Մառնիկ Վերին

Մառնիկ Վերին, գյուղ Արևմտյան Հայաստանում, Բիթլիսի վիլայեթի Մշո գավառում։ Գտնվում էր Մուշ-Մերքեզ գյուղախմբում՝ Մուշ քաղաքից 9 կմ հարավ-արևելք՝ Մեղրագետի վտակներից մեկի ափին՝ անտառապատ վայրում։ Գյուղի մոտակայքում եղել է անտառ, որը կոչում էին Մառնիկի անտառ

Գյուղ
Մառնիկ Վերին
Վարչական տարածք	Արևմտյան Հայաստան
Վիլայեթ	Բիթլիսի վիլայեթԲիթլիսի վիլայեթ
Գավառ	Մշո գավառ
Այլ անվանումներ	Դաղ Մառնիկ, Հայ-Մառնիկ, Հայ Մառնիկ, Մառնիկ Հայ, Մարնիկ
Պաշտոնական լեզու	Հայերեն
Բնակչություն	600 մարդ (1880-ական թթ.)
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Ժամային գոտի	UTC+3

Պատմություն

Գյուղում պատսպարվել են հայ ֆիդայիները։ Բնակչությունը բռնությամբ տեղահանվել է 1915 թվականի Մեծ եղեռնի ժամանակ։

Բնակչություն

1880-ական թվականներին գյուղն ուներ 80 տուն՝ 600 հայ բնակչով։

Տնտեսություն

Բնակչությունը զբաղվում էր երկրագործությամբ և անասնապահությամբ։

Պատմամշակութային կառույցներ

Մառնիկ Վերինն ուներ եկեղեցի։ Գյուղի հարավարևելյան կողմում գտնվում էր Կարմիր վանքը։

Տես նաև

• Բիթլիսի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն