Հոկտեմբեր: Կարտոֆիլի բերքահավաք

«Հոկտեմբեր» կամ «Կարտոֆիլի բերքահավաք» (ֆր.՝ Saison d'octobre, récolte des pommes de terre[2], անգլ.՝ Season of October: The potato gatherers[3]), 1878 թվականին ֆրանսիացի նկարիչ Ժյուլ Բաստիեն Լըպաժի կողմից նկարված նկար (Jules Bastien-Lepage, 1848—1884): Պատկանում է Մելբուրում գտնվող Վիկտորիայի ազգային պատկերասրահին։ Նկարի չափը 180,7 × 196 սմ է[4][5]։ Օգտագործվում է նաև «Կարտոֆիլ հավաքող կանայք» անունը [6][7]։

Picto infobox artiste.png
Հոկտեմբեր: Կարտոֆիլի բերքահավաք
Jules Bastien-Lepage - October - Google Art Project.jpg
տեսակգեղանկար
նկարիչԺյուլ Բաստիեն Լըպաժ
տարի1878[1]
բարձրություն180,7 սանտիմետր[1]
լայնություն196 սանտիմետր[1]
նյություղաներկ[1] և կտավ[1]
գտնվում էՎիկտորիայի ազգային պատկերասրահ[1]
հավաքածուՎիկտորիայի ազգային պատկերասրահ

ՆկարագրությունԽմբագրել

Ժյուլ Բաստիեն Լըպաժը այս նկարը նկարել է իր հայրենի գյուղում՝ Դանվիլլերում, որը գտնվում է Լոթարինգիայի Մյոզ դեպարտամենտում՝ Ֆրանսիայի հյուսիս-արևմուտքում։ Գյուղի անվանումը (Damvillers) գրված է նկարի ներքևի ձախ հատվածքում՝ անմիջապես նկարչի ստորագրության տակ[8]։

Նկարում պատկերված է այն դաշտը, որտեղ հավաքվում է կարտոֆիլի բերքը։ Նկարի առաջին պլանում գյուղացի կին է , որը գործած զամբյուղի մեջ է հավաքում կարտոֆիլը։ Նրա հետևի մասում՝ աջ կողմում, մեկ այլ կին կարտոֆիլ է հավաքում զամբյուղի մեջ։ Հեռվում երևում են այլ կանայք ևս։ Տեսարանը ներկայացնում է աշնանային թխպոտ օր, երկինքը ծածկված է ամպերով։ Ժյուլ Բաստիեն Լըպաժի մի այլ գյուղական նկարի՝ «Հունձքի» նման կտավի հորիզոնական գիծը բավականին բարձր է։

ՊատմությունԽմբագրել

1879 թվականին նկարը ներկայացվել է Փարիզի սրահում[8]։ Նկարչի մահից կարճ ժամանակ անց, 1885 թվականին, նկարը ձեռք է բերվել իր եղբոր՝ քանդակագործ Էմիլ Բաստիեն Լյաժի կողմից (Émile Bastien-Lepage, 1854-1938))[9]:

1897 թվականից նկարը եղել է Ավստրալիայի գործարար Ջորջ Մակքոլչի (Ջորջ McCulloch, 1848-1907) հավաքածուում, որը 1890-ականների սկզբին տեղափոխվել է Լոնդոն և հավաքել նկարների պատկերասրահ։ 1907 թվականին, նրա մահից հետո, նկարը անցել է Մարիա Կուտց Մարիին (Mary Coutts Michie)՝ նրա այրուն։ 1927 թվականի հոկտեմբերին նկարը ձեռք է բերվել Ավստրալիայի Ֆելտոն Բուքեստ հիմնադրամի կողմից՝ հիմնվելով Ալֆրեդ Ֆելտոնի (1831-1904)[9] նվիրաբերված գումարների վրա, իսկ 1928 թվականին այն փոխանցվել է Վիկտորիայի Ազգային պատկերասրահին[4]։

ԿարծիքներԽմբագրել

Նկարիչ Վասիլի Սուրիկովը իր՝ 1883 թվականին Պավել Չիստյակովին ուղղված նամակում գրել է[6][7]։

«Ես ապրում եմ Փարիզում։ Ես եկել եմ այստեղ, որպեսզի տեսնեմ ֆրանսիական արվեստի նկարների 3-ամյա ցուցահանդեսը։ Բայց, թողնելով այս ամենը, ես ուզում եմ խոսել այն իսկական նկարի մասին։ Խոսքը «Կարտոֆիլ հավաքող կանայք» նկարի մասին է։ Դեմքերը և ամբողջ նկարը կարծես կենդանի լինեն։ Ամեն ինչ գրված է օդում՝ գույնը, շարժումները, դիմագիծը։ Ամեն ինչ այնքան ամբողջական է, որ կարծես հրաշք լինի։ Իսկ նրա «Հանգիստ դաշտում» նկարը ավելի թույլ է»։

ԾանոթագրություններԽմբագրել

  1. 1,0 1,1 1,2 1,3 1,4 1,5 https://www.ngv.vic.gov.au/explore/collection/work/3768/
  2. «Ժյուլ Բաստիեն-Լըպաժ (1848—1884) -Հոկտեմբեր կամ, Կարտոֆիլի բերքահավաք» (HTML)։ Օրսի թանգարան։ Վերցված է 18.01.2014 (չաշխատող հղում)
  3. «Jules Bastien-Lepage (1848—1884) — Season of October: The potato gatherers» (HTML)։ Musée d’Orsay։ Վերցված է 18.01.2014 
  4. 4,0 4,1 «October (Saison d'octobre), 1878, Jules Bastien-Lepage» (HTML)։ National Gallery of Victoria — www.ngv.vic.gov.au։ Վերցված է 16.01.2014 
  5. «Jules Bastien-Lepage — Les foins / Hay Making» (HTML)։ Musée d’Orsay։ Վերցված է 16.01.2014 
  6. 6,0 6,1 В.И. Суриков։ «Письмо П.П. Чистякову, Париж, Конец декабря 1883» (HTML)։ artsurikov.ru։ Վերցված է 18.01.2014 
  7. 7,0 7,1 Андрей Толстой։ «Что французу хорошо, то русскому... еще лучше?!» (HTML)։ «Новая Юность» 2002, №1 (52) — magazines.russ.ru։ Վերցված է 18.01.2014 
  8. 8,0 8,1 Leanne Zalewski։ «Jules Bastien-Lepage (1848—1884), Musée d'Orsay, Paris (6 March — 13 May 2007), Centre Mondial de la Paix, Verdun (14 June — 16 September 2007)» (HTML)։ Nineteenth-Century Art Worldwide (Volume 6, Issue 2, 2007) — www.19thc-artworldwide.org։ Վերցված է 16.01.2014 
  9. 9,0 9,1 October, 1878, Jules Bastien-Lepage, Google Cultural Institute «October, 1878, Jules Bastien-Lepage»] (HTML)։ Google Cultural Institute։ Վերցված է 20.01.2014 

Արտաքին հղումներԽմբագրել

October, 1878, Jules Bastien-Lepage, Google Cultural Institute