Միջադեպ հայկական Յակ-40-ի հետ
Միջադեպ հայկական Յակ-40 ինքնաթիռի հետ, 1992 թվականի մայիսի 9-ին, ադրբեջանական օդուժի Սու-25 ինքնաթիռի հարձակումը` Ստեփանակերտից[1] վիրավորներ և փախստականներ տեղափոխող քաղաքացիական Յակ-40 ինքնաթիռի վրա։ Վերջինս ստիպված է եղել վթարային վայրէջք կատարելու։ Միջադեպը Արցախյան ազատամարտի տարիներին տեղի ունեցած խոշորագույն ավիավթարներից մեկն էր։
| Միջադեպ հայկական Յակ-40-ի հետ | |
|---|---|
| Ընդհանուր տեղեկություններ | |
| Տեսակ | ավիացիոն միջադեպ |
| Թվական | մայիսի 9, 1992 |
| Վայր | Սիսիան, , |
| Թռիչքի վայր | Ստեփանակերտ |
| Վերջնական կետ | Երևան |
| Զոհվածներ | 0 մարդ |
| Օդանավ | |
| Կենդանի մնացած | 33 |
Հարձակումը խմբագրել
1992 թվականի մայիսի 9-ին, մարդատար Յակ-40 ինքնաթիռը, նախապես ծրագրված չվերթ պետք է իրականացներ Ստեփանակերտից դեպի Երևան` տեղափոխելով վիրավորների և փախստականների։ Թռիչքի ժամանակ ինքնաթիռը ենթարկվել է գնդակոծման, իսկ երբ մտել է Հայաստանի օդային տարածք, ենթարկվել է ադրբեջանական ռազմական Սու-25 «Գրաչ» ինքնաթիռի հարձակմանը[1]։
Յակ-40 ինքնաթիռում գտնվում էին 33 մարդ` 4 անձնակազմի անդամներ և 29 ուղևորներ։ Արդյունքում վնասվել էր ինքնաթիռի թևը և այն սկսել էր այրվել։ Անձնակազմի խելամիտ գործողությունների շնորհիվ հաջողվել է վթարային վայրէջք կատարել Սիսիանում և փրկել ուղևորների կյանքը։ Բոլոր ուղևորները բարեհաջող տարհանվել են, սակայն ինքնաթիռն ամբողջությամբ այրվել է[1]։
Ադրբեջանական ինքնաթիռի օդաչուն Վագիֆ Կուրբանովն էր, ում ինքնաթիռը հետագայում զարկվել է Ասկերանում[2]։
Ծանոթագրություններ խմբագրել
- ↑ 1,0 1,1 1,2 U.S. Department of Transportation «Criminal Acts Against Civil Aviation» Արխիվացված 2012-10-01 Wayback Machine-page 13
- ↑ Жирохов Михаил «Воздушная война в Нагорном Карабахе» журнал «Авиамастер» № 6//2000 г. стр 4