Հովհաննես Իգիթյան
Հովհաննես Հենզիկի Իգիթյան (ապրիլի 14, 1960, Հադրութ, Ադրբեջանական ԽՍՀ, ԽՍՀՄ), Հայաստանի Հանրապետության Ազգային Ժողովի 7-րդ գումարման պատգամավոր, ճարտարագետ[1]։ Արտաքին հարաբերությունների մշտական հանձնաժողովի նախագահի տեղակալ։ Լիտվայում ՀՀ արտակարգ և լիազոր դեսպան։
| Հովհաննես Հենզիկի Իգիթյան | |
|---|---|
 | |
| Ծնվել է | 1960 թվականի ապրիլի 14 |
| Ծննդավայր | Հադրութ, Ադրբեջանական ԽՍՀ, ԽՍՀՄ |
| Քաղաքացիություն | Հայաստան |
| Ազգություն | հայ |
| Կրթություն | Երևանի պոլիտեխնիկական ինստիտուտ |
| Մասնագիտություն | ճարտարագետ |
| Աշխատանք | ճարտարագետ, պատգամավոր |
| Աշխատավայր | Ազգային ժողով (Բաղրամյան 19 փողոց) |
| Ամուսին | ամուսնացած է |
| Զբաղեցրած պաշտոններ | Հայաստանի Ազգային ժողովի պատգամավոր |
| Երեխաներ | երեք զավակ |
 Hovhannes Igityan Վիքիպահեստում | |
Կենսագրություն
խմբագրելԾնվել է 1960 թվականի ապրիլի 14-ին։
Միչև 1982 թվականին սովորել է Երևանի պոլիտեխնիկական ինստիտուտի ռադիոէլեկտրոնիկայի ֆակուլտետում։ 1980-1982 թվականներին ավարտել է ԵրՊԻ ռազմական ամբիոնը՝ ստանալով լեյտենանտի սպայական կոչում։
1981-1984 թվականներին աշխատել է Երևանի պոլիտեխնիկական ինստիտուտի գիտահետազոտական աշխատանքների բաժնի լաբորանտ, ճարտարագետ, կրտսեր գիտաշխատող։ 1984-1988 թվականներին՝ ԵրՊԻ գիտահետազոտական աշխատանքների բաժնի «Էլեկտրական մեքենաների դիագնոստիկայի» գիտահետազոտական լաբորատորիայի վարիչ, ավագ գիտաշխատող։ 1988-1990 թվականներին՝ ԵրՊԻ «Վերգետնյա արագընթաց տրանսպորտ» գիտահետազոտական լաբորատորիայի ավագ գիտաշխատող։
«Ազատ շուկայական հարաբերություններ», «Պետական-մասնավոր համագործակցության կարգավորում», «Արհմիությունների դերը Ֆրանսիայում» քաղաքագիտության և տնտեսագիտության (1990 թվական, Սորբոնի համալսարան, Փարիզ), «Դիվանագիտական և հյուպատոսական ծառայություն», «Դիվանագիտական արարողակարգ» Ռուսաստանի Դաշնության արտաքին գործերի նախարարության դիվանագիտական ակադեմիայի հեռակա (1992-1993 թվականներ), «Ներդրումներ ձեռնարկատիրական և բնակելի ոլորտում», «Նոտարական համակարգ», «Հիպոտեկային վարկավորման պայմաններ», «Ֆինանսավորման աղբյուրների չափորոշիչներ», «Գործարքների կարգավորում Ֆրանսիայում»՝ Ֆրանսիայի անշարժ գույքի ֆեդերացիայի միջազգային վարչության և «107 Պրոմենադ» գործակալության, «Ապօրինի ֆինանսական սխեմաներ. տեսակներ, բացահայտում, խուսափում»՝ Ֆրանսիայի ֆինանսների նախարարության դրամական միջոցների ապօրինի շրջանառության դեմ պայքարի վարչության, «Ֆրանսիայի հարկային համակարգ»՝ Ֆրանսիայի հարկային ծառայության (2004-2006 թվականներ) դասընթացների մասնակից։
1999-2002 թվականներին եղել է Երևանի «Կենտրոն» համայնքի թաղապետարանի իրավախորհրդատու։ 2003-2018 թվականներին՝ Հայաստանում Եվրամիության առևտրի պալատի գործադիր տնօրեն, 2003-2008 թվականներին որպես փորձագետ աշխատել է Եվրամիության «ՏԱՍԻՍ» ծրագրի մի շարք նախագծերում, 2004-2005 թվականներին եղել է «Ֆրանս-հայկական զարգացման» հիմնադրամի գործադիր տնօրեն։ 2006-2012 թվականներին՝ «107 Պրոմենադ» (Ֆրանսիա) անշարժ գույքի գործակալության միջազգային նախագծերի մենեջեր, իսկ 2007-2011 թվականներին՝ «Եվրոպոլիս» ՍՊԸ (Ղազախստան) միջազգային նախագծերի մենեջեր։ 2012-2017 թվականներին աշխատել է «Վինսի Գրուպ»-ում (Ֆրանսիա) որպես խորհրդական։ 2014-2015 թվականներին՝ «ՖԻԱԲՍԻ» (Համաշխարհային անշարժ գույքի ֆեդերացիա, Ֆրանսիա) նախագահի խորհրդական, 2015-2016 թվականներին՝ «ՀԱՐՔՈ Գրուպ»-ի (Բելգիա) ներկայացուցիչ։
1990 թվականից անդամակցում է Ֆրանսիայի «ՍՈՍ ԱՐՄԵՆԻ ԿՈՏ Դ'ԱԶՈւՐ» բարեգործական կազմակերպության խորհրդին։
Քաղաքական գործունեություն
խմբագրել1990-1995 թվականներին եղել է Հայաստանի Հանրապետության Գերագույն խորհրդի պատգամավոր, աշխատել Գերագույն խորհրդի արտաքին հարաբերությունների մշտական հանձնաժողովի անդամ, նաև ԱՊՀ խորհրդարանական վեհաժողովի արտաքին հարաբերությունների հանձնաժողովի փոխնախագահ։
1995-1999 թվականներին՝ Հայաստանի Հանրապետության Ազգային ժողովի 1-ին գումարման պատգամավոր։ Նախագահել է Ազգային ժողովի արտաքին հարաբերությունների մշտական հանձնաժողով, ԵԽԽՎ-ում ղեկավարել է Հայաստանի Հանրապետության Ազգային ժողովի պատվիրակությունը, նաև ԵԱՀԿ ԽՎ Հայաստանի Հանրապետության Ազգային ժողովի պատվիրակությունը։ Եղել է «Հանրապետություն» խմբակցության անդամ։
2018 թվականի դեկտեմբերի 9-ին ընտրվել է Ազգային ժողովի պատգամավոր «Իմ քայլը» կուսակցությունների դաշինքի համապետական ընտրական ցուցակով։
2022 թվականի փետրվարից Լիտվայում ՀՀ արտակարգ և լիազոր դեսպան։ Նույն թվականի հուլիսից, համատեղության կարգով, նշանակվել է Էստոնիայի Հանրապետությունում Հայաստանի Հանրապետության արտակարգ և լիազոր դեսպան (նստավայրը՝ Վիլնյուս)[2]։
Ընտանիք
խմբագրելԱմուսնացած է, ունի երեք զավակ։
Ծանոթագրություններ
խմբագրել- ↑ «Հովհաննես Իգիթյանը Ազգային Ժողովի պաշտոնական կայքում».
- ↑ «Հանրապետության նախագահի հրամանագրերը - Փաստաթղթեր - Հայաստանի Հանրապետության Նախագահ». www.president.am. Վերցված է 2022 թ․ նոյեմբերի 21-ին.