Մեծ Բերտա
Մեծ Բերտա (մարտի 17, 1945 - դեկտեմբերի 31, 1993), կով, որը եղել է Գինեսի կրկնակի ռեկորդակիր։ Նա ամենատարեց կովն էր, որը մահացել էր իր 49-րդ տարեդարձից ընդամենը երեք ամիս առաջ, և նա նաև սահմանել էր ողջ կյանքի ընթացքում բուծման ռեկորդ՝ արտադրելով 39 հորթ[1]։ Իր կյանքի ընթացքում նա օգնել է 75 հազար դոլար հավաքել քաղցկեղի հետազոտման և այլ բարեգործական կազմակերպությունների համար[2][3]։
Կյանք խմբագրել
Մեծ Բերտան ծնվել է Իռլանդիայում 1945 թվականի մարտի 17-ին՝ Սուրբ Պատրիկի օրը։ Նա պատկանում է Դրոիմեն[1][3] (բնիկ իռլանդական խոշոր եղջերավոր ցեղատեսակ) կամ ֆրիզերեն ցեղատեսակին։ Մեծ Բերտային գնել է ֆերմեր Ջերոմ Օ' Լիրին անասունների տոնավաճառում։ Բերտան ապրել է նրա ֆերմայում՝ Իռլանդիայի Քերի կոմսությունում գտնվող Սնիմ շուկայի մոտակայքում[2][4]։
Մեծ Բերտան Գինեսի երկու ռեկորդ է գրանցել։ Նա ամենատարեց կովն է եղել, որը մահացել է իր 49-ամյակից ընդամենը երեք ամիս առաջ, և նա նաև ռեկորդակիր էր ցմահ բուծման համար՝ ունենալով 39 հորթ[3]։ Այնուամենայնիվ, մինչև 2006 թվականը կատեգորիաները հանվել էին Գինեսի ռեկորդների գրքից։
Շնորհիվ իր համաշխարհային ռեկորդ սահմանող կարգավիճակի՝ Մեծ Բերտան դարձել է հայտնի այդ տեղանքում։ Անասունների տոնավաճառներում նրա հայտնվելն օգնել է հավաքել 75,000 դոլար քաղցկեղի հետազոտությունների և այլ բարեգործական կազմակերպությունների համար[2], և նա էր ղեկավարել Սուրբ Պատրիկի օրվա շքերթը Սնեմում` դրամահավաքի օգնության համար։ Աղմկոտ շքերթներին իր ելույթներից առաջ Օ'Լիրին Մեծ Բերտային վիսկի է խմեցրել` նյարդերը կայունացնելու համար[1]։ 1993 թվականի Ամանորի գիշերը նրա մահից հետո փաբերից մեկում տեղի է ունեցել հոգեհանգստյան արարողություն։ Մեծ Բերտայի մահից հետո Օ' Լիրիի հոտի մեջ դեռ մնում էին Բերտայի մի քանի սերունդներ, որոնցից ավագն այն ժամանակ 35 տարեկան էր[2]։
Մահից հետո Մեծ Բերտան լցոնված է եղել և այժմ պահվում Է Քերիի կոմսության Բոֆորտ ֆերմայում[1][2]։
Ծանոթագրություններ խմբագրել
- ↑ 1,0 1,1 1,2 1,3 «My Travels: Turtle Bunbury in Ireland. A wake for a cow in a pub in rural Ireland sounds like an episode of Father Ted. We knew we'd get no further that night». The Guardian. 2010 թ․ դեկտեմբերի 4. Վերցված է 2010 թ․ դեկտեմբերի 20-ին.
- ↑ 2,0 2,1 2,2 2,3 2,4 «World's Oldest Cow to Visit Taxidermist». Deseret News. 1993 թ․ դեկտեմբերի 31. Արխիվացված օրիգինալից 2010 թ․ նոյեմբերի 7-ին. Վերցված է 2010 թ․ դեկտեմբերի 20-ին.
- ↑ 3,0 3,1 3,2 Cunnane, Catherina (2019 թ․ նոյեմբերի 19). «Weird Cow Breeds: Droimeann- One of Ireland's rarest cattle breeds». That's Farming. Thatsfarming.com. Արխիվացված է օրիգինալից 2020 թ․ հունվարի 8-ին. Վերցված է 2019 թ․ հուլիսի 26-ին.
- ↑ Ballyvolane House Spirits Company, Castlelyons. «Big Bertha, Irelands' oldest cow & legend of Sneem in Kerry». Ballyvolane House Spirits Company. Վերցված է 2020 թ․ փետրվարի 1-ին.