Մերի (գետ)
Մերի (անգլ.՝ Mary River), գետ Ավստրալիայի Քվինսլենդ նահանգի Սանշայն-Քոստ շրջանում։
| Մերի | |
|---|---|
 | |
| Բնութագիր | |
| Երկարություն | 291 կմ |
| Ավազանի մակերես | 9595 կմ² |
| Գետաբերանի տեղակայում | Great Sandy Strait? |
| Կոորդինատներ | |
| Հոսող հոսքեր | Susan River? |
| Երկրամաս | Քվինսլենդ |
Աշխարհագրական դիրք
խմբագրելՄերի գետը սկիզբ է առնում Բուրբուին գյուղի մոտակայքում։ Գետի հոսքի ուղղությունը հարավից հյուսիս է, չնայած, նրա ճանապարհին հանդիպում են մեծ քանակությամբ խրթին ոլորաններ։ Հոսում է Քենիլվորտ, Ջիմփի, Տիարո, Մարիբորո բնակավայրերով (ակունքից՝ գետաբերան) և թափվում Գրեյթ Սենդի նեղուց[1], որը գտնվում է Կորալյան և Թասմանյան ծովերի սահմանին՝ Ֆրեյզեր կղզու դիմաց։ Մերի գետի մեջ թափվում են 19 վտակներ[2]։
Պատմություն
խմբագրելԱբորիգենները գետն անվանել են Մուկուբուլա։ 1842 թվականի մայիսի 10-ին եվրոպացի հետազոտողներ Էնդրյու Պետրին և Հենրի Ռասելը գետին տվել են նոր անվանում՝ Ուայ Բեյ, սակայն 1847 թվականի սեպտեմբերի 8-ին, Նոր Հարավային Ուելսի այն ժամանակվա նահանգապետ Չարլզ Ֆիցրոն գետն անվանեց ի պատիվ իր կնոջ՝ Մերի Լենոքսի (1790-1847)[3]։ 1867 թվականին գետում, Ջիմփիի մոտ, հայտնաբերվել է ոսկի, ինչը հանգեցրել է տեղային ոսկու տենդի։
2006 թվականին նահանգի կառավարությունը հայտարարել է գետի վրա ամբարտակի շինարարության մասին[4]։ 2009 թվականին ծրագիրը չեղյալ է հայտարարվել շրջակա միջավայրի նախարար Պիտեր Գարեթի կողմից՝ տեղի բնակիչների բողոքների և տարածաշրջանում էկոլոգիական իրավիճակի խախտման պատճառներով[5]։
Գետում պարբերաբար տեղի են ունենում հեղեղումներ։ Ամենաուժեղը եղել է 2010-2011 թվականներին, երբ Մերիբորում ջրի մակարդակը նորմայից բարձրացել էր 8,2 մետր, իսկ Ջիմփիում`19,3 մետր[6][7]։
Ֆաունա
խմբագրելԳետում ապրում են հազվագյուտ հանդիպող Elusor macrurus կրիաներ։ Այլ հազվագյուտ կենդանիներից կարելի է նշել այնպիսի ձկնատեսակների, ինչպիսիք են եղջերատամը և Մերի գետի ձողաձուկը։ Գետում կարող են հանդիպել նաև 3,5 մ երկարությամբ բարձրակատար կոկորդիլոսներ[8]։
Պատկերասրահ
խմբագրել-
Տիարոի մոտ, 2012 թվականի մայիս -
Կամուրջ Մերի գետի վրա, Տիարոի մոտ, 2012 թվականի մայիս -
Կամուրջ Մերի գետի վրա, Մերիբորոյի մոտ, 1882 թվական -
Գետի հեղեղումը Մերիբորոյում, 1893 թվական
Ծանոթագրություններ
խմբագրել- ↑ Harbour facilities: Urangan Harbour Արխիվացված 2015-02-14 Wayback Machine на сайте frasercoast.qld.gov.au
- ↑ Река Мэри на сайте maps.bonzle.com
- ↑ Происхождение топонимов Квинсленда: Река Мэри Արխիվացված 2013-07-14 archive.today на сайте nrm.qld.gov.au
- ↑ Qld Govt proposes Mary River dam на сайте abc.net.au, 27 апреля 2006
- ↑ Report to Garrett says dam species will die на сайте brisbanetimes.com.au, 26 ноября 2008
- ↑ Mary River battered by flood waters на сайте abc.net.au, 26 января 2011
- ↑ Mary River floodwaters fill Gympie streets на сайте abc.net.au, 11 января 2011
- ↑ «Extreme caution» urged over elusive Mary River croc на сайте abc.net.au, 20 марта 2013
 | Վիքիպահեստն ունի նյութեր, որոնք վերաբերում են «Մերի (գետ)» հոդվածին։ |