Միխայիլ Քարամյան
Միխայիլ Գևորգի Քարամյան (հունվարի 18, 1912, Թիֆլիս, Ռուսական կայսրություն - հուլիսի 8, 1992, Երևան, Հայաստան), հայ խորհրդային անասնաբույծ, գյուղատնտեսական գիտությունների դոկտոր (1963), պրոֆեսոր (1965), ՀԽՍՀ բարձրագույն դպրոցի վաստակավոր գործիչ (1980)։
Միխայիլ Քարամյան | |
---|---|
Ծնվել է | հունվարի 18, 1912 Թիֆլիս, Ռուսական կայսրություն |
Մահացել է | հուլիսի 8, 1992 (80 տարեկան) Երևան, Հայաստան |
Քաղաքացիություն | Ռուսական կայսրություն, ԽՍՀՄ և Հայաստան |
Մասնագիտություն | անասնաբույծ |
Հաստատություն(ներ) | Երևանի անասնաբուծական-անասնաբուժական ինստիտուտ |
Գործունեության ոլորտ | ոչխարաբուծություն |
Ալմա մատեր | Երևանի անասնաբուծական-անասնաբուժական ինստիտուտ (1935) |
Կոչում | պրոֆեսոր |
Գիտական աստիճան | գյուղատնտեսական գիտությունների դոկտոր (1963) |
Պարգևներ | |
Կուսակցություն | ԽՄԿԿ |
Կենսագրություն խմբագրել
Մասնակցել է Հայրենական մեծ պատերազմի գործողություններին։ 1935 թ. ավարտել է Անդրֆեդերացիայի անվան անասնաբուծական անասնաբուժական ինստիտուտը։ 1946 թվականից աշխատել է նույն ինստիտուտում, 1952 թվականից՝ մանր անասնաբուծության ամբիոնի վարիչ, 1969-1974 թվականներին՝ գիտության գծով պրոռեկտոր։ Քարամյանի ղեկավարությամբ ու մասնակցությամբ մշակվել են հանրապետության խառնացեղ ոչխարաբուծության զարգացման գիտականորեն՝ հիմնավորված ուղիները, ստեղծվել ոչխարների բարձր մթերատու տիպեր՝ զանգեզուրյան, Լոռի-Փամբակի, հայկական կորիդել, բացահայտվել դրանց մսային, բրդային և ոչխարների մթերատվության ձևավորման օրինաչափությունները օնտոգենեզի ընթացքում։ Համահեղինակ է «Ոչխարաբուծություն» (1966) ուսումնական ձեռնարկի։ ԽՄԿԿ անդամ 1943 թվականից։
Պարգևներ խմբագրել
- «Պատվո նշան» շքանշան։
Երկեր խմբագրել
- «Ոչխարաբուծություն»։ Ուսումնական ձեռնարկ, (1966, համահեղինակ)։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ |