Հրանտ Եպիսկոպոսյան (փիլիսոփա)
Անվան այլ կիրառումների համար տե՛ս՝ Հրանտ Եպիսկոպոսյան- Վիքիպեդիայում կան հոդվածներ Եպիսկոպոսյան ազգանունով այլ մարդկանց մասին։
Հրանտ Լևոնի Եպիսկոպոսյան (օգոստոսի 3 1921, Խաչակապ - նոյեմբերի 12 1994, Մոսկվա, ՌԴ), հայ փիլիսոփա։ Փիլիսոփայական գիտությունների դոկտոր (1963), պրոֆեսոր (1966): Արցախյան շարժման մասնակից։
| Հրանտ Լևոնի Եպիսկոպոսյան | |
|---|---|
| Ծնվել է | օգոստոսի 3 1921 |
| Ծննդավայր | Խաչակապ |
| Մահացել է | նոյեմբերի 12 1994 |
| Մահվան վայր | Մոսկվա, ՌԴ |
| Քաղաքացիություն |  ԽՍՀՄ |
| Ազգություն | հայ |
| Մայրենի լեզու | հայերեն |
| Գիտական աստիճան | փիլիսոփայական գիտությունների դոկտոր |
| Ազդել է | Արցախյան շարժում |
| Մասնագիտություն | Փիլիսոփայական գիտությունների դոկտոր, պրոֆեսոր |
| Աշխատավայր | Մոսկվայի պետական համալսարան |
Կենսագրություն
խմբագրելՀրանտ Եպիսկոպոսյանը 1949 թվականին ավարտել է Մոսկվայի միջազգային հարաբերությունների ինստիտուտը։ 1962-1971 թվականներին գիտախմբագրական աշխատանք է կատարել Մոսկվայի տարբեր հրատարակչություններում, 1969 թվականից դասախոսել է Մոսկվայի պետական համալսարանում։ 1963 թվականին ստացել է Փիլիսոփայական գիտությունների դոկտորի, 1966 թվականին՝ պրոֆեսորի կոչումներ։
Աշխատությունները վերաբերում են գիտատեխնիկական հեղափոխության հարցերին, բուրժուական փիլիսոփայության և սոցիոլոգիայի քննական վերլուծությանը։ Արցախյան շարժման տարիներին Մոսկվայում կազմակերպել է Շարժման ակտիվիստների հանդիպումներ կուսակցական, պետական աշխատողների հետ, ելույթներով հիմնավորել է Հայաստանի հետ Արցախի, Գարդմանքի և Նախիջևանի վերամիավորման հիմնախնդիրները։ Թաղված է Մոսկվայում։
Երկեր
խմբագրել- Տեխնիկա և սոցիոլոգիա։ Ուսումնական ձեռնարկ բուհերի համար, Երևան, 1972։
- Տեխնիկա և սոցիոլոգիա, Երևան, 1972։
- Социоло-гические проблемы современной научно-технической революции, Москва 1982.
- Современная эпоха и "переоценка ценностей" в буржуазной идеологии, Москва, 1983.
- Философия лингвистики, Ереван, 1989.
- Armenian problem in the past and today, Moscow, 1993.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Ղարաբաղյան ազատագրական պատերազմ (1988—1994) հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո ։ 
|
 | Վիքիդարանն ունի նյութեր, որոնք վերաբերում են «Հրանտ Եպիսկոպոսյան (փիլիսոփա)» հոդվածին։ |