Միլանկա Օպաչիչ
Միլանկա Օպաչիչ (սերբ.՝ Milanka Opačić / Миланка Опачић, ապրիլի 17, 1968, Զագրեբ, Խորվաթիայի Սոցիալիստական Հանրապետություն, ՀՍՖՀ), խորվաթ քաղաքական գործիչ, Խորվաթիայի փոխվարչապետ և սոցիալական քաղաքականության և երիտասարդության նախարար՝ Զորան Միլանովիչի կառավարությունում, ինչպես նաև Խորվաթիայի խորհրդարանում հիմնական ձախ կենտրոնամետ քաղաքական ուժի` Խորվաթիայի Սոցիալ-դեմոկրատական կուսակցության նախագահի տեղակալ։
| Միլանկա Օպաչիչ | |
| |
| Կուսակցություն՝ | Խորվաթիայի սոցիալ-դեմոկրատական կուսակցություն |
|---|---|
| Կրթություն՝ | Զագրեբի համալսարան |
| Մասնագիտություն՝ | քաղաքական գործիչ |
| Ծննդյան օր | ապրիլի 17, 1968 (55 տարեկան) |
| Ծննդավայր | Զագրեբ, Խորվաթիայի Սոցիալիստական Հանրապետություն, ՀՍՖՀ |
| Քաղաքացիություն |  Խորվաթիա
|
1991 թվականին ավարտել է Զագրեբի համալսարանի քաղաքագիտության ֆակուլտետը։ Առաջին անգամ խորվաթական խորհրդարանի պատգամավոր է դարձել 1992 թվականի ընտրություններում[1]։ Պարբերաբար ընտրվել է Սաբորի պատգամավոր՝ 2000, 2003, 2007 և 2011 թվականների ընտրություններում։ 2007 թվականին դարձել է Խորվաթիայի խորհրդարանում Խորվաթիայի սոցիալ-դեմոկրատական կուսակցության խորհրդարանական խմբակցության փոխնախագահ։ Եղել է ընտանիքի, երիտասարդության և սպորտի հարցերով խորհրդարանական կոմիտեի նախագահ։
2011 թվականի ընտրություններում հաղթելուց հետո՝ 2011 թվականի դեկտեմբերի 23-ին նշանակվել է վարչապետի տեղակալ և սոցիալ-քաղաքականության ու երիտասարդության նախարար[2]։