Միխայիլ Մոլկոչանով

Միխայիլ Մոլկոչանով;
Ծնվել է	1877
Ծննդավայր	Երևան
Մահացել է	1937
Մահվան վայր	ԽՍՀՄ
Մասնագիտություն	սպա
Աշխատանք	խորհրդային ռազմական գործիչ
Պարգևներ և ; մրցանակներ	և

Միխայիլ Վասիլևիչ Մոլկոչանով (ռուս.՝ Михаил Васильевич Молкочанов, 1877, Երևան, Կովկասի փոխարքայություն, Ռուսական կայսրություն - 1937, ԽՍՀՄ), խորհրդային ռազմական գործիչ, Հայկական ԽՍՀ զորքերի հրամանատար (1921), Հայաստանում Փետրվարյան ապստամբության ճնշողներից։

Կենսագրություն խմբագրել

Սովորել է Կիևի ռազմական ուսումնարանում, ապա կայսերական ռազմական ակադեմիայի դասընթացներում։ Մասնակցել է ռուս-ճապոնական (1904-1905) և Առաջին համաշխարհային (1914-1918) պատերազմներին։ Հոկտեմբերյան հեղափոխության օրերին հարել է հեղափոխական զինվորներին, ծառայության է մտել կարմիր բանակում։ Եղել է դիվիզիայի պետ, 1919-1920 թվականներիին՝ բանակի (8-րդ, ապա 14-րդ) հրամանատար։ 1921 թվականին Հայաստանում ղեկավարել է Փետրվարյան ապստամբության բռնի ճնշումը։ Մասնակցել է ՀԽՍՀ կարմիր բանակի վերակառուցմանը։ 1924 թվականից ԲԴԿԲ-ում կատարել է Գլխավոր շտաբի հատուկ հանձնարարություններ։ Պարգևատրվել է ՀԽՍՀ Կարմիր դրոշի շքանշանով։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 691)։

Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։