Հովհաննես Աստվածատուր

Հովհաննես Աստվածատուր, ավելի հայտնի է որպես Յոհանես Դիոդատո (գերմ.՝ Johannes Theodat, 1640 Կոստանդնուպոլիս - 1725 Վիեննա), պոլսահայ առևտրական, ով հիմնել է Եվրոպայի և Վիեննայի առաջին սրճարանը։

Հովհաննես Աստվածատուր
Ծնվել է1640
ԾննդավայրՍտամբուլ, Օսմանյան կայսրություն
Մահացել է1725
Մահվան վայրՎիեննա, Հաբսբուրգի միապետություն
ՔաղաքացիությունՕսմանյան կայսրություն
Ազգությունհայ
Մասնագիտությունռեստորատոր

ԿենսագրությունԽմբագրել

Հովհաննես Աստվածատուրը ծնվել է 1640 թվականին Կոստանդնուպոլսում։

1683 թվականին Վիեննան բոլոր կողմերից պաշարված էր օսմանական բանակի կողմից։ Եվ այդ ծանր պայմաններում առանձնացել էր մի հայ առևտրական՝ Հովհաննես Աստվածատուրը, ով լինելով նաև թարգմանիչ և հետախույզ մեծ դեր կատարել այդ ժամանակ, ինչը թույլ է տվել դաշնակիցներին հասնել Վիեննա և 1683 թվականի սեպտեմբերի 12-ին համաքրիստոնեական միացյալ ուժերը հակահարձակվել են թուրքերի վրա և ջախջախիչ պարտություն հասցրել նրանց։ Ի նշան երախտագիտության 1685 թվականին կայսր Լեոպոլդ Ա Հաբսբուրգը Հովհաննես Աստվածատուրին է շնորհել 20 տարվա ընթացքում սրճի վաճառման մենաշնորհի արտոնությունը։ Օգտվելով դրանից, Աստվածատուրը հիմնում է Վիեննայի առաջին սրաճարանը, որտեղ սկսեցին մատուցել հայտնի վիեննյան սուրճը։ Սրճարանը բացվել է Աստվածատուրի տան մեջ, որը այժմ գտնվում է Rotenturmstrasse, 14 հասցեով[1]։

Հովհաննես Աստվածատուրը մահացել է Վիեննայում 1725 թվականին։

2004 թվականին Վիեննայի Վիդեն շրջանի այգիներից մեկը անվանակոչվել է Աստվածատուրի պատվին՝ Johannes-Diodato-Park[2]։

Տես նաևԽմբագրել

ԳրականությունԽմբագրել

  • Diodato, Johannes. In։ Felix Czeike։ Historisches Lexikon Wien. Band 2։ De - Gy. Kremayr & Scheriau, Wien 1993, ISBN 3-218-00544-2, S. 19. (գերմ.)

ԾանոթագրություններԽմբագրել