Մարանաթա տպարան
«Մարանաթա» Հոգևոր Եղբայրության տպարանը հիմնադրվել է 1922 թվականին Հալեպում[1]։
.png) | |
|---|---|
| Գտնվում է | Հալեպ |
| Հիմնվել է | 1922 |
| Հիմնել է | Սեֆերյան Աբրահամ |
| Առաջին տպված գիրք | «Հիսուսի Ս. Գրոց աշակերտը» |
| Ներկա վիճակ | Չգործող |
Պատմություն խմբագրել
Տպարանի հիմնադիր արտոնատերն է եղել Աբրահամ Գ. Սեֆերյանը, պատասխանատու տնօրենը` Մինաս Հ. Պոզոքլյանը։ 1936 թվականին Մ. Հ. Պոզոքլյանը առանձնանաում է և հիմնում իր սեփական տպարանը։ «Մարանաթա» տպարանի տերը և տնօրենը դառնում է Ա. Գ. Սեֆերյանը։ Տպարանի առաջին գրաշարապետը եղել է Արամ Շատարևյանը։ Հետագայում տպագրական գործերը վարել են Սարգիս Մալաքյանը, Դանիել Կ. Ճիզմեճյանը և Գևորգ Ղազարյանը` օգնական գրաշար ունենալով Հովսեփ Գազանճյանին և Մարտիրոս Թադևոսյանին։ Տպագրությունները կատարել է Կարապետ Քելլիկյանը:Տպարանն ունեցել է միայն հայերեն տառեր` Արամյան և Գէորգյան, մի բետալ մամուլ և կարիչ մեքենա։ Տպագրական գործերը եղել են հայերեն և հայատառ թուրքերեն հոգևոր թերթիկներ, պատի օրացույցներ, քարոզատետրեր, գրքույկներ, ինչպես նաև, «Մարանաթա» ամսաթերթը։ Տպարանի հոգևոր թերթիկներն ու քարոզատետրերը ձրի բաշխվում էին` ցրիչների օգնությամբ, բոլոր անցորդներին։
Անթվակիր գրքեր խմբագրել
«Մարանաթա» տպարանի հրատարակությունների մեջ եղել են գրքեր, որոնք տարեթիվ չունեն։ Սա արվել է գիտակցաբար՝ ընթերցողներին նոր գիրք հրամցնելու միամիտ միտումով։ Վերատպվել են միայն այն գրքերը, որոնք լույս էին տեսել մի քանի անգամ։
Պարբերականներ խմբագրել
1925 թվականին այս տպարանում սկսել է տպագրվել Հոգևոր Եղբայրության համանուն պարբերականը` «Մարանաթա» ամսաթերթրը, հայերեն և հայատառ թուրքերեն բաժիններով, արտոնատիրությամբ` Ա. Գ. Սեֆերյանի և խմբագրությամբ Մ. Հ. Պոզոքլյանի։ Տպարանի փակվելուց հետո, Հալեպում 1963 թվականին դադարոմ է նաև ամսաթերթի հրատարակությունը։
Գրքեր խմբագրել
- Հիսուսի Ս. Գրոց աշակերտը, 1922
- Կիւնահքեարլար ղազալանմըշ Ալլահըն Էլինտէ, 1923
- Քրիստոսն իքինճի կէլիշի, 1924
- Յիսուսըն քիթապը մու գատտէս տէֆթէրի, 1924
- Յիսուս կուգայ, 1926 և այլն:
Աղբյուրներ խմբագրել
Ծանոթագրություններ խմբագրել
- ↑ Ռաֆայել Իշխանյան (1981). Հայ գիրքը։ 1512-1920. Երևան։ ՀՍՍՀ ԳԱ. էջեր 154