Մանսուրե Հոսեյնի
Մանսուրե Հոսեյնի (պարս.՝ منصوره حسینی[1], սեպտեմբերի 1, 1926, Թեհրան, Իրան - հունիսի 29, 2012, Թեհրան, Իրան), իրանցի ժամանակակից նկարչուհի, իր երկրում ժամանակակից արվեստի առաջամարտիկներից մեկը։
Մանսուրե Հոսեյնի | |
|---|---|
| Ծնվել է | սեպտեմբերի 1, 1926 |
| Ծննդավայր | Թեհրան, Իրան |
| Վախճանվել է | հունիսի 29, 2012 (85 տարեկան) |
| Մահվան վայր | Թեհրան, Իրան |
| Քաղաքացիություն |  Իրան |
| Մասնագիտություն | նկարչուհի և քանդակագործ |
| Թեմաներ | գեղանկարչություն |
Կենսագրություն
խմբագրելԵրիտասարդ տարիքում Մանսուր Հոսեյնիի մոտ նկարչության հանդեպ տաղանդ է հայտնաբերվել[2], արդյունքում նրա հայրը վարձել է արվեստի ուսուցչի՝ օգնելու նրան զարգացնել իր ներուժը։ Ավելի ուշ նա կրթություն է ստացել Թեհրանի համալսարանի կերպարվեստի ֆակուլտետում, որն ավարտել է 1949 թվականին։ 1950-ականների սկզբին Հոսեյնին հեռացավ Իրանից՝ տեղափոխվելով Իտալիա, որտեղ նա շարունակել է կրթությունը Հռոմի Գեղարվեստի ակադեմիայում, ինչը թույլ է տվել նրան իր գեղարվեստական աշխատանքների դեբյուտը կատարել Վենետիկի 28-րդ (XXVIII) Բիենալլեում 1956 թվականին։
Իտալիայում համեմատաբար հաջող շրջանից հետո Մանսուր Հոսեյնին 1959 թվականին վերադարձել է Իրան և Թեհրանի գեղանկարչության բիենալեում շահել մի քանի մրցանակներ։ 2004 թվականին այն ցուցադրվել է Թեհրանի ժամանակակից արվեստի թանգարանում[3]։
Ոճ
խմբագրելՄանսուրե Հոսեյնին հայտնի է իր ստեղծագործություններով ինչպես փոխաբերական, այնպես էլ վերացական ոճերում։ Նրա աշխատանքները հաճախ ներառում էին կուֆիկ գրելու տարրեր։ Ինչպես բեհջաթ Սադրը՝ մեկ այլ իրանցի նկարչուհի և նրա ժամանակակիցը, Հոսեյնին իր աշխատանքում համատեղել է ինչպես պարսկական ավանդական մշակույթի տարրերը, այնպես էլ ժամանակակից եվրոպական։ Նա նաև փորձարարի համբավ ուներ։ Հոսեյնին Իրանի Իսլամական Հանրապետության արվեստի ակադեմիայի մշտական անդամ էր։
Հրապարակախոսություն
խմբագրելՄանսուրե Հոսեյնին բազմաթիվ գեղարվեստական ակնարկներ է գրել իրանական տարբեր լրատվամիջոցներում։ Առավել հայտնի է դարձել նրա «Ի՞նչու ցուցահանդեսներում հանդիսատես չկա», Գիտի Նովինի «լռության արտահայտություն» ցուցահանդեսի ակնարկ, որը տպագրվել է Կայհան թերթում 1971 թվականի նոյեմբերին։ Դրանում նա նշել է, որ իրանցի մտավորականներն անտեսել են մշակութային կարևոր իրադարձությունները, ինչպես, օրինակ, Հենրի Մուրի ցուցահանդեսը, որն անցկացվել է նույն թվականին Իրանի ազգային թանգարանում։ Նրա խոսքով՝ Եվրոպայից վերադարձած ընկերը Մուրի ցուցահանդեսը ընկալել է որպես «դարի իրադարձություն», նրա այցելությունը՝ որպես միջոցառում, որին պետք է նախապես պատրաստվել։ Միևնույն ժամանակ, թանգարանում հանդիպելով ժամանակի իրանցի առաջատար բանաստեղծներից մեկին և հետաքրքրվելով Մուրի քանդակների ցուցահանդեսի վերաբերյալ նրա կարծիքով, նա ի պատասխան ստացավ այն, որ բանաստեղծը կարծում էր, որ դա իր զրուցակցի աշխատանքն է[4]։
Մահ
խմբագրելՄանսուրե Հոսեյնիի մարմինը նրա տանը գտել են հարևանները 2012 թվականի հունիսի 28-ին՝ նրա մահից 15 օր անց։ Նա 86 տարեկան էր։ Ավելի վաղ՝ 2012-ին, նա տեղափոխվել էր հիվանդանոց՝ սրտի հիվանդության և ծերության պատճառով։
Ծանոթագրություններ
խմբագրել- ↑ Fouladvand, Hengameh. «HOSSEINI, MANSOUREH». Encyclopædia Iranica Online. Արխիվացված օրիգինալից 2019 թ․ օգոստոսի 31-ին. Վերցված է 2017 թ․ սեպտեմբերի 9-ին.
- ↑ Tehran Museum of Contemporary Art < Exhibition - Forthcoming - Drawing>
- ↑ Tehran Museum of Contemporary Art website
- ↑ Hosseini, Mansooreh (1971) «Why do exhibitions have no viewers?» Արխիվացված 2022-03-29 Wayback Machine Kayhan, November 1971, from www.guitynovin.com Արխիվացված 2022-03-29 Wayback Machine