Մասնակից:Anahit 2006/Դիմակ (ֆիլմ, 1985)
Դիմակ (անգլ.՝ Mask), ռեժիսոր Պիտեր Բոգդանովիչի ֆիլմը: Էկրան է բարձրացել 1985 թվականին:
Սյուժե խմբագրել
Ֆիլմը պատմում է Ռոյ Լի «Ռոքի» Դենիսի կյանքի մասին:
Ռոքի Դենիսը տասնվեցամյա տղա է, ով տառապում է ոսկրային հազվադեպ և անբուժելի հիվանդությունից, ինչի արդյունքում կրկնակի անգամ մեծացել է նրա դեմքը` դարձնելով այն առյուծի մռութի նման: Սակայն Ռոքին լավատեսորեն է նայում կյանքին:
Ռոքին խելացի է, ունի բարի, մեծ սիրտ, նա նեղացած չէ աշխարհից, որտեղ առաջին իսկ հայացքից նրան սպասվում է ծաղր կամ մերժում: Նա լավ է սովորում և հեշտորեն է ձեռք բերում դասընկերների սերն ու հարգանքը: Նա ապրում է մոր` մոտոցիկլիստ հիփի Կյաժոյի հետ, ով չարաշահում է ալկոհոլը և թմրանյութերը, իսկ նրա «ընտանիքի» մյուս անդամները օրինազանց բայքերներ են, ում մեջ առանձնանում է հմայիչ բեղավոր մի տղամարդ, ով հայրություն է անում տղային և հաշտեցնում է Ռոքիի ու նրա մոր միջև վեճերը: Ռոքիի ամբողջ պատմությունը ներկայացված է Հարավային Կալիֆորնիայի այս համայքնի ֆոնին: Ռոքին երազում է դպրոցից հետո իր ընկերոջ հետ հարլիներով արշավել Եվրոպայով, և սկսում է փող հավաքել դրա համար: Սակայն կույրերի ամառային ճամբարում փող աշխատելիս սիրահարվում է մի կույր աղջկա: Իսկ աղջկա ծնողները, տեսնելով նրան, միանգամից որոշում են, որ իրենց աղջիկը այդպիսի տղայի համար չէ:
Դերերում խմբագրել
- Շեր - Ֆլորենս «Կյաժո» Դենիս
- Սեմ Էլիոթ - Գար[1]
- Էրիկ Շթոլց - Ռոյ «Ռոքի» Դենիս
- Էսթել Գետտի - Էվելին, Կյաժոյի մայրը
- Ռիչարդ Դայսարթ - Էյբ, Կյաժոյի հայրը
- Լորա Դերն - Դիանա Ադամս
- Միկոլ Մերկուրիո - «Ծիտ»
- Հարի Քերի կրտսեր - «Կարմրաշ»
- Դենիս Բըրքլի - «Բուլդոզեր»
Պարգևներ և առաջադրումներ խմբագրել
- 1985 - Կաննի կինոփառատոնի մրցանակ լավագույն կանացի դերի համար (Շեր)[2]
- 1986- «Օսկար» մրցանակ լավագույն դիմահարդարման համար (Մայքլ Ուեսթմոր, Զոլտան Էլեկ)
- 1986- BAFTA մրցանակի առաջադրում լավագույն դիմահարդարման համար (Մայքլ Ուեսթմոր)
- 1986- Ոսկե գլոբուս մրցանակի երկու առաջադրում, լավագույն դրամատիկ դերասան (Շեր) և երկրորդ պլանի լավագույն դերասան (Էրիկ Շթոլց)
- 1986- ԱՄՆ-ի սցենարիստների գիլդիայի մրցանակի առաջադրում լավագույն օրիգինալ սցենարի համար (Աննա Հեմիլթոն Ֆելան)
Ծանոթագրություններ խմբագրել
- ↑ Witt, Linda (11 May 1986). «An Unusual Mother: Helping Her Children Face Down Death (3 of 4)». Chicago Tribune. Վերցված է 23 April 2016-ին.
{{cite web}}
: Italic or bold markup not allowed in:|publisher=
(օգնություն) - ↑ «Festival de Cannes: Mask». festival-cannes.com. Վերցված է 2009-06-28-ին.
Արտաքին հղումներ խմբագրել
- «Маска»(անգլ.) ֆիլմը Internet Movie Database կայքում
- «Маска»(անգլ.) ֆիլմը Allmovie կայքում:
- «Դիմակը» Box Office Mojo կայքում