Վիքիպեդիա

Մասնակից:Hayk10/Ավազարկղ6

< Մասնակից:Hayk10
Hayk10/Ավազարկղ6
Ընդհանուր տեղեկություններ
Ամբողջական անունԲեռնարդ Համֆրի Հոփքինս կրտսեր (անգլ.՝ Bernard Humphrey Hopkins Jr)
ՄականունԴահիճ (անգլ.՝ The Executioner)
Այլմոլորակային (անգլ.՝ The Alien)
Բի Հոփ (անգլ.՝ B-Hop)
Քաշային կարգկիսածանր (մինչև 79,378 կգ)
Հասակ185 սմ
Թափ191 սմ
ռեյտինգи
BoxRec-ի ռեյտինգի տեղ2 (778 միավոր)
-ի ռեյտինգի լավագույն տեղ1 (1528)
2010 թվականի հունվար
Պրոֆեսիոնալ կարիերա
Վերջին մարտ17 դեկտեմբերի, 2016
Չեմպիոնական գոտի
Աշխարհի բռնցքամարտի բացարձակ չեմպիոն
Աշխարհի բռնցքամարտի բացարձակ չեմպիոն
WBC, WBA, IBF, WBO, IBO, The Ring
Մարտերի թիվ67
Հաղթանակների թիվ55
Հաղթանակ նոկաուտով32
Պարտություն8
Ոչ ոքի2
Տեղի չունեցած2
ԹիմGolden Boy Promotions
boxrec-ի ցանկ

Բեռնարդ Հոփքինս (անգլ.՝ Bernard Hopkins, ), ամերիկացի պրոֆեսիոնալ բռնցքամարտիկ, որը հանդես է գալիս միջին և կիսածանր քաշային կարգերում:

Աշխարհի բացարձակ չեմպիոն, աշխարհի չեմպիոն միջին (IBF վարկածով, 1994-2005, WBC վարկածով, 2001-2005, WBA վարկածով, 2001-2005, WBO վարկածով, 2004-2005) և կիսածանր (IBO վարկածով, 2006, WBC վարկածով, 2011-2012, IBF վարկածով, 2013-2014, WBA super վարկածով, 2014) քաշային կարգերում։ Լավագույն բռնցքամարտիկը անկախ քաշային կարգից՝ ըստ «Ռինգ» ամսագրի (2002, 2004):

Առաջին բռնցքամարտիկն է, որը դարձել է աշխարհի չեմպիոն 4 հիմնական վարկածներով, ինչպես նաև «Ռինգ» ամսագրի վարկածով։ Աշխարհիտարիքով ամենամեծ եռակի չեմպիոնն ամբողջ պատմության ընթացքում, որը տիտղոս է նվաճել հիմնական վարկածներից մեկով 46, 47 և 49 տարեկանում: 49 տարեկանում միավորել է երկու չեմպիոնական տիտղոսներ։

Վաղ տարիներ խմբագրել

Բերնարդ Հոփքինսը ծնվել է 1965 թվականի հունվարի 5-ին Ֆիլադելֆիայում (Փենսիլվանիա)։ Վաղ տարիքում սկսել է հանցավոր կյանք վարել։ Տասներեք տարեկանում մասնակցել է մարդկանց վրա հարձակման և արդեն ստացել էր դանակի երեք վնասվածք: Տասնյոթ տարեկանում ինը հանցագործությունների համար դատապարտվել է 18 տարվա ազատազրկման: 1988 թվականին՝ գրեթե հինգ տարվա ազատազրկումից հետո, Բեռնարդ Հոփքինսն ազատ է արձակվել: Նա ընդունել է իսլամ[1] ու երդվել հեռու մնալ հանցավոր աշխարհից։ Դրա համար նա ընտրել է բռնցքամարտը[2]:

Պրոֆեսիոնալ կարիերա խմբագրել

1988 թվականի հոկտեմբերին նշել է նորամուտը կիսածանր քաշային կարգում։ Առաջին իսկ մարտում պարտվել է Քլինթոն Միտչելին։ Դրանից հետո մեկուկես տարով հեռացել է բռնցքամարտից։

Երկրորդ միջին քաշ խմբագրել

1990 թվականի փետրվարին Հոփքինսը, իջնելով 2-րդ միջին քաշ, վերադարձել է ռինգ։

1992 թվականի հունվարին տեղի է ունեցել Բեռնարդ Հոփքինսի և միջին քաշային կարգում աշխարհի չեմպիոնի նախկին հավակնորդ Դենիս Միլթոնի մենամարտը։ Առաջին փուլի կեսին Հոփքինսը կատարել է աջ հուք գլխին։ Միլթոնը ծնկի է իջել։ Մարտն անցկացվել է կլինչների առաջությամբ: 4-րդ և 5-րդ ռաունդների միջև եղած ընդմիջման ժամանակ Միլթոնի անկյունը դադարեցրել է մարտը։ Հոփքինսը հաղթել է տեխնիկական նոկաուտով։

1992 թվականի ապրիլին Հոփքինսը ռինգ է դուրս եկել Ռենդի Սմիթի դեմ։ Հոփքինսն առավելություն է ունեցել ամբողջ մարտի ընթացքում: Մարտից հետո բոլոր մրցավարները դրել են նույն միավորը՝ 100-90 հօգուտ Հոփքինսի։

1993 թվականի փետրվարին Հոփքինսը ռինգ է դուրս եկել Գիլբերտ Բեփթիստի դեմ։ Մարտը տեղի է ունեցել Հոփքինսի առավելությամբ, որը ավելի շատ է շարժվել, ավելի հաճախ և ավելի դիպում է խփել: 12 ռաունդներից հետո նրան հաղթանակ է շնորհվել միաձայն որոշմամբ։

Մարտ Ռոյ Ջոնս կրտսերի դեմ խմբագրել

 
Ռոյ Ջոնս

1993 թվականի մայիսին տեղի է ունեցել IBF վարկածով միջին քաշային կարգում թափուր տիտղոսի համար մենամարտը Բեռնարդ Հոփքինսի և անպարտելի Ռոյ Ջոնսի միջև: Արագության գերազանցության շնորհիվ Ջոնսը կատարել է ճշգրիտ հարվածներ, որոնց հակառակորդը չէր հասցնում պատասխանել։ 12 ռաունդների արդյունքում բոլոր մրցավարները 116-112 հաշվով հաղթանակը վերապահել են Ռոյ Ջոնսին: HBO հեռուստաալիքի մրցավար Հարոլդ Լեդերմանը նշել է, որ Ջոնսը հաղթել է մեծ առավելությամբ՝ 118-110: Այդ պահին երկու բռնցքամարտիկներն էլ դեռ չունեին աստղի կարգավիճակ, այդ պատճառով էլ նրանց մարտն անցկացվել է Ռիդիգ Բոուի և Ջեսի Ֆերգյուսոնի մարտի անդերքարթում։

1993 թվականի օգոստոսին Հոփքինսը ռինգ է դուրս եկել Ռոյ Ռիչիի դեմ։ 7-րդ փուլի վերջում Հոփքինսը հակառակորդին սեղմել է ճոպաններին և սկսել է «ռմբակոծել» քրոսներով և հուքներով: Ռիչին չի պատասխանել դրանց՝ բաց թողնելով գլխին հարվածների զգալի մասը։ Տեսնելով միակողմանի ծեծը՝ մրցավար Ռիչարդ Սթիլը դադարեցրել է մարտը: Հանրությունը դժգոհություն է արտահայտել։ Ռիչին նույնպես համաձայն չի եղել մրցավարի որոշման հետ։

1993 թվականի նոյեմբերին Հոփքինսը հանդիպել է Ուենդել Հոլլի հետ։ 2-րդ փուլի կեսին նա ծնոտին հարվածել է երկյակով։ Հոլլն ընկել է, բայց անմիջապես վեր է կացել: Հոփքինսը չի կարողացել միանգամից զարգացնել հաջողությունը։ Երրորդ ռաունդում փոխանակման ժամանակ Հոլլի անկյունից սպիտակ սրբիչ են նետել։ Մրցավարը վերցրել է այն ու նետել մի կողմ։ Այդ ժամանակ Հոփքինսը կատարել է ևս մեկ ձախ հուք։ Հոլլն ընկել է հատակին: Նա բարձրացել է: Մրցավարը սկսել է հաշվել նրա նոկդաունը։ Այդ ժամանակ Հոլլի մարզիչը մրցավարին նշան է արել, որ մարտը դադարեցվի։

IBF վարկածով չեմպիոնական տիտղոսի նվաճում խմբագրել

1994 թվականի դեկտեմբերին Հոփքինսը 2-րդ փորձն է ձեռնարկել տիտղոսը նվաճելու համար։ Այս անգամ նա մեկնել է Էկվադոր՝ մասնակցելու մարտի տեղացի բռնցքամարտիկ Սեգունդո Մերկադոյի դեմ: 5-րդ ռաունդի վերջում Մերկադոն կատարել է ստույգ աջ հուք ծնոտին։ Հոփքինսը ցնցվել է, էկվադորցին հրել է նրան, ու Հոփքինսն ընկել է։ Մրցավարը սկսել է հաշվել նոկդաունը։ Դժգոհ մրցավարի որոշումից՝ Հոփքինս բարձրացել է։ Էկվադորցին չի կարողացել հաղթել մրցակցին մինչև ռաունդի ավարտը։ 9-րդ ռաունդի վերջում բռնցքամարտիկները մտել են անկյուն, որտեղ Մերկադոն կատարել է ձախ ապպերկոտ մրցակցի ծնոտին։ Հոփքինսը ցնցվել է։ Մերկադոն կատարել է աջ հուք գլխին, ապա ձախ հուք նույն տեղում: Վերջին հարվածից հետո Հոփքինսն ընկել է ճոպանների միջև։ Նա կրկին դժգոհ է եղել նրանից, որ մրցավարը բացել է հաշիվը։ Մինչև ռաունդի ավարտը մնացած ժամանակում Մերկադոն անհաջող կերպով փորձել է ջախջախել մրցակցին, սակայն Հոփքինսը կատարել է կլինչներ։ 12 ռաունդից հետո մրցավարների կարծիքները բաժանվել են, և գրանցվել է ոչ ոքի։ Դահլիճը որոշումը սուլել է:

1995 թվականի ապրիլին տեղի է ունեցել ռևանշ Բեռնարդ Հոփքինսի և Սեգունդո Մերկադոյի միջև։ Այս անգամ Մերկադոն Միացյալ Նահանգներում հյուր է եկել Հոփքինսին, որն առավելություն է ունեցել ամբողջ մարտի ընթացքում։ Նա հաճախ է կատարել ճշգրիտ հարվածներ, իսկ էկվադորցի հաճախ վրիպել է: 7-րդ ռաունդի սկզբում Հոփքինսը կատարել է երկյակ ծնոտին։ Էկվադորցին դողացել է և մտել կլինչի։ Մրցավարը բաժանել է նրանց։ Հոփքինսը կատարել է ձախ հուք ծնոտին և մոտ տարածությունում մի շարք հարվածներ է հասցրել հակառակորդի իրանին։ Մերկադոն կրկին կլինչ է արել հակառակորդին։ Մրցավարը դժվարությամբ բաժանել է նրանց և տեսնելով, որ էկվադորցին ոչ ադեկվատ վիճակում է, դադարեցրել է մարտը։ Մերկադոն զարմացած տարածել է ձեռքերը։

1996 թվականի հունվարին կայացել է Բեռնարդ Հոփքինսի և Սթիվ Ֆրենկի մարտը։ Ֆրենկը վերջին պահին փոխարինել է Ջո Լիպսիին, որը չի կարողացել ռինգ դուրս գալ։ Հոփքինսը հենց առաջին հարվածով դիպել է թիրախին. նա կատարել է աջ հուք ծնոտին։ Հոփքինսը կատարել է երկու կարճ ձախ հուքեր գլխին, իսկ հետո ավելացրել աջը։ Ֆրենկն ընկել է ու հազիվ է կանգնել 10 հաշվին: Մրցավարը նայել է նրան և դադարեցրել մարտը: Հոփքինսը մոտեցել է հակառակորդին, և դժգոհ նայելով նրան՝ գնացել իր անկյունը։ Դա եղել է ամենաարագ նոկաուտը IBF-ի պատմության մեջ։

Մարտ Գլեն Ջոնսոնի դեմ խմբագրել
 
Գլեն Ջոնսոն (ձախ)

1997 թվականի հուլիսին կայացել է Բեռնարդ Հոփքինսի և անպարտելի Գլեն Ջոնսոնի մենամարտը։ Հոփքինսն առավելություն է ունեցել ամբողջ մարտի ընթացքում: Ջոնսոնը կաշկանդված է եղել և չի արագացրել իրադարձությունները։ 11-րդ ռաունդի կեսին Հոփքինսը մրցակցի գլխին մի քանի երկյակ է կատարել։ Մրցավարը, տեսնելով, որ Ջոնսոնը չի պատասխանում, միջամտել է և դադարեցրել մարտը: Հավակնորդը գոհ չի եղել մարտը դադարեցնելուց։

Մարտեր Ռոբերտ Ալենի դեմ խմբագրել

1998 թվականի օգոստոսին Բեռնարդ Հոփքինսը ռինգ դուրս եկավ Ռոբերտ Ալենի դեմ։ 4-րդ ռաունդի վերջում բռնցքամարտիկները կլինչ են արել։ Մրցավար Միլս Լեյնը, նրանց միջև մխրճվելով, նրանց հեռացրել է իրարից։ Հոփքինսը, չդիմանալով, դուրս է թռել ռինգից։ Նա չի կարողացել բարձրանալ՝ վնասելով աջ ոտքը։ Մարտը գրանցվել է որպես չկայացած։

1999 թվականի փետրվարին կայացել է 2-րդ մարտը Բեռնարդ Հոփքինսի և Ռոբերտ Ալենի միջև։ 2-րդ ռաունդի սկզբում Հոփքինսը աջ հուքով հարվածել է մրցակցի կզակին։ Ալենը ընկել է հատակին, բայց անմիջապես բարձրացել է: Հոփքինսը չի կարողացել հաղթել մրցակցին։ 4-րդ ռաունդի սկզբում Հոփքինսը աջ ապերկոտ է կատարել աճուկին։ Ալենը ընկել է հատակին։ Մրցավարը նրան շունչ քաշելու ժամանակ է տվել։ 4-րդ փուլի կեսերին չեմպիոնը մրցակցին սեղմել է ճոպաններին և նորից կատարել աջ ապերկոտ գոտկատեղից ներքև: Ալենը կրկին ընկել է։ Մրցավարը նրան վերականգնման ժամանակ է տվել։ 4-րդ ռաունդի վերջում բռնցքամարտիկները կլինչ են արել։ Մրցավարը դադարի հրահանգ է տվել և սկսել է նրանց բաժանել։ Այդ ժամանակ Ալենը աջ ապերկոտը է կատարել ծնոտին։ Հոփքինսը հետ է քաշվել։ Մրցավարը դիտողություն է արել հավակնորդին։ 4-րդ ռաունդի ամենավերջում բռնցքամարտիկները կրկին կլինչ են արել Մրցավարը սկսել է նրանց բաժանել, և այդ ժամանակ հնչել է կոչնազանգը։ Հոփքինսը, տարված լինելով, աջ ապերկոտ է կատարել կզակին։ Ալենը ընկել է։ Մրցավարը նրան ասել է, որ բարձրանա։ Հավակնորդը ռինգում մնացել է մի քանի վայրկյան, բայց հետո վեր է կացել ու գնացել իր անկյունը։ 6-րդ փուլի վերջում Հոփքինսը հակառակորդին անկյուն է մղել և սկսել «ռմբակոծել»։ Ալենը չի պատասխանել: Չեմպիոնը գլխին հարվածել է աջ քրոսով։ Հավակնորդը ընկել է, բայց անմիջապես վեր կացել: 7-րդ փուլի կեսերին Հոփքինսը ծնոտին մի քանի երկյակ է կատարել։ Ալենը օրորվել է: Չեմպիոնը նրան սեղմել է ճոպաներին և սկսել հարվածներ տեղալ։ Ալենը պարբերաբար պատասխանել է և կարողացել է հեռանալ պարաններից, սակայն Հոփքինսը հասել է նրան և կատարել աջ հուք գլխին, և նույն հարվածը՝ իրանին: Մրցավարը միջամտել է և դադարեցրել մենամարտը, թեև Ալենը անմիջապես փորձել է պատասխան հարված կատարել: Հավակնորդը մրցավարի որոշման հետ չի վիճել։

Միավորիչ մարտ Քիթ Հոլմսի հետ խմբագրել

2001 թվականի ապրիլին կայացել է միջին քաշային կարգում միավորիչ մենամարտ՝ IBF-ի չեմպիոն Բեռնարդ Հոփքինսի և WBCչեմպիոն Քիթ Հոլմսի միջև: 5-րդ փուլի վերջում Հոփքինսը գոտկատեղից ներքև կատարել է ձախ հուք։ Մրցավարը դադար է տվել Հոլմսին։ 12 ռաունդների արդյունքում մրցավարները միաձայն որոշմամբ հաղթանակը տվել են IBF գոտու տիրակալին[3]:

 
Ֆելիքս Տրինիդադ

Միավորիչ մարտ Ֆելիքս Տրինիդադի հետ խմբագրել

2001 թվականի սեպտեմբերին տեղի է ունեցլե միջին քաշային կարգում աշխարհի բացարձակ չեմպիոնի տիտղոսի համար մարտը Բեռնարդ Հոփքինսի և Ֆելիքս Տրինիդադի միջև։ Հոփքինսն առավելություն է ունեցել ամբողջ մարտի ընթացքում։ Վերջին ռաունդներում Տրինիդադ սկսել է շատ բաց թողնել: 12-րդ ռաունդում Հոփքինսը, աջ հուքով հարվածելով ուղիղ պուերտոռիկացու ծնոտին, նրան նոկդաուն է ուղարկել։ Տրինիդադը հազիվ է կանգնել 9 հաշվին։ Մրցավար Սթիվ Սմուգերը կասկածներ ուներ՝ շարունակի արդյոք մարտը։ Սակայն ռինգ է դուրս եկել Տրինիդադի մարզիչը, և մրցավարը դադարեցրել է մարտը[4][5][6][7]:

2002 թվականի փետրվարին Հոփքինսը ռինգ դուրս է դուրս եկել Կարլ Դենիելսի դեմ։ Հոփքինսն առավելություն է ունեցլել ամբողջ մարտի ընթացքում: 10-րդ և 11-րդ ռաունդների միջև ընդմիջման ժամանակ Դենիելսի անկյունն իր բռնցքամարտիկին հանել է պայքարից: Դահլիճը դժգոհություն է հայտնել[8]:

2003 թվականի մարտին Հոփքինսը ռինգ է դուրս եկել ֆրանսիացի Մորրադ Հաքքարի դեմ։ 1-ին ռաունդում Հաքքարը հանդիսատեսի դժգոհությունների ներքո խուսափլե է մրցակցից։ Այնուհետև ֆրանսիացին դադարել է խույս տալ՝ ներգրավվելով մարտի մեջ։ Հոփքինսը հաճախ հարվածել է թիրախին, իսկ Հաքքարը մշտապես վրիպել է։ 6-րդ ռաունդի կեսին չեմպիոնը կատարել է աջ հուք հակառակորդի ծնոտին։ Ֆրանսիացին օրորվել է, բայց չի ընկել։ Հոփքինսը, որոշակի դադար տալով, շտապել է ջախջախել նրան։ Հաքքարը, տեսնելով վտանգը, ինքն է ծնկի իջել։ Նա կանգնել է ինը հաշվին։ Մենամարտի վերսկսումից հետո չեմպիոնը չի կարողացել ջախջախել մրցակցին։ 8-րդ և 9-րդ ռաունդների միջև եղած դադարի ժամանակ Հաքքարի անկյունը դադարեցրել է մարտը[9][10]:

Մարտ Վիլյամ Ջոպիի դեմ խմբագրել

2003 թվականի դեկտեմբերին տեղի է ունեցլե Բեռնարդ Հոփքինսի և Ուիլյամ Ջոպիի մարտը։ Հոփքինսը առավելություն է ունեցել մարտում։ 12 ռաունդից հետո բոլոր մրցավարները մեծ առավելությամբ հաղթանակը տվել են բացարձակ չեմպիոնին[11][12]:

Մարտ Ռոբերտ Ալլեն III-ի դեմ խմբագրել

2004 թվականի հունիսին Հոփքինսը 3-րդ անգամ ռինգ է դուրս եկել Ռոբերտ Ալենի դեմ: 5-րդ ռաունդի սկզբում Ալենը ձախ հուք է կատարել աճուկում։ Դրա համար մրցավարը տուգանել է նրան մեկ միավորով։ 7-րդ ռաունդի սկզբում Հոփքինսը խփել է հակառակորդի ծնոտին աջ քրոսով։ Ալենը ընկել է, բայց բարձրացել է հինգ հաշվին։ Մարտի վերսկսումից հետո Հոփքինսը շտապել է ջախջախել հավակնորդին։ Ալենն անցել է պաշտպանության և կարողացել է դիմանալ երկարատև հարձակմանը։ 12 ռաունդներից հետո մրցավարները մեծ առավելությամբ հաղթանակը տվել են չեմպիոնին։ Մարտը տեղի է ունեցել HBO հեռուստաալիքի կազմակերպած շոուի շրջանակներում, որի գլխավոր իրադարձությունը եղել է Օսկար Դե Լա Հոյայի ու Ֆելիքս Շտուրմի մարտը[13][14][15][16][17][18][19]:

 
Օսկար Դե Լա Հոյա

Միավորիչ մարտ Օսկար Դե Լա Հոյայի հետ խմբագրել

2004 թվականի սեպտեմբերին միջին քաշային կարգում աշխարհի բացարձակ չեմպիոն Բեռնարդ Հոփքինսը ռինգ է դուրս եկել միջին քաշային կարգում WBO վարկածով աշխարհի չեմպիոն Օսկար Դե Լա Հոյայի դեմ։ 9-րդ ռաունդի կեսին Հոփքինսը ձախ հուքով հարվածել է լյարդին: Դե Լա Հոյան իջել է կանվաս։ Ցավից կռանալով՝ նա մնացել է կանվաս մոտ մեկ րոպե։ Մրցավարն արձանագրել է նոկաուտ։ Հոփքինսը դարձել է առաջին բռնցքամարտիկը, որը տիրացել է բոլոր չորս հիմնական գոտիներին[20][21][22][23][24][24][25][26][27][28][29][30][31]:

2005 թվականի փետրվարին Հոփքինսը ռինգ է դուրս եկել բրիտանացի Հովարդ Իստմանի դեմ։ Հոփքինսը գերիշխել է ամբողջ մարտի ընթացքում. նա գերազանցեց մրցակցին հարվածների ճշգրտությամբ, ինչպես նաև հաջողության է հասել պաշտպանությունում: Մարտից հետո մրցավարները միաձայն որոշմամբ հաղթանակը տվել են չեմպիոնին[32][33][34]:

Առաջին մարտը Ջերմեն Թեյլորի հետ խմբագրել

2005 թվականի հուլիսին Բեռնարդ Հոփքինսը ռինգ է դուրս եկել անպարտելի Ջերմեն Թեյլորի դեմ։ Հավակնորդն առավելություն է ունեցել մարտի սկզբում, իսկ չեմպիոնը՝ վերջում։ Հավասար մարտում մրցավարները առանձին որոշմամբ հաղթանակը տվել են Թեյլորին։ Որոշումը եղել է վիճելի։ HBO-ի փորձագետներ Հարոլդ Լեդերմանը և Լարրի Մերչանտը համարել են, որ հաղթել է հավակնորդը: Հոփքինսը համարել է, որ հաղթել է ինքը։ Մրցավար Դուեյն Ֆորդը Վերջին ռաունդում հաղթանակը տվել է Թեյլորին, չնայած Հոփքինսի առավելությանը: HBO-ի մեկնաբան Ջիմ Լեմպլին ասել է, որ եթե Ֆորդը 12-րդ ռաունդում հաղթանակը տար Հոփքինսին, ապա կլիներ ոչ-ոքի[35][36][37]:

Երկրորդ մարտ Ջերմեն Թեյլորի հետ խմբագրել

2005 թվականի դեկտեմբերին տեղի է ունեցել ռևանշ Բեռնարդ Հոփքինսի և Ջերման Թեյլորի միջև։ Թեյլորը կրկին գերիշխել է մարտի սկզբում, իսկ Հոփքինսը՝ վերջում։ Այս անգամ չեմպիոնն ստացել է ոչ վիճելի հաղթանակ արդեն մրցավարների միաձայն որոշմամբ։ HBO-ի փորձագետների կարծիքները տարբեր են եղել. Հարոլդ Լեդերմանը կրկին հաղթող է համարել Թեյլորին, իսկ Լարրի Մերչանտը համարել է, որ մարտն ավարտվել է ոչ-ոքի արդյունքով: Հոփքինսը համարել է, որ հաղթել է ինքը[38][39][40][41]:

Կիսածանր քաշային կարգ խմբագրել

Մարտ Անտոնիո Տարվերի հետ խմբագրել

 
Անտոնիո Տարվեր

2006 թվականի հունիսին Հոփքինսը բարձրացել է կիսածանր քաշային կարգ և հանդիպել Անտոնիո Տարվերի հետ։ Հոփքինսն առավելություն է ունեցել ամբողջ մարտի ընթացքում: 5-րդ ռաունդի կեսին նա կատարել է հակընդդեմ աջ հուք մրցակցի ծնոտին։ Տարվերը օրորվել է ու ձախ ձեռնոցով դիպել հատակին։ Մրցավարը նրան նոկդաուն է հաշվել։ Հանդիպման ավարտին բոլոր մրցավարները ջախջախիչ հաշվով հաղթանակ են գրանցել Բեռնարդ Հոփքինսի օգտին[42][43][44][45]:

Մարտ Ռոնալդ Ռայթի դեմ խմբագրել

2007 թվականի հուլիսին Հոփքինսը ռինգ է դուրս եկել Ռոնալդ «Ուինկի» Ռայթիի դեմ։ Մարտն անցկացվել է միջանկյալ կատեգորիայում՝ 2-րդ միջին քաշի և կիսածանրի միջև: Մարտը եղել է հավասար։ 3-րդ ռաւնդի սկզբում Հոփքինսը, մղվելով ճոպաններից, գլխով հարվածել է մրցակցի ձախ հոնքին։ Ռայթի մոտ անմիջապես արյունահոսություն է սկսվել։ Մրցավարը դադարեցրել է մենամարտը և Ռայթին ուղարկել է բժշկի մոտ: Բժիշկը թույլ է տվել շարունակել պայքարը: Հոփքինսը մարտի ամբողջ ընթացքում գործել է ֆոլի եզրին՝ կլինչ անելով և գլխով հարվածելով։ Մրցավարը բանավոր դիտողություններ է արել, բայց ոչ մի անգամ չի տուգանել նրան։ Մարտից հետո մրցավարները միաձայն որոշմամբ հաղթանակը տվել են Բեռնարդ Հոփքինսին: HBO հեռուստաալիքի ոչ պաշտոնական մրցավար Հարոլդ Լեդերմանը համարել է, որ մենամարտն ավարտվել է ոչ-ոքի[46][47]:

 
Ջո Կալզագե

Մարտ Ջո Կալզագեի հետ խմբագրել

2008 թվականի ապրիլին կայացել է Բեռնարդ Հոփքինսի և Ջո Կալզագեի մարտը։ Առաջին ռաունդի կեսին Հոփքինսը հանդիպակաց աջ քրոսով հարվածել է հակառակորդի գլխին, և նա հայտնվել է նոկդաունում: Կալզագեն անմիջապես բարձրացել է։ Նա ցնցված չէր, ուստի Հոփքինսը չի շտապել ջախջախել նրան: Մոտ մարտում մրցավարները հաղթանակը տվել են բրիտանացուն առանձին որոշմամբ։ Հոփքինսի օգտին գնահատական հրապարակելիս դահլիճը դժգոհել է։ Մյուս երկու գնահատականներին դահլիճն արձագանքել է է ցնծությամբ:

Մարտ Քելլի Պավլիկի հետ խմբագրել

2008 թվականի հոկտեմբերին կայացել է Բեռնարդ Հոփքինսի և Քելլի Պավլիկի մարտը։ Մրցամարտն անցկացվել է միջանկյալ քաշային կարգում, այդ պատճառով ոչ մի տիտղոս չի շահարկվել։ Հոփքինսը գերակշռել է պայքարի ողջ ընթացքում: Նա ավելի հաճախ է հարվածել, ու հարվածների արդյունավետությունը եղել է ավելի բարձր: 12-րդ ռաունդի վերջում Հոփքինսը մի շարք հարվածներ է հասցրել հակառակորդի գլխին։ Կոչնազանգի հնչելուց հետո Հոփքինսը շարունակել է գրոհել։ Մրցավարը միջամտել է, բայց բռնցքամարտիկները չեն ցանկացել կանգ առնել։ Նրանց կարողացել են բաժանել միայն մարզիչները[48][49][50][51][52]:

Երկրորդ մարտ Ռոյ Ջոնսի հետ խմբագրել

2010 թվականի ապրիլին ռևանշ է տեղի ունեցել Բեռնարդ Հոփքինսի և Ռոյ Ջոնսի միջև։ Մարտն ընթացել է ոչ բարձր տեմպով։ Մարտի մեծ մասը բռնցքամարտիկները կանգնած էին միմյանց դիմաց և փորձում էին հակառակորդին հրահրել հարձակման։ Այս մարտում առավել հիշարժան գործողություններ են դարձել կլինչներն ու ֆոլերը: Մարտի կեսից մինչև վերջ հանդիսատեսը ռինգում տեղի ունեցող իրադարձությունների վերաբերյալ իր վերաբերմունքն արտահայտել է խլացուցիչ սուլոցներով: Արդյունքում Բեռնարդ Հոփքինսը Ռոյ Ջոնսին հաղթել է մրցավարների միաձայն որոշմամբ՝ ռևանշ վերցնելով 17 տարվա վաղեմության պարտության համար:

Մարտ Ժան Պասկալի հետ խմբագրել

 
Ժան Պասկալ և Բեռնարդ Հոփքինս

2010 թվականի դեկտեմբերին Հոփքինսը հանդիպել է կիսածանր քաշային կարգում WBC և IBO տիտղոսներ ունեցող կանադացի Ժան Պասկալի հետ: Շահարկվել է նաև WBC թափուր Դիամանտային գոտին։ 1-ին ռաունդի վերջում Պասկալը կարողացել Հոփքինսին հատակին գցել գլխին աջ հարվածով։ Պասկալի պայքարի ագրեսիվ ոճը կրկին առավելություն է բերել նրան 3-րդ ռաունդում, երբ Հոփքինսը նորից հայտնվել է նոկդաունում, այս անգամ՝ ձախ կողային հարվածից: Սակայն 4-րդ ռաունդում Բեռնարդին հաջողվել է հավասարեցնել հանդիպման ընթացքն իր օգտին։ 6-րդ ռաունդից սկսած սկսեցին ազդել Հոփքինսի հարվածները հակառակորդի իրանին, և Պասկալն զգալիորեն նվազեցրել է տեմպը: Եզրափակիչ երեք րոպեներն անցկացվել են բաց մրցակցային պայքարում, որի արդյունքում մրցավարները ձայների մեծամասնությամբ ոչ-ոքի են հաշվել: Հաղթանակի դեպքում Հոփքինսը կարող էր գերազանցել Ջորջ Ֆորմանի ռեկորդը և դառնալ պատմության մեջ աշխարհի ամենատարեց չեմպիոնը:

Երկրրոդ մարտ Ժան Պասկալի հետ խմբագրել

2011 թվականի մայիսին տեղի է ունեցել ռևանշ Բեռնարդ Հոփքինսի և կիսածանր քաշային կարգում WBC և IBO վարկածներով աշխարհի չեմպիոն Ժան Պասկալի միջև: Հոփքինսի հաղթանակի դեպքում IBO տիտղոսը կմնար թափուր։ Ինչպես և առաջին մարտում, շահարկվում էր նաև WBC ադամանդե գոտին։ Մենամարտի սկիզբն անցել է հանգիստ պայքարում, սակայն 3-րդ ռաունդից սկսած ռինգում «թեժ» էր: Ակտիվ գործողությունների նախաձեռնողը եղել է Պասկալն, սակայն Հոփքինսը պասիվ չի մնացել՝ պատասխանելով մրցակցի յուրաքանչյուր հարձակմանը։ Նախաձեռնությունը ձեռքից ձեռք է անցել, 3-րդ ռաունդը վերցրել է Հոփքինսը, իսկ 4-րդը՝ ավելի ակտիվ Պասկալը։ Սակայն 5-րդ ռաունդից սկսած պայմաններն արդեն թելադրել է Հոփքինսը։ Ինչ-որ պահի նույնիսկ թվացել է, որ Բերնարդը կոտրել է մրցակցին: Այնուամենայնիվ, Պասկալին հաջողվել է «վերադառնալ» մենամարտին և հաղթել 8-րդ ռաունդում: Սակայն մարտի եզրափակիչ հատվածն անցել է Հոփքինսի թելադրանքով, որը վստահ հաղթանակ է տարել միավորներով միաձայն որոշմամբ և դարձել պատմության մեջ ամենատարեց բռնցքամարտիկը, որը կարողացել է նվաճել աշխարհի չեմպիոնի տիտղոսը 46 տարեկան և 4 ամսական հասակում հիմնական վարկածներից մեկում: Նախորդ ռեկորդը պատկանում էր գերծանր քաշային Ջորջ Ֆորմանին, որին հաջողվել էր նվաճել տիտղոսը 45 տարեկան և 9 ամսական հասակում:

Մարտ Չեդ Դոուսոնի հետ խմբագրել

2011 թվականի հոկտեմբերին Հոփքինսը ռինգ է դուրս եկել աշխարհի նախկին չեմպիոն Չեդ Դոուսոնի դեմ։ Առաջին ռաունդն անցել է գրոհում ավելի ակտիվ Դոուսոնի առավելությամբ, որը մի քանի ջեբեր է հասցրել Հոփքինսի գլխին և աչքի ընկել ճոպանների մոտ հակառակորդին հասցված երեք հարվածով: 2-րդ ռաունդում մարտը հարթվել է, բայց միայն այն պատճառով, որ Հոփքինսը մրցակցի կամ սեփական գրոհի ամեն մի հարված հանգեցրել է կլինչի։ Նմանատիպ դրվագներից մեկից հետո, երբ Բեռնարդը աջից հարվածելիս վրիպել է Դոուսոնի կռանալու պատճառով և անմիջապես նրա վրա է ընկել մարմնի ամբողջ զանգվածով, սակայն Դոուսոնը կտրուկ ուղղվել է՝ Հոփքինսին ցած նետելով իր վրայից: Հոփքինսը չափազանց անհաջող վայրէջք է կատարել՝ վնասելով ձախ ձեռքը և չի կարողացել շարունակել հանդիպումը: Մրցակիցների թիմերի վեճը շարունակվել է և՛ մրցավարի որոշումից առաջ, և՛ դրանից հետո, որը 2-րդ ռաունդում տեխնիկական նոկաուտով հաղթանակը տվել է Դոուսոնին: Մարտի արդյունքը մեծ թվով վեճերի տեղիք է տվել, քանի որ այդ դեպքում, շատերի կարծիքով, մարտը պետք է ճանաչվեր չկայացած: Մարտից մեկ շաբաթ անց WBC կոմիտեն տիտղոսը Հոփքինսին վերադարձրել է, իսկ մարտի արդյունքը փոխարինվել է տեխնիկական ոչ-ոքիով:

 
Չեդ Դոուսոն (աջից)

Երկրորդ մարտ Չեդ Դոուսոնի հետ խմբագրել

2012 թվականի ապրիլին կայացել է Բեռնարդ Հոփքինսի և Չեդ Դոուսոնի ռևանշը։ Հակառակ սպասումներին, Դաուսոնի առավելությունը էական չի եղել։ Հոփքինսը բռնցքամարտել է իր ֆիրմային ոճով՝ կատարելով հարվածներ որոշակի տարածությունից և կլինչներ։ Դրվագների մեծ մասում ռինգում ընթացել է հավասար պայքար, երբեմն Չեդին հաջղվել է կշեռքի առավելոթյունը թեքել իր կողմը ավելի մեծ ակտիվության շնորհիվ։ 4-րդ ռաունդում գլուխների բախումից հետո Դոուսոնը պատռվածք է ստացել ձախ աչքի վերևում, իսկ մարտի երկրորդ կեսին բռնցքամարտիկների գրոհները սկսել են ավելի հաճախ վերածվել կլինչների: Մենամարտի վերջնամասում Հոփքինսը սրման է գնացել և հավասարեցրել ռինգում տիրող իրավիճակը, սակայն 12 ռաունդանոց դիմակայության արդյունքում դատավորների ձայների մեծամասնությամբ հաղթանակը բաժին է հասել Դոուսոնին՝ 114-114 և 2 անգամ՝ 117-111:

Չեմպիոնական մարտ Թևորիս Կլաուդի հետ խմբագրել

2013 թվականի մարտին Հոփքինսը հանդիպել է կիսածանր քաշային կարգում IBF տիտղոսակիր Թևորիս Կլաուդի հետ։ Այդ ժամանակ Բեռնարդը եղել է 48 տարեկան, 1 ամսական և 25 օրական: Կլաուդի միօրինակ և ոչ մշտական ագրեսիան նրան ցանկալի արդյունք չի տվել։ Չնայած իր տարիքին՝ Հոփքինսը ոչ միայն ավելի ճշգրիտ էր, այլև ավելի ակտիվ, քան մրցակիցը ռաունդների մեծ մասում, ինչպես միշտ գերազանց է գործել պաշտպանությունում և ժամանակին թիրախին դիպցնելով հիմնականում ծանր հարվածները: Մրցավարների վերջնական որոշմամբ՝ երկու անգամ 116-112 և 117-111 Հոփքինսի օգտին, վերջինս հերթական անգամ նվաճել է աշխարհի չեմպիոնի տիտղոսը՝ սահմանելով տարիքային նոր ռեկորդ և գերազանցելով գրեթե 2 տարվա վաղեմության սեփական ռեկորդը:

Մարտ Կարո Մուրատի հետ խմբագրել

Կարո Մուրատի հետ 2013 թվականի հուլիսի 13-ին նախատեսված մարտը չեղարկվել է Կարո Մուրատի՝ ամերիկյան վիզայի հետ կապված խնդիրների պատճառով[53]: Մարտը կայացել է 2013 թվականի հոկտեմբերի 26-ին Ատլանտիկ Սիթիում։ Հոփքինսը հաղթել է և դարձել ամենատարեց բռնցքամարտիկը, որը կարողացել է պաշտպանել աշխարհի չեմպիոնի կոչումը (48 տարի և 9 ամիս)։ Նախորդ ռեկորդը պատկանում էր Ջորջ Ֆորմանին, որը պաշտպանել է գերծանր քաշային կարգում աշխարհի չեմպիոնի տիտղոսը 46տարեկան և 3 ամական հասակում[54]

Միավորիչ մարտ Բեյբութ Շումենովի հետ խմբագրել

 
Բեյբութ Շումենով (ձախից)

Golden Boy Promotions-ի գործադիր տնօրեն Ռիչարդ Շաֆերը հայտնել է, որ կիսածանր քաշային կարգում IBF վարկածով աշխարհի չեմպիոն Բեռնարդ Հոփքինսն իր հաջորդ մարտը, ամենայն հավանականությամբ, կանցկացնի WBA վարկածով աշխարհի չեմպիոն Բեյբութ Շումենովի հետ: Այս մասին Շաֆերը Հոփքինսին հայտնել է հունվարի 15-ին՝ նրա ծննդյան 49-րդ տարեդարձի օրը։ Ապրիլի 19-ին Վաշինգտոնում (ԱՄՆ) 49-ամյա ամերիկացի Բեռնարդ Հոփքինսը միավորել է կիսածանր քաշային կարգում աշխարհի չեմպիոնի տիտղոսը IBF վարկածով իր տիտղոսի հետ՝ ավելացնելով նաև WBA (Super) վարկածով տիտղոսը՝ հաղթելով արդեն նախկին WBA տիտղոսակիր 30-ամյա ղազախստանցի Բեյբուտ Շումենովին առանձին որոշմամբ։ Հոփքինսը լիովին վերահսկել է մարտի ամբողջ ընթացքը։ 11-րդ ռաունդում Հոփքինսը Շումենովին ուղարկել է նոկդաուն։ Հոփքինսը թարմացրել է իր իսկ ռեկորդը՝ բարձրացնելով աշխարհի ամենատարեց չեմպիոնի նշաձողը, ինչպես նաև նոր ռեկորդ է սահմանել՝ դառնալով պատմության մեջ ամենատարեց բռնցքամարտիկը, որը կարողացել է միավորել աշխարհի չեմպիոնի տիտղոսները: Հաշիվը՝ 116-111, 116-111 Հոփքինսի օգտին, երրորդ մարտը մրցավարը տվել է Շումենովին՝ 114-113:

Միավորիչ մարտ Սերգեյ Կովալյովի հետ խմբագրել

[[Պաեկեր:Sergey Kovalev boxer with fan.jpg|230px|մինի|Սերգեյ Կովալյով 2014 թվականի նոյեմբերի 8-ին ԱՄՆ-ում կայացել է IBF և WBA (Super) վարկածներով կիսածանր քաշային կարգում աշխարհի չեմպիոն, 49-ամյա ամերիկացի Բեռնարդ Հոփքինսի և նույն քաշային կարգում WBO վարկածով աշխարհի չեմպիոն, 31-ամյա ռուսաստանցի Սերգեյ Կովալյովի մարտը: Մարտն սկսվել է միջին տեմպով, բռնցքամարտիկները հսկում էին միմյանց և պահպանում հեռավորությունը, սակայն արդեն առաջին ռաունդում Կովալյովը հարվածել է աջից, և Հոփքինսն ընկել է: Այնուհետև Սերգեյը վստահորեն տիրապետել է նախաձեռնությանը, լավ է շարժվել և հարվածել տարածությունից։ Հոփքինսը մտածում էր միայն պաշտպանության մասին և երբեմն փորձել է հարձակվել։ Մարտի առաջին կեսն ամբողջությամբ անցել է ռուս բռնցքամարտիկի թելադրանքով, որը վերահսկել է մարտի ընթացքը, տեմպը և հեռավորությունը:

Մարտի երկրորդ կեսին Սերգեյը շարունակել է պահել առավելությունը և ութերորդ ռաունդում Հոփքինսին խփել աջ հարվածով: Վերջին ռաունդներում մարտի պատկերը չի փոխվել, Սերգեյը ավելի ակտիվ է եղել, վերահսկել է ռինգը ևեղել ավելի դիպում: Վերջին հատվածում Սերգեյը շատ մոտ է եղել վաղաժամ հաղթանակին, սակայն Հոփքինսին հաջողվել է դիմադրել և ավարտել մենամարտը ոտքերի վրա: Դատավորների վճիռը տասներկու փուլերից հետո՝ 120-107, 120-107 և 120-106:

Մարտ Ջո Սմիթ կրտսերի հետ խմբագրել

2016 թվականի դեկտեմբերի 17-ին ԱՄՆ-ում կայացել է բռնցքամարտի լեգենդ, աշխարհի նախկին չեմպիոն, 51-ամյա ամերիկացի Բեռնարդ Հոփքինսի և Ջո Սմիթ կրտսերի մարտը: Մարտն անցկացվել է Սմիթի փոքր առավելությամբ, որը ծանր հարվածներ է հասցրել ու ավելի ակտիվ է եղել։ 8-րդ ռաունդում Սմիթը մի շարք հարվածներ է կատարել, որից հետո Հոփքինսը ընկել է ռինգից՝ հայտնվելով ճոպանների արանքում։ Հոփքինսը կարողացել է բարձրանալ ռինգ, սակայն մարտը դադարեցվել է և նոկաուտով հաղթանակը շնորհվել է Սմիթին։

Ծանոթագրություններ խմբագրել

  1. ↑ Steve Bunce (2001-11-11) The forgotten prince Guardian. Retrieved on 2009-07-29.
  2. ↑ Duran, Coyote. «Still Waiting for Bernard Hopkins to Grow Old?» Արխիվացված 2009-01-07 Wayback Machine 15 July 2005.
  3. ↑ Хопкинс — в финале супертурнира средневесов
  4. ↑ КАПИТАН ХОПКИНС ПРОТИВ МАЙОРА ТРИНИДАДА Արխիվացված 2008-02-22 Wayback Machine
  5. ↑ Хопкинс нокаутировал Феликса Тринидада
  6. ↑ В субботу Бернард Хопкинс нокаутировал в 12-м раунде Феликса Тринидада и стал абсолютным чемпионом мира в среднем весе Արխիվացված 2004-11-09 Wayback Machine
  7. ↑ Бернард Хопкинс снова стал «плохим парнем», потому что победил
  8. ↑ Бернард Хопкинс защитил свой титул в 15-й раз(չաշխատող հղում)
  9. ↑ ГЛАВНЫЕ БОИ В МАРТЕ (анонс) Արխիվացված 2008-02-28 Wayback Machine
  10. ↑ МАРТ-2003: В ТЯЖЕЛЫЙ ВЕС ВСЕЛИЛСЯ БЕС (ГЛАВНЫЕ БОИ В МАРТЕ) Արխիվացված 2008-12-16 Wayback Machine
  11. ↑ ГЛАВНЫЕ БОИ В ДЕКАБРЕ: НОЧЬ В АТЛАНТИК-СИТИ (анонс) Արխիվացված 2005-01-26 Wayback Machine
  12. ↑ ГЛАВНЫЕ БОИ В ДЕКАБРЕ Արխիվացված 2008-12-06 Wayback Machine
  13. ↑ «Бернард Хопкинс: «Если я проиграю — это конец»». Արխիվացված է օրիգինալից 2008-04-23-ին. Վերցված է 2008-08-30-ին. {{cite web}}: Unknown parameter |deadlink= ignored (|url-status= suggested) (օգնություն); no-break space character in |title= at position 34 (օգնություն)
  14. ↑ ГЛАВНЫЕ БОИ В ИЮНЕ (анонс) Արխիվացված 2004-07-02 Wayback Machine
  15. ↑ Роберт Аллен: «Я буду настойчив» Արխիվացված 2005-11-25 Wayback Machine
  16. ↑ Результаты взвешивания в Лас-Вегасе Արխիվացված 2007-12-28 Wayback Machine
  17. ↑ Бернард Хопкинс отстоял титул абсолютного чемпиона Արխիվացված 2007-12-07 Wayback Machine
  18. ↑ Послематчевая пресс-конференция Хопкинса и Де Ла Хойи Արխիվացված 2008-07-28 Wayback Machine
  19. ↑ ИЮНЬ-2004: БЛЕСК УГАСАЮЩИХ ЗВЕЗД (ГЛАВНЫЕ БОИ В ИЮНЕ) Արխիվացված 2004-11-14 Wayback Machine
  20. ↑ После Де Ла Хойи Хопкинс хотел бы встретиться с Роем Джонсом Արխիվացված 2007-12-31 Wayback Machine
  21. ↑ Бернард Хопкинс: Де Ла Хойя сошел с ума! Արխիվացված 2005-09-04 Wayback Machine
  22. ↑ Хопкинс обещает помочь Оскару уйти на покой Արխիվացված 2006-06-18 Wayback Machine
  23. ↑ ГЛАВНЫЕ БОИ В СЕНТЯБРЕ (анонс) Արխիվացված 2008-12-16 Wayback Machine
  24. ↑ 24,0 24,1 Оскар Де Ла Хойя готовится к последнему бою Արխիվացված 2006-06-20 Wayback Machine
  25. ↑ Константин Цзю о шансах Хопкинса и Де Ла Хойи Արխիվացված 2010-05-21 Wayback Machine
  26. ↑ Роберто Дюран и Рэй Леонард считают, что у Оскара де Ла Хойи есть шанс Արխիվացված 2005-03-07 Wayback Machine
  27. ↑ Результаты взвешивания Бернарда Хопкинса и Оскара Де Ла Хойи Արխիվացված 2005-11-21 Wayback Machine
  28. ↑ ХОПКИНС — ДЕ ЛА ХОЙА: ДЯДЯ ПОБИЛ МАЛЬЧИКА Արխիվացված 2004-10-23 Wayback Machine
  29. ↑ СЖИГАЮЩИЙ ОГОНЬ Արխիվացված 2006-01-04 Wayback Machine
  30. ↑ БОЙ МЕСЯЦА Бернард Хопкинс — Оскар Де Ла Хойа (оба — США) ПОВТОРЕНИЕ ПРОЙДЕННОГО Արխիվացված 2004-10-23 Wayback Machine
  31. ↑ БОЕЦ МЕСЯЦА Бернард ХОПКИНС: СЛИТОК ЧЕРНОГО ЗОЛОТА Արխիվացված 2004-10-23 Wayback Machine
  32. ↑ «ГЛАВНЫЕ БОИ ФЕВРАЛЯ (анонс)». Արխիվացված է օրիգինալից 2005-02-13-ին. Վերցված է 2008-08-30-ին. {{cite web}}: Unknown parameter |deadlink= ignored (|url-status= suggested) (օգնություն)
  33. ↑ ГЛАВНЫЕ БОИ В ФЕВРАЛЕ Արխիվացված 2005-04-28 Wayback Machine
  34. ↑ БОЕЦ МЕСЯЦА: ЖИЛ НА СВЕТЕ ХОПКИНС, НИКЕМ НЕ ЗАМЕЧАЕМ(չաշխատող հղում)
  35. ↑ ГЛАВНЫЕ БОИ В ИЮЛЕ (анонс)(չաշխատող հղում)
  36. ↑ ИЮЛЬ-2005: ПОБЕДА КАРМАЗИНА И ПОРАЖЕНИЕ ХОПКИНСА (ГЛАВНЫЕ БОИ В ИЮЛЕ)(չաշխատող հղում)
  37. ↑ СОБЫТИЕ И БОЙ МЕСЯЦА: СВЕРЖЕНИЕ Бернарда ХОПКИНСА(չաշխատող հղում)
  38. ↑ Бернард Хопкинс не смог взять реванш у Джермена Тейлора
  39. ↑ Статистика боя Бернард Хопкинс — Джермен Тейлор
  40. ↑ Джермен Тейлор и Бернард Хопкинс комментируют итоги своего боя
  41. ↑ ГЛАВНЫЕ БОИ В ДЕКАБРЕ Արխիվացված 2006-03-11 Wayback Machine
  42. ↑ ГЛАВНЫЕ БОИ В ИЮНЕ (анонс) Արխիվացված 2006-06-27 Wayback Machine
  43. ↑ ХОПКИНС ЯГОДКА ОПЯТЬ Արխիվացված 2007-08-12 Wayback Machine
  44. ↑ ИЮНЬ-2006: ДВУРУКИЙ ВАЛУЕВ И СИНИЕ ВОРОТНИЧКИ (ГЛАВНЫЕ БОИ В ИЮНЕ) Արխիվացված 2006-07-19 Wayback Machine
  45. ↑ БОЙЦЫ МЕСЯЦА: НЕСЛАДКАЯ ПАРОЧКА(չաշխատող հղում)
  46. ↑ ХОПКИНС ПОЛУЧИЛ ПОЧЕТНОГО «ОСКАРА»(չաշխատող հղում)
  47. ↑ ИЮЛЬ-2007: ШТОРМ НА РИНГЕ И ВОКРУГ (ГЛАВНЫЕ БОИ В ИЮЛЕ) Արխիվացված 2008-02-28 Wayback Machine
  48. ↑ Келли Павлик дал согласие на бой с Бернардом Хопкинсом Արխիվացված 2008-08-25 Wayback Machine
  49. ↑ Келли Павлик: «У Хопкинса много изъянов» Արխիվացված 2008-08-27 Wayback Machine
  50. ↑ Фредди Роуч: «Хопкинс не представляет никакой опасности для Павлика» Արխիվացված 2008-09-02 Wayback Machine
  51. ↑ Келли Павлик хочет нокаутировать Бернарда Хопкинса Արխիվացված 2008-08-23 Wayback Machine
  52. ↑ Бернард Хопкинс: «Бой против Павлика станет кровавой баней» Արխիվացված 2008-08-27 Wayback Machine
  53. ↑ Бой Хопкинс-Мурат отменен
  54. ↑ Бернард Хопкинс победил Каро Мурата
Ստացված է «https://hy.wikipedia.org/w/index.php?title=Մասնակից:Hayk10/Ավազարկղ6&oldid=6931696» էջից