Ձիթահող

Ձիթահող, գյուղ Արևմտյան Հայաստանում, Էրզրումի վիլայեթի Էրզրումի գավառում։ Գտնվում էր Էրզրում քաղաքից 7 կմ հեռու, Շամբ Կարնո լճակի հյուսիս-արևելյան կողմում, գետակի ափին։

Գյուղ
Ձիթահող
Վարչական տարածք	Արևմտյան Հայաստան
Վիլայեթ	Էրզրումի վիլայեթԷրզրումի վիլայեթ
Գավառ	Էրզրումի գավառ
Այլ անվանումներ	Ծիթող, Ձիթանոս, Ձիթավսկ, Ձիթավողք, Ձիթող, Ձիթհող, Սրտավուզ, Սիթավուզ, Ցիթավսկ, Ցիտավսկ, Ցիտաուգ
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Ժամային գոտի	UTC+3
Ձիթահող (Աշխարհ)

Աշխարհագրություն

Տարածքը հարթավայրային էր։

Պատմություն

1895 թվականին հայկական կոտորածի ժամանակ գյուղի հայերը հերոսական դիմադրություն են ցույց տվել և փրկվել են կոտորածից ու ավերումից։ Սակայն 1915 թվականի Մեծ եղեռնի ժամանակ գյուղն ավերվել է, իսկ բնակիչները բռնությամբ տեղահանվել են։

Բնակչություն

Բնակչության մեծագույն մասը հայեր էին։ 1878 թվականին ուներ 131 տուն՝ 996 բնակչով, 1909 թվականին՝ 216 տուն բնակիչ։

Տնտեսություն

Բնակչության հիմնական զբաղմունքը երկրագործություն, ջուլհակություն, կտավագործություն և սայլապանությունն էր։

Պատմամշակութային կառույցներ

Ձիթահողն ուներ Ս. Աստվածածին անունով եկեղեցի։ Գյուղի մոտ գտնվում է Ս. Գրիգոր Լուսավորիչ վանքը, որի մոտ եղած փոսում ըստ ավանդության պահվել է Գրիգոր Լուսավորիչը։ Վանքը նախկինում եղել է արքեպիսկոպոսների աթոռանիստ։ Իսկ վանքի բակը եղել է տեղացի հայերի սիրելի զբոսավայրը։

Կրթություն

Գյուղում գործում էր երկսեռ վարժարան, որն ուներ 90 աշակերտ։

Տես նաև

• Էրզրումի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 705)։