Մարգարիտ Սարգսյան
Մարգարիտ Ալֆրեդի Սարգսյան (փետրվարի 22, 1969, Երևան, Հայկական ԽՍՀ, ԽՍՀՄ), հայ դաշնակահարուհի, պրոֆեսոր (2011)։
Մարգարիտ Սարգսյան | |
---|---|
Ծնվել է | փետրվարի 22, 1969 (55 տարեկան) Երևան, Հայկական ԽՍՀ, ԽՍՀՄ |
Երկիր | Հայաստան |
Մասնագիտություն | դաշնակահարուհի |
Կրթություն | Երևանի Կոմիտասի անվան պետական կոնսերվատորիա |
Կենսագրություն խմբագրել
Մարգարիտ Սարգսյանը ծնվել է 1969 թվականի փետրվարի 22-ին Երևանում։ 1987 թվականին ավարտել է Երևանի Պ. Ի. Չայկովսկու անվան երաժշտական դպրոցը, 1992 թվականին՝ Երևանի պետական կոնսերվատորիայի դաշնամուրի բաժինը։ 1995 թվականին ավարտել է ասպիրանտուրայի նվագակցության բաժինը (Ա. Հակոբյանի դասարան)։ Կոմպոզիցիայի դասեր է առել Էդվարդ Միրզոյանից (1987-1988), 1997-1999 թվականներին կատարելագործվել է Պրետորիայի «Մոցարտ» ակադեմիայում (ղեկավարներ՝ Ի. Թոման, Ա. Զաց), նվագակցել Ք. Մայերի, Է. Բլահովայի, Մ. Լետիեկի և ուրիշների դասարաններում։
1992 թվականից հանդես է եկել որպես կոնցերտմայստեր, դասավանդել է նաև Երևանի պետական կոնսերվատորիայում (նվագակցություն)։ Համերգներով շրջագայել է Ռուսաստանում, Լեհաստանում, Հունգարիայում, Չեխիայում, Իտալիայում, Կանադայում, Իսրայելում, Պարսկաստանում, Կիպրոսում, Ստամբուլում և այլուր։
Ունի ֆոնդային ձայնագրություններ (Վ. Հարությունովի, Աննա Մայիլյանի, Դիանա Հարությունյանի, Նարինե Անանիկյանի և ուրիշների հետ)։ Մշակել է Նիկոլ Գալանդերյանի շուրջ 30 մեղեդի (2015)։
Հեղինակել է «Տասը վոկալիզներ» (2005, երգիչների համար), «Տասնհինգ վոկալիզներ» (2008) ժողովածուները։
Պարգևներ խմբագրել
2017 թվականին արժանացել է Հայաստանի Հանրապետության մշակույթի նախարարության ոսկե մեդալի։
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ |