Մասնակից:Օմեգա/Ավազարկղ22
Մարտին Գրիգորյան | |
|---|---|
 | |
| Ծնվել է | 1953 մարտի 23 Հայաստան,Արագածոտնի մարզում,Գեղաձոր, |
| Բնակության վայր(եր) | Հայաստան, Երևան |
| Ազգություն | Հայ |
| Դավանանք | Քրիստոնեություն |
Մարտին Գևորգի Գրիգորյան (), հայ մաթեմատիկոս, մանկավարժ, ֆիզմաթ գիտությունների դոկտոր (1980 թվական), ԵՊՀ` Ֆիզիկայի ֆակուլտետ Բարձրագույն մաթեմատիկայի ամբիոնի վարիչ[1]։
Կենսագրություն
խմբագրելՄարտին Գևորգի Գրիգորյանը ծնվել է 1953 թվականի մարտի 23-ին, Արագածոտնի մարզի, Գեղաձոր գյուղում։
Ընտանիք
խմբագրելԱմուսնացած է, ունի երեք երեխա՝ զույգ դուստր, մեկ որդի։ Որդին՝ Տիգրան Գրիգորյանը, ֆիզմաթ գիտությունների թեկնածու է, դասավանդում է ԵՊՀ-ում։
Կրթություն
խմբագրել1971-1976 թվականներին սովորել է ԵՊՀ մաթեմատիկայի ֆակուլտետում։ Այնուհետև 1976-1979 թվականներին կրթությունը շարունակել է ԵՊՀ ասպիրանտուրայում։ Մարտին Գրիգորյանի գիտական ղեկավարը եղել է ֆիզիկա-մաթեմատիկական գիտությունների դոկտոր, ՀՀ Գիտությունների Ազգային Ակադեմիայի ակադեմիկոս Ալեքսանդր Անդրանիկի Թալալյան։
Գիտական աստիճան
խմբագրելՄարտին Գրիգորյանը ֆիզիկա-մաթեմատիկական գիտությունների դոկտոր է, «Օրթոգոնալ շարքերի զուգամիտությունը մետրիկաներում» թեկնածուական, 1980 թվական դարձել է Գիտությունների Ազգային Ակադեմիայի Մաթեմատիկական ինստիտուտի դոկտորական, 1997 թվականին` «Ֆուրիեի սովորական և կրկնակի շարքերի ըստ լրիվ օրթոնորմալ համակարգերի զուգամիտությունը» դոկտորական։
Ծավալած գործունեություն և աշխատանքային փորձ
խմբագրել1993-1994 թվականներին Մարտին Գրիգորյանը եղել է Մադրիդի ինքնավար համալսարանի դասախոս[1]։
1995 թվականից անդամակցել է ԵՊՀ Գիտական խորհուրդին և 2000 թվականից Հայաստանի մաթեմատիկոսների միությանը։
1978-2022 թվականներին` ԵՊՀ բարձրագույն մաթեմատիկայի ամբիոնի վարիչ։
1984-1988 թվականներին Հայաստանի հանրային հեռուստաընկերութամբ շուրջ 9 տարի վարել է «Բարձրագույն մաթեմատիկա» հաղորդաշարը։
2011 թվականին իր գիտական խմբի հենքի վրա ստեղծել է գծային և ոչ գծային մոտարկումների ու դրանց կիրառման լաբորատորիա[2]։
Մարտին Գրիգորյանն իր գործունեության ընթացքում կարդացել է մաթեմատիկական անալիզ, ֆունկցիոնալ անալիզ, ֆուկցիաների տեսություն, գծային և ոչ գծային մոտարկումներ դասընթացները։
ԵՊՀ-ի Ֆիզիկայի ֆակուլտետում հիմնել է նոր ծրագիր, որտեղ մշակել են տվյալներ ֆիզիկայում և արհեստական բանականությունում[3]։
Նա 160-ից ավելի գիտական աշխատանքների հեղինակ է, որոնք տպագրվել են մաթեմատիկական բարձր վարկանիշ ունեցող հանդեսներում։
Մարտին Գրիգորյանն ունեցել է հայտնի ասպիրանտներ, որոնց համար եղել է գիտական ղեկավար` Սմբատ Գոգյան` Բարձրագույն որակավորման կոմիտեի նախագահ, Ֆիզիկամաթեմատիկական Գիտությունների դոկտոր, Արծրուն Սարգսյան` դոցենտ, ֆիզմաթ գիտությունների թեկնածու, «ՔԵՆԴԼ» սինքրոտրոնային հետազոտությունների ինստիտուտ, գիտակազմակերպչական գծով փոխտնօրեն, Արտավազդ Մինասյան` «Krisp»-ի համահիմնադիր, «10Web»-ի համահիմնադիր, «BigStory VC»-ի համահիմնադիր, Սերգո Եպիսկոպոսյան` դոցենտ, Հայաստանի մաթեմատիկոսների միության անդամ։ Ունեցել է 15 ասպիրանտ, որոնցից 2-ը պաշտպանել են դոկտորական ատենախոսությունը։ Նա ունեցել է նաև աշակերտների աշակերտներ` գիտական թոռներ։
Պարգևներ և կոչումներ
խմբագրել2009 թվականին Մարտին Գրիգորյանը արժանացել է «Լավագույն գիտական աշխատանք» մրցանակին, 2011 թվականին ՀՀ նախագահի մրցանակին[1]։
Ծանոթագրություններ
խմբագրել- ↑ 1,0 1,1 1,2 http://ysu.am/science/hy/Martin-Grigoryan?fbclid=IwAR3tTE9tyDNBiiO89toND-KsjYQ7pI9b9SqmAYoGqLMRRJpWEdUvuTbjzHM
- ↑ http://physics-ysu.am/ամբիոններ/բարձրագույն-մաթեմատիկա/?fbclid=IwAR0ETW-esyiwd_O91p-nTo1PZ5eMpU-EYhsjvE0XpimCg6z0Gvbsc5THPaQ
- ↑ http://physics-ysu.am/դիմորդ/?fbclid=IwAR0pQVUlRnEY7haKy0YDAMKlEAdCTILrkrIrOo0GX8M_zfQcs7Jn-Ht4W-o#1586362297484-23b2f2f4-cb6b