Մեծ Լիմպոպո անդրսահմանային պարկ
Մեծ Լիմպոպո անդրսահմանային պարկ (անգլ.՝ Great Limpopo Transfrontier Park), աֆրիկյան Զիմբաբվե, Մոզամբիկ և ՀԱՀ պետությունների տարածքում ներկայումս ձևավորվող բնական պարկ, որի տարածքը կազմում է 37572 կմ²։ Պարկի զարգացման երկրորդ փուլում նրա տարածքը կհասնի մինչև 100000 կմ², որը «Մեծ Լիմպոպոն» կդարձնի աշխարհի ամենախոշոր բնական պարկը[1]։
| Մեծ Լիմպոպո անդրսահմանային պարկ | |
|---|---|
 | |
| Տեղագրություն |  Զիմբաբվե Մոզամբիկ Հարավային Աֆրիկա |
| Կոորդինատներ | 22°26′00″ հվ. լ. 31°22′00″ ավ. ե.HGЯO |
| Տարածք | 37572 կմ2 |
| Հիմնադրված է | 2002 |
| Կայք | greatlimpopo.org |
 | |
 Great Limpopo Transfrontier Park Վիքիպահեստում | |
Պատմություն խմբագրել
Պարկի ստեղծման հուշագիրը ստորագրվել է 2000 թվականի նոյեմբերի 10-ին։ Ապագա պարկը ի սկզբանե կոչվել է Գազա-Կրյուգեր-Գոնառեժուի անդրսահմանային պարկ, սակայն 2001 թվականի հոկտեմբերին որոշվեց նրան տալ ներկայիս անվանումը։ 2002 թվականի դեկտեմբերի 9-ին պետությունների ղեկավարները, որոնց տարածքում ձևավորվել էր պարկը ստորագրեցին համաձայնագիր դրա ստեղծման վերաբերյալ[1]։ Առաջին կենդանիներն անցան ազգային պարկերի նախկին սահմանները 2001 թվականի հոկտեմբերի 4-ին։ Այդ ժամանակից ի վեր հանվեցին ավելի քան 50 կմ արգելափակոցներ կենդանիների անխոչընդոտ տեղաշարժն ապահովելու նպատակով[1]։ 2013 թվականի հոկտեմբերից Մոզամբիկի և ՀԱՀ-ի միջև գործում է հատուկ սահմանային անցակետ «Մեծ Լիմպոպո» այցելող զբոսաշրջիկների անցման համար[1]։
Ֆաունա խմբագրել
Պարկում կան վայրի կենդանիների աշխարհի տարբեր ներկայացուցիչներ, այդ թվում՝ հարավային սպիտակ ռնգեղջյուր, հարավաֆրիկյան ընձուղտ, կապույտ գնու, աֆրիկյան ընձառյուծ, հարավային առյուծ, հարավային վագրակատու, մանգուստներ և բծավոր բորենիներ։
Պարկի կազմ խմբագրել
«Մեծ Լիմպոպո» անդրսահմանային պարկը ներառում է ՀԱՀ-ի, Մոզամբիկի և Զիմբաբվեի տարածքում գործող նախկին մասնավոր և պետական, բնական պարկերն ու արգելոցները։
- Կրյուգերի ազգային պարկ (ՀԱՀ)
- Լիմպոպո ազգային պարկ (Մոզամբիկ)
- Բանյինե ազգային պարկ (Մոզամբիկ)
- Զինավի ազգային պարկ (Մոզամբիկ)
- Մապուտո փղի արգելոց (Մոզամբիկ)
- Գոնառեժու ազգային պարկ (Զիմբաբվե)
Ծանոթագրություններ խմբագրել
- ↑ 1,0 1,1 1,2 1,3 «GREAT LIMPOPO TRANSFRONTIER PARK». Արխիվացված է օրիգինալից 2018 թ․ օգոստոսի 25-ին. Վերցված է 2014 թ․ հունիսի 20-ին.
{{cite web}}: More than one of|accessdate=and|access-date=specified (օգնություն)
Արտաքին հղումներ խմբագրել
 | Վիքիպահեստն ունի նյութեր, որոնք վերաբերում են «Մեծ Լիմպոպո անդրսահմանային պարկ» հոդվածին։ |