Միկոյան եղբայրների տուն-թանգարան

Միկոյան եղբայրների տուն-թանգարան
Տեսակ	հուշային թանգարան
Երկիր	Հայաստան
Տեղագրություն	Սանահին
Հիմնադրվել է	1971
Տնօրեն	Հայկուհի Աղբալյան

Միկոյան եղբայրների տուն-թանգարան, հիմնադրվել է 1971 թվականին՝ հավերժացնելու Անաստաս և Արտեմ (Անուշավան) Միկոյանների հայրենիքի հանդեպ ունեցած ծառայությունները։

Պատմություն խմբագրել

Հուշահամալիրը և թանգարանը բացվել են 1982 թվականի հունիսի 17-ին։ Թանգարանի բացման օրը Մոսկվայից թանգարան են բերվել ամենաազդեցիկ երկու ցուցադրանմուշները՝ ՄԻԳ ինքնաթիռը և Արտեմ Միկոյանի ծառայողական մեքենան։ Տուն-թանգարանը տարիների ընթացքում հարստացվել է նաև այլ ցուցադրանմուշներով։

Թանգարանը հիմնադրել է Միկոյանների հորեղբոր աղջիկը՝ Նուշիկ Միկոյանը։

2017 թվականին թանգարանը նորոգվել է «Looking forward» հիմնադրամի ֆինանսավորմամբ^[1]։

Ցուցադրություն խմբագրել

Թանգարանում ցուցադրված են Միկոյանների ընտանիքի անձնական իրերը, նրանց աշխատանքային գործունեության մասին պատմող վավերագրական նյութերը։ Թանգարանի բակում են գտնվում Արտեմ (քանդակագործ` Սուրեն Նազարյան, ճարտարապետ՝ Սարգիս Գուրզադյան) և Անաստաս Միկոյանների հուշարձանները, ՄիԳ ինքնաթիռը։

Թանգարանy պայմանականորեն բաժանված է երկու մասի, որոնցից մեկում ներկայացվում է Արտեմ, մյուսում` Անաստաս Միկոյանների կյանքն ու գործունեությունը։

Գրադարան խմբագրել

Թանգարանում կա բազմալեզու գրադարան, որը վերաբերում է եղբայրների գործունեությանը։ Այցելուները կարող են տեղում նստել ու օգտվել գրադարանից։ Թեմատիկ գրքեր պատվիրվել են տարբեր երկրներից։ Կան նաև արխիվային փաստաթղթեր։