի հարավային մասի ջուրն ու հյուսիսի հողը, երկու երկրների սահմանազատման վայրում տնկել են խաղաղության ծառ։ Դրանից հետո սկսվել է հյուրասիրության արարողությունը՝ կորեական խոհանոցին բնորոշ ճաշատեսակներով։ Հանդիպման սրահն ու շրջակայքը զարդարված են եղել կորեական ավանդական զարդանախշերով, իսկ բանակցությունների շենքը շրջափակված է եղել հարավկորեական պահակազորով։
Ծանոթագրություններ խմբագրել
- ↑ Choe, Sang-Hun (2018 թ․ փետրվարի 9). «Kim Jong-un Invites South Korean Leader to North for Summit Meeting». The New York Times. Վերցված է 2018 թ․ մարտի 29-ին.
- ↑ «Seoul proposes high-level talks about Pyongyang summit». Cheong Wa Dae. 2018 թ․ մարտի 21. Արխիվացված է օրիգինալից 2018 թ․ ապրիլի 27-ին. Վերցված է 2018 թ․ մարտի 21-ին.
- ↑ «Kim offers to visit Seoul 'any time if you invite me': South Korea»։ Վերցված է April 27, 2018
- ↑ «North and South Korea set date for historic summit». abc.net.au. 2018 թ․ մարտի 29. Վերցված է 2018 թ․ ապրիլի 15-ին.
- ↑ Bo-hyeop, Kim; Ji-eun, Kim (2018 թ․ ապրիլի 12). «President Moon views inter-Korean summit as opportunity to take a firm step toward peace». The Hankyoreh. Վերցված է 2018 թ․ ապրիլի 15-ին.
- ↑ Lee, Taehoon (2018 թ․ մարտի 24). «South Korea says North Korea agrees to hold high-level talks». CNN. Վերցված է 2018 թ․ մարտի 24-ին.
- ↑ «North Korean leader to visit South for first time». Korea JoongAng Daily. 2018 թ․ մարտի 8. Վերցված է 2018 թ․ մարտի 24-ին.
- ↑ Smith, Nicola; Graham, Chris; Davies, Gareth (2018 թ․ ապրիլի 27). «Kim Jong-un and Moon Jae-in commit to Korean 'peace regime' to end nuclear conflict at historic summit». The Telegraph. Վերցված է 2018 թ․ ապրիլի 27-ին.