Կորալյան ծով
Կորալյան ծով (անգլ.՝ Coral Sea), կիսափակ ծով Խաղաղ օվկիանոսում, որն ընկած է Ավստրալիայի, Նոր Գվինեայի և Նոր Կալեդոնիայի միջև։ Տոռես նեղուցով միացած է Հնդկական օվկիանոսին։ Մակերևույթի մակերեսը 4 791 հազար կմ² է։ Առավելագույն խորությունը՝ 9 140 մ, միջին խորությունը՝ 2394 մ։ Մարջանների ծովում կան բազմաթիվ մարջանային խութեր և կղզիներ, այնպիսիք, ինչպիսին են՝ Ուիլիս, Տրեգերոս, Բամտոն, Չեստերֆիլդ։ Ամենահայտնիի խութերից մեկն է Մեծ սահմանային արգելախութը, որը ամենամեծ մարջանային խութն է աշխարհում։
 Coral Sea | ||
 | ||
| Կոորդինատներ | 20°00′00″ հվ. լ. 155°00′00″ ավ. ե. / 20.00010° հվ. լ. 155.00012° ավ. ե.Կոորդինատներ: 20°00′00″ հվ. լ. 155°00′00″ ավ. ե. / 20.00010° հվ. լ. 155.00012° ավ. ե. | |
| Ընդհանուր մակերեսը | 4791 հազար կմ² | |
| Ծավալը | 11470 հազար կմ³ | |
| Ամենամեծ խորությունը | 9140 մ | |
| Միջին խորությունը | 2394 մ | |
  | ||
 Վիքիպահեստում
| ||
Հատակը խիստ կտրտված է։ Հոսանքներն առաջացնում են ցիկլոնային շրջապտույտ, որի արևմտյան ծայրամասերից սկիզբ է առնում Արևելա-Ավստրալիական հոսանքը։ Ջրի միջին ջերմաստիճանը հարավում օգոստոսին 19 °C է, փետրվարին՝ 24 °C, հյուսիսում շուրջ տարին՝ 27 °C-28 °C, աղիությունը՝ 34,5-35,5°/00։ Կան շնաձկներ և թռչող ձկներ։
1969 թվականից ծովի տարածքը պատկանում է Ավստրալային։
Ծովի կղզիները բնակեցված չեն, Ուիլիս կղզիների վրա տեղակայված է օդերևութաբանական կայան։
1942 թվականին այս ծովում է տեղի ունեցել ծովային ճակատամարտ ճապոնական և դաշնակից ուժերի միջև, որը թույլ չտվեց Ճապոնիային գրավել Պորտ-Մորսբին։
Հիմնական նավահանգիստները՝ Կերնս (Ավստրալիա), Պորտ-Մորսբին (Նոր Գվինեա), Նումեան (Նոր Կալեդոնիա)։
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Կորալյան ծով կատեգորիայում։ |