Մեքսիկայի սահմանադրություն

Մեքսիկայի սահմանադրություն (իսպ.՝ Constitución Política de los Estados Unidos Mexicanos), Մեքսիկայի միացյալ նահանգների գլխավոր օրենքը, նորմատիվ իրավական ակտ, որն ունի բարձրագույն իրավաբանական ուժ և ամրագրում է սահմանադրական համակարգի հիմքերը, պետական կառուցվածքը, ներկայացուցչական, գործադիր և դատական իշխանությունների ձևավորումը, մարդու և քաղաքացու իրավունքներն ու ազատությունը։ Այն որպես մոդել կիրառվել է այլ լատինաամերիկյան պետությունների սահմանադրությունների համար՝ ներառելով այնպիսի կետեր, ինչպիսիք են հողային ռեֆորմի ծրագիրը, աշխատանքային օրենսգիրքը, ընտանեկան օրենսգիրքը։

Մեքսիկայի սահմանադրության բնօրինակի կազմը

Պատմություն

Սահմանադրությունն ընդունվել է 1917 թվականի փետրվարի 5-ին Մեքսիկական հեղափոխության արդյունքում, որի համար հիմք է հանդիսացել 1857 թվականի սահմանադրությունը։ Չնայած որ երկու սահմանադրություններն էլ հռչակում են ժողովրդավարական իրավունքներն ու ազատությունները, 1917 թվականի սահմանադրությունը ներառում է տնտեսական, սոցիալական, մշակութային իրավունքներ, ինչը հեղափոխություն էր այդ ժամանակաշրջանի համար։

Մեքսիկական Սահմանադրությունը հիմնված է հետևյալ սկզբունքների վրա՝

• Մարդու և քաղաքացու իրավունքներն ու ազատություններ
• Ազգային ինքնիշխանություն
• Իշխանությունների տարանջատում
• Ներկայացուցչական ժողովրդավարություն
• Ֆեդերալ պետություն
• Սահմանադրական իրավունքի պահպանում և պետության գերակայությունը եկեղեցու նկատմամբ

Գրականություն

• Maier Hans (2004)։ Totalitarianism and political religions։ Routledge։ ISBN 978-0-7146-8529-8 
• Niemeyer, E. Victor, Jr. Revolution at Querétaro : the Mexican constitutional convention of 1916–1917 Austin ։ University of Texas Press, c1974. ISBN 0-292-77005-7

Արտաքին հղումներ

• 1917 թվականի սահմանադրության տեքստը (ռուսերեն) հին բարեփոխումներ Archived 2018-06-19 at the Wayback Machine. vivamexico.ru կայքում
• 1917 թվականի սահմանադրության տեքստը (իսպաներեն) Archived 2013-01-02 at the Wayback Machine. արդի բարեփոխումներ Палаты депутатов Конгресса Мексиканских Соединённых Штатов կայքում

Մեքսիկա