Խուլիո Մեդեմ

Խուլիո Մեդեմը (անգլ.՝ Julio Medem, հոկտեմբերի 21, 1958(1958-10-21), Սան Սեբաստիան, Գիպուսկոա, Բասկերի երկիր, Իսպանիա), իսպանացի կինոռեժիսոր, սցենարիստ, օպերատոր և դերասան։

Խուլիո Մեդեմ Խուլիո Մեդեմ Լաֆոնտ Սանխուան Մենդիզաբալ
Ծնվել է	հոկտեմբերի 21, 1958 (65 տարեկան)
Ծննդավայր	Սան Սեբաստիան, Իսպանիա
Կրթություն	University of the Basque Country?
Քաղաքացիություն	Իսպանիա
Գործունեության տարիներ	1974 թ.-ից մեր օրեր
Ազգություն	իսպանացի
Մասնագիտացում	ռեժիսոր
Ոճ(եր)	իսպանական արտ-հաուս, էրոտիկ դրամա
Պարգևներ	«Գոյա» մրցանակ (1993 թ.), Կաննի կինոփառատոնի երիտասարդ ժյուրիի մրցանակ
IMDb	ID 0575523
www.juliomedem.org

Կենսագրություն

Խուլիո Մեդեմը ծնվել է 1958 թվականի հոկտեմբերի 21-ին Իսպանիայի Սան Սեբաստիան քաղաքում (Բասկերի երկիր)։ 1985 թվականին ավարտել է Բասկերի երկրի համալսարանը, որտեղ սովորել է բժշկություն և ընդհանուր վիրաբուժություն։ Դեռ ուսանող չդարձած նա սկսել է համագործակցել «La Voz de Euskadi» թերթի հետ, որտեղ ունեցել է կինոյի իր բաժինը, բացի այդ նաև եղել է կինոյի և հեռուստատեսության մասին մի շարք հոդվածների հեղինակ և համահեղինակ այլ թերթերի և ամսագրերի համար, այդ թվում և՝ «Cinema 2002»-ում։ 1975 թվականից նա սկսել է մի քանի էքսպերիմենտալ ֆիլմեր նկարել «Super-8» ֆոտոխցիկով, որի արդյունքում ստեղծվել են մի շարք կարճամետրաժ ֆիլմեր։ 1985 թվականին կինոգործիչը սկսել է ֆիլմեր նկարել 35 միլիմետրանոց ֆոտոխցիկով, իսկ 1991 թվականին կայացել է նրա առաջին ֆիլմի՝ «Կովերի» պրեմիերան։ Ֆիլմը ցուցադրվել է Տոկիոյի, Թուրինի, Ալեքսանդրիայի կինոփառատոների ժամանակ։ Նրա հաջորդ 2 ֆիլմերը՝ «Հողը» (1993 թ.) և «Կարմիր սկյուռիկը» (1996 թ.) ցուցադրվել են Կաննի կինոփառատոնի ժամանակ։ «Կարմիր սկյուռիկը» կինոփառատոնի ժամանակ արժանացել է երիտասարդ ժյուրիի մրցանակին և Ժերերմորի ֆանտաստիկ ֆիլմերի միջազգային կինոփառատոնի ժյուրիի հատուկ մրցանակին։ 1999 թվականին որոշ դադարից հետո էկրան է բարձրանում Մեդեմի «Բևեռային շրջանի սիրահարները», իսկ 2001 թ.-ին՝ «Լուսիան և սեքսը»։ 2000 թվականին ավտովթարի ժամանակ զոհվում է ռեժիսորի քույրը՝ Աննա Մեդեմը. նա գնում էր իր նկարների ցուցահանդեսին։ 2007 թվականին Խուլիո Մեդեմը նկարահանում է ֆիլմ նվիրված քրոջը՝ «Քաոսային Աննան»։ Ֆիլմում օգտագործվել են Աննայի նկարները։

Ֆիլմագրություն

Գեղարվեստական ֆիլմեր

Խաղարկային ֆիլմեր

• Արվեստների շարժումը։ (Moving the Arts), 2010
• Սենյակ Հռոմում։ (Habitación en Roma), 2009
• Քաոսային Աննան։ (Caótica Ana), 2007
• Լուսիան և սեքսը։ (Lucía y el sexo aka Sex and Lucia), 2001, «Գոյա» մրցանակի 2 նոմինացիա
• Բևեռային շրջանի սիրահարները (Los amantes del círculo polar aka The Lovers of the Arctic Circle), 1998
• Հողը։ (Tierra aka Earth), 1996
• Կարմիր սկյուռիկը։ (La ardilla roja aka The Red Squirrel), 1993
• Կովեր։ (Vacas aka Cows), 1991

Դոկումենտալ ֆիլմեր

• Բասկբոլլ։ Մաշկն ընդդեմ քարի։ (La pelota vasca։ la piel contra la piedra aka The Basque Ball։ Skin Against Stone), 2003-«Գոյա» մրցանակի նոմինացիա

Super 8 և 35մմ ֆիլմեր

• Մարտին։ (Martín), 1988
• ՈՒղիղ վեցին։ (Las seis en punta aka Six on the Dot), 1987
• Թաթերը գլխին։ (Patas en la cabeza), 1985
• Եթե ես պոետ լինեի։ (Si yo fuera poeta aka If I Were a Poet), 1981
• Անցած հինգշաբթի։ (El jueves pasado aka Last Thursday), 1977
• Կույրը։ (El Ciego), 1974

Հետաքրքիր փաստեր

• Խուլիո Մեդեմի «Հողը» ֆիլմում գլխավոր դերում պիտի խաղար Անտոնիո Բանդերասը, բայց նրա ԱՄՆ-ից ժամանումը հետաձգվեց և ֆիլմում խաղաց Կարմելո Գոմեսը։
• 1977 թվականին Խուլիո Մեդեմը ստեղծել է իր կինոստուդիան՝ «Alicia produce» անունով։ Ստուդիայի անունը դրվել է ի պատիվ Մեդեմի երկրորդ դստեր՝ Ալիսիի։
• Խուլիո Մեդեմը հանդիսանում է «Ես նույնպես» ֆիլմի պրոդյուսերը, որը նկարել են Ալվարո Պաստորը և Անտոնիո Նախասը «Alicia produce» կինոստուդիայում։

Արտաքին հղումներ

• Պաշտոնական կայքէջ
• Խուլիո Մեդեմը imdb.com կայքում
• Խուլիո Մեդեմը Ֆեյսբուքում
• Սենյակը Հռոմում Արխիվացված 2018-12-18 Wayback Machine
• Սինեմատեկի ամփոփումը ռեժիսորի արվեստի մասին
• Խուլիո Մեդեմը իր նոր «Պերիկլես և Ասպազիա» նախագծի մասին
• Խուլիո Մեդեմը «Անհանգիստ Աննա» ֆիլմի մասին
• «Ես նույնպես» ֆիլմի կայքէջը(չաշխատող հղում)
• Ռեժիսորի էջը inoekino.ru-ում

Աղբյուրներ

Վիքիպահեստն ունի նյութեր, որոնք վերաբերում են «Խուլիո Մեդեմ» հոդվածին։