Մասնակից:Գայանե Դանիելյան/Ավազարկղ
| Վահե Սիրունյան | |
| հոկտեմբերի 3,1982-նոյեմբերի 5,2020 | |
| Ծննդավայր | Հրազդան |
| Մահվան վայր | Արցախի Հանրապետություն, Շուշի |
| Քաղաքացիություն | Հայաստան |
| Զորատեսակ | ՀՀ զինված ուժեր |
| Կոչում | փոխգնդապետ |
| Մարտեր/ պատերազմներ | Հայ-ադրբեջանական պատերազմ (2020) |
| Պարգևներ | ՝ Արցախի Հանրապետության Մարտական խաչ 1-ին աստիճանի շքանշան, «Ոստիկանությունում երկարամյա ծառայության համար» 3-րդ աստիճանի մեդալ, «Անբասիր ծառայության համար» 2-րդ աստիճանի մեդալ, «Ծովակալ Հ. Ս. Իսակով» մեդալ, «ՀՀ զինված ուժեր 20 տարի» հոբելյանական մեդալ, «Անբասիր ծառայության համար» 1-ին աստիճանի մեդալ, «Վազգեն Սարգսյան» մեդալ |
Վահե Միշայի Սիրունյան (1982 թ.հոկտեմբերի 3, Հրազդան - 2020թ. նոյեմբերի 5, Արցախի Հանրապետություն, Շուշի), ՀՀ զինված ուժերի փոխգնդապետ, ՀՀ ոստիկանության մայոր, հայ-ադրբեջանական պատերազմի մասնակից, զոհվել է Շուշիի պաշտպանության համար մղված մարտերում:
Կենսագրություն խմբագրել
Վահե Սիրունյանը 1989-1999 թվականներին սովորել է Հրազդանի Կաքավաձոր թաղամասում գտնվող Հրազդանի թիվ 7 միջնակարգ դպրոցում: 2000-2002 թվականներին ծառայել է ՀՀ ՊՆ Հատուկ նշանակության զորքերում, ստացել սերժանտի կոչում, զորացրվելուց հետո՝ 2004 թվականից անցել է ծառայության՝ որպես պայմանագրային զինծառայող:
Սովորել է ենթասպայի դպրոցում, ստացել ենթասպայի կոչում:
Ստուգատեսներին ներկայացրել է Հայաստանը Հունաստանում, Ռուսաստանում և Բելոռուսիայում: 2007 թվականից տեղափոխվել է ՀՀ պաշտպանության նախարարություն՝ փոխգնդապետի հաստիքի։ 2016 թվականից ծառայության է անցել ՀՀ Ոստիկանության համակարգում։
Սովորել է Հյուսիսային համալսարանի իրավագիտության բաժնում, 2012 թվականին ավարտելով այն, ստացել է իրավագիտության բակալավրի աստիճան։
Մինչ Արցախյան երկրորդ 44-օրյա պատերազմը՝ Վահե Սիրունյանը աշխատել է Արցախի Հանրապետության ազգային անվտանգության ծառայությունում, արժանացել է բազմաթիվ պետական, գերատեսչական պարգևների: Պատերազմի սկզբից կատարել է մարտական առաջադրանքներ։ Մասնակցել է դիվերսիոն խմբերի ոչնչացմանը և հայտնաբերմանը, իսկ նոյեմբերի 5-ին հերթական դիվերսիոն խմբի ոչնչացման ժամանակ մահացել է դիպուկահարի կրակոցից:
Վահե Սիրունյանի մարմինն ամփոփվել է Կաքավաձոր թաղամասի ընտանեկան գերեզմանոցում:
Հայրենիքի սահմանները պաշտպանելիս ցուցաբերած բացառիկ քաջության ու արիության համար ԼՂՀ նախագահի հրամանագրով հետմահու պարգևատրվել է «Մարտական խաչ» 1֊ին աստիճանի շքանշանով[1]։ 2021 թվականի մարտի 21-ին Հրազդանի № 7 միջնակարգ դպրոցի ռազմագիտության դասարանն անվանակոչվել է Վահե Սիրունյանի անունով:
Վահե Սիրունյանը ամուսնացած էր, ունի մեկ որդի և մեկ դուստր:
Պարգևներ խմբագրել
- 14.09.2010թ.-ՀՀ ՊՆ-ի կողմից՝ «Վազգեն Սարգսյան» մեդալ
- 13.08.2011թ.- ՀՀ ՊՆ-ի կողմից՝ «Անբասիր ծառայության համար» 1-ին աստիճանի մեդալ
- 24.12.2011թ.- ՀՀ ՊՆ-ի կողմից՝ «ՀՀ զինված ուժեր 20 տարի» հոբելյանական մեդալ
- 30.08.2012թ.- ՀՀ ՊՆ-ի կողմից՝ «Ծովակալ Հ. Ս. Իսակով» մեդալ
- 24.12.2016թ.- ՀՀ ՊՆ-ի կողմից՝ «Անբասիր ծառայության համար» 2-րդ աստիճանի մեդալ
- 13.02.2017թ.- ՀՀ Ոստիկանության պետի հրամանով՝ «Ոստիկանությունում երկարամյա ծառայության համար» 3-րդ աստիճանի մեդալ
- 2020 թ. ԼՂՀ նախագահի հրամանով հետմահու՝ «Մարտական խաչ» 1֊ին աստիճանի շքանշան