Մառի Աթմաճյան

Մառի Աթմաճյան
Ծննդյան անուն	հայ․՝ Մարի Միհրանի Աթմաճեան
Ծնվել է	մարտի 19, 1913
Ծննդավայր	Բաֆրա, Սամսունի մարզ, Թուրքիա
Վախճանվել է	հունիսի 13, 1999 (86 տարեկանում)
Վախճանի վայր	Փարիզ
Մասնագիտություն	գրող և բանաստեղծ
Լեզու	ֆրանսերեն և հայերեն
Ազգություն	հայ
Քաղաքացիություն	Ֆրանսիա; Օսմանյան կայսրություն
Կրթություն	Դպրոցասէր վարժարան, École Française de Thessalonique? և Փարիզի համալսարան
	Մառի Աթմաճյան Վիքիդարանում
	Marie Atmadjian Վիքիպահեստում

Մառի Միհրանի Աթմաճյան (մարտի 19, 1913(1913-03-19), Բաֆրա, Սամսունի մարզ, Թուրքիա - հունիսի 13, 1999(1999-06-13), Փարիզ), սփյուռքահայ բանաստեղծուհի, գրական և հասարակական գործիչ։ Բանաստեղծ Սեմայի քույրը։

ԿենսագրությունԽմբագրել

Նախնական կրթությունը ստացել է Կ. Պոլսի Դպրոցասեր տիկնանց վարժարանում, որտեղ կատարել է գրական առաջին փորձերը։ 1922 թվականին որբերի հոսանքի հետ մեկնել է Հունաստան։ Ավարտել է հայկական նախակրթարանը, մեկ տարի հաճախել Սալոնիկի ֆրանսիական իգական լիցեյը։ 1925 թվականին ընտանիքով տեղափոխվել են Հալեպ, 1928 թվականին՝ Եթովպիա, 1929 թվականից ապրել է Փարիզում։ Այստեղ հետևել է Մարգարիտ Բաբայանի երաժշտական և Սորբոնի համալսարանի գրականության դասընթացներին։

1930-ականների սկզբներից բանաստեղծություններ է տպագրել «Ջանք» գրական-հասարակական ամսագրում և եղբոր «Մշակույթ» հանդեսում, հետագայում՝ «Անահիտ», «Պայքար», «Լուսաղբյուր», «Հայաստանի կոչնակ», «Բազմավեպ», «Նոր գիր», «Զվարթնոց» և այլ պարբերականներում։ «Տեգրեշենտո» (1939) պիեսում, «Գողգոթայի շուշաններ» (1948), «Աստեղաքաղ» (1951), «Հավիտենական ուղիներ» (1956), «Գաղթաշխարհի երգեր» (1961), «Ոսկի գեղոն» (1967), «Վերջալույսեն առաջ» (1974), «Հավերժական ուղիներով» (1974) բանաստեղծությունների ժողովածուներում պատկերել է սփյուռքահայերի կյանքը, նրանց հայրենաբաղձ ոգորումները։ Երկար տարիներ նախագահել է Ֆրանսահայ գրողների միությունը^[1]^[2]։

ՍտեղծագործություններըԽմբագրել

«Տեգրեջենտո» պիես
«Գողգոթայի շուշանները» բանաստեղծությունների ժողովածու, 1948
«Աստեղաքաղ» բանաստեղծությունների ժողովածու, 1951
«Ոսկի զեշուն» բանաստեղծությունների ժողովածու, 1967
«Հրեղեն աշտարակ» բանաստեղծությունների ժողովածու, 1970

ԾանոթագրություններԽմբագրել

ԳրականությունԽմբագրել

Մառի Աթմաճյանի 35-ամյա գրական բերքին առջև, Բեյրութ, 1975։

Արտաքին հղումներԽմբագրել

Մառի Աթմաճեան։ Մոռնա՞լ քեզ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։

[1] Մառի Աթմաճյան կենսագրությունը litopedia.org կայքում

[2] ՀՀ ԳԱԱ հիմնարար գիտական գրադարան, Աթմաճյան, Մառի Միհրանի

[1]

[2]