Միլթ Քալ
Միլթոն Էրվին Քալ (անգլ.՝ Milton Erwin Kahl, մարտի 22, 1909[1][2], Սան Ֆրանցիսկո, Կալիֆոռնիա, ԱՄՆ[1] - ապրիլի 19, 1987[1][2], Mill Valley, Մարին շրջան, Կալիֆոռնիա, ԱՄՆ[1]), ամերիկացի անիմատոր, որն աշխատել է Դիսնեյի ստուդիայում, Դիսնեյի ինը ծերուկներից մեկը։
Միլթ Քալ անգլ.՝ Milton Erwin Kahl | |
|---|---|
| Ի ծնե | անգլ.՝ Milton Erwin Kahl[1] |
| Ծնվել է | մարտի 22, 1909[1][2] |
| Ծննդավայր | Սան Ֆրանցիսկո, Կալիֆոռնիա, ԱՄՆ[1] |
| Վախճանվել է | ապրիլի 19, 1987[1][2] (78 տարեկան) |
| Մահվան վայր | Mill Valley, Մարին շրջան, Կալիֆոռնիա, ԱՄՆ[1] |
| Քաղաքացիություն |  ԱՄՆ |
| Մասնագիտություն | նկարիչ, կերպարների անիմացիա, character designer և մուլտիպլիկատոր |
| Թեմաներ | մուլտիպլիկացիա |
| Ուսուցիչ | Հիմիլտոն Լասկի[3] |
| Պարգևներ | |
| Կուսակցություն | ԱՄՆ Հանրապետական կուսակցություն |
 Milt Kahl Վիքիպահեստում | |
Կենսագրություն խմբագրել
Միլթոն Քալը ծնվել է 1909 թվականի մարտի 22-ին Սան Ֆրանցիսկոյում, որտեղ սովորել է սովորական դպրոցում։ Ավագ դպրոցը թողել է, որպեսզի կատարի իր վաղեմի երազանքը՝ դառնալ ամսագրի նկարազարդող կամ ծաղրանկարիչ։
Զբաղվել է լուսանկարների ռետուշմամբ և մակետների սոսնձմամբ ներկայումս գոյություն չունեցող «Oakland Post-Enquirer»-ում, իսկ հետո՝ «San Francisco Bulletin»-ում։ Դրանից հետո բացել է իր սեփական արվեստանոցը, սակայն Մեծ ճգնաժամի պատճառով ստիպված է եղել փակել այն։
Մի անգամ տեղական կինոթատրոնում Միլթը տեսել է Walt Disney-ի «Երեք խոզուկները» մուլտֆիլմը և հիացել իր տեսածով։ Դիսնեյի ստուդիայում Միլթ Քալին ընդունել են 1934 թվականի հունիսին որպես անիմատորի օգնական։ Նա սկզբում օգնել է կարճամետրաժ մուլտֆիլմերի արտադրության գործերում, ինչպիսիք են՝ «Միկիի կրկեսը» (անգլ.՝ Mickey’s Circus), «Միայնակ ուրվականներ» (անգլ.՝ Lonesome Ghosts) և «Անճոռնի ճուտիկը» (անգլ.՝ The Ugly Duckling)։
Միլթ Քալի գործընկերները նշել են, որ նա ունեցել է նկարելու արտասովոր ունակություններ, թեև չի ավարտել հատուկ ուսումնական հաստատություններ[5]։ Միլթ Քալին վստահել են կերպարների մշակումը։ Օրինակ՝ նա մշակել է Փիթեր Փենի, «Ալիսան հրաշքների աշխարհում» մուլտֆիլմի Ալիսայի, «Քնած գեղեցկուհին» մուլտֆիլմի հերոս արքայազն Ֆիլիպի, Բեմբիի, «Հարավի երգը» մուլտֆիլմի Եղբայր նապաստակի և Եղբայր արջի կերպարները և այլն։
Միլթ Քալն ստուդիայում աշխատել է 40 տարի և թոշակի է անցել 1976 թվականին։ Մահացել է Միլլ Վելլի փոքրիկ քաղաքում 1987 թվականի ապրիլի 19-ին։ 1987 թվականին հետմահու պարգևատրվել է «Դիսնեյի լեգենդներ» մրցանակով։
Ծանոթագրություններ խմբագրել
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 Kahl, Milton Erwin (Milt) // Who's Who in Animated Cartoon: An International Guide to Film and Television's Award-Winning and Legendary Animators — NY: Hal Leonard LLC, 2006. — ISBN 978-1-55783-671-7
- ↑ 2,0 2,1 2,2 2,3 2,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ Disney Animation: The Illusion of Life — NY: Abbeville Press, 1981. — P. 167.
- ↑ https://d23.com/walt-disney-legend/milt-kahl/
- ↑ Barrier, Michael (2011 թ․ մարտի 30). «An interview by Michael Barrier and Milton Gray». michaelbarrier.com. Վերցված է 2015 թ․ մայիսի 7-ին.
Արտաքին հղումններ խմբագրել
- Milt Kahl Internet Movie Database կայքում
- Disney Legends
- Միլթ Քալը rarebit.org կայքում
 | Վիքիպահեստն ունի նյութեր, որոնք վերաբերում են «Միլթ Քալ» հոդվածին։ |