Վինչենցո Ձապալա
Վինչենցո Ձապալա (իտալ.՝ Vincenzo Zappalà, 1945, Սավոնա, Լիգուրիա, Իտալիա), իտալացի աստղագետ և աստերոիդների հայտնաբերողը, ով աշխատում է Թուրինի աստղադիտարանում։ 1978 թվականի օգոստոսին և 1984 թվականի ապրիլին նա հայտնաբերել է ընդհանուր առմամբ 9 աստերոիդ, որոնցից երեքը հայտնաբերել է ինքնուրույն[2]։
Վինչենցո Ձապալա | |
|---|---|
| Ծնվել է | 1945 Սավոնա, Լիգուրիա, Իտալիա |
| Քաղաքացիություն |  Իտալիա |
| Մասնագիտություն | աստղագետ |
| Հաստատություն(ներ) | Թուրինի աստղադիտարան |
| Գործունեության ոլորտ | աստղագիտություն[1] և աստղաֆիզիկա[1] |
| Տիրապետում է լեզուներին | իտալերեն[1] և անգլերեն[1] |
| Բացահայտված աստերոիդներ | |
|---|---|
| 4478 Blanco [1] | ապրիլի 23 1984 |
| (5802) 1984 HL1 [1] | ապրիլի 27 1984 |
| (6289) 1984 HP1 [1] | ապրիլի 28 1984 |
| 7459 Gilbertofranco | ապրիլի 28 1984 |
| 9009 Tirso | ապրիլի 23 1984 |
| 9010 Candelo | ապրիլի 27 1984 |
| (10038) 1984 HO1 [1] | ապրիլի 28 1984 |
| (11476) 1984 HH1 [1] | [[ապրիլի [23]] 1984 |
| (17357) 1978 QH3 [2] | օգոստոսի23 1978 |
| |
Վինչենցո Ձապալան իր գիտական կարիերան հիմնականում նվիրել է Արեգակնային համակարգի փոքր մարմինների ուսումնասիրությանը, ինչպիսիք են գիսաստղերը և աստերոիդները։ Այս թեմայով նա հրապարակել է ավելի քան 250 հոդված տարբեր գիտական ամսագրերում։ Նրա աստերոիդների ընտանիքների ուսումնասիրությունների արդյունքները մեծ համբավ և ճանաչում են ստացել գիտական շրջանակներում։ Աստերոիդների նմանատիպ խմբերի որոնման համար նրա մշակած մեթոդը հնարավորություն է տվել հուսալիորեն բացահայտել աստերոիդների նոր ընտանիքներ։
Տարիների ընթացքում Վինչենցո Ձապալան մասնակցել է տարբեր միջազգային կոնգրեսների և եղել գիտական խորհուրդների անդամ, ինչպես նաև ղեկավարել է դրանցից մի քանիսը։ Նա նաև մասնակցել է միջազգային գիտաժողովների Եվրոպայում, ԱՄՆ-ում, Ճապոնիայում և Ռուսաստանում։ 1997-2000 թվականներին նա գլխավորել է Միջազգային աստղագիտական միության թիվ 15 հանձնաժողովը, որի անդամ է 1975 թվականից։ Նա տիեզերական Գայա (իտալ.՝ Gaia) աստղադիտակի ստեղծման վրա աշխատող գիտնականների խմբի ղեկավարներից է։
Վինչենցո Ձապալան նաև իտալական աստղագիտական ամենամեծ ինտերնետային astronomia.com պորտալի հիմնադիրներից է։ Այս կայքը նույնիսկ հիշատակվել է ազգային լրատվական թողարկումներում՝ կապված հրե գնդակի տեսանելիության հետ։ Պորտալը հրապարակում է ամեն օր գիտական հոդվածներ ժամանակակից խոշոր աստղագետների կողմից, պարունակում է երկնքի քարտեզներ յուրաքանչյուր ամսվա համար, աստղագիտական տերմինների բառարան, ինչպես նաև թույլ է տալիս հարցազրույցներ անցկացնել և աստղագիտական թեմաներով համագումարներ և քննարկումներ կազմակերպել։
Վինչենցո Ձապալայի պատվին աստերոիդներից մեկը անվանվել է (2813) Ձապալա[3]։
Ծանոթագրություններ խմբագրել
- ↑ 1,0 1,1 1,2 1,3 Չեխիայի ազգային գրադարանի կատալոգ
- ↑ «Minor Planet Discoverers». Փոքր մոլորակների կենտրոն. Արխիվացված է օրիգինալից 2012 թ․ մարտի 14-ին. Վերցված է 2011 թ․ հունվարի 1-ին.
- ↑ Schmadel, Lutz D. Dictionary of Minor Planet Names. — Fifth Revised and Enlarged Edition. — B., Heidelberg, N. Y.: Springer, 2003. — P. 230. — ISBN 3-540-00238-3