Հմայակ Առստամյան

Հմայակ Առստամյան (10 հունիսի, 1970, Սառնաղբյուր, Ասկերանի շրջան - 8 մայիսի, 1992, Շուշի), հայ ազատամարտիկ, Արցախյան ազատամարտի մասնակից։

Հմայակ Յուրիի Առստամյան
10 հունիսի, 1970 - 8 մայիսի, 1992
Ծննդավայր	Սառնաղբյուր, Ասկերանի շրջան
Մահվան վայր	Շուշի
Քաղաքացիություն	ԽՍՀՄ
Մարտեր/ պատերազմներ	Արցախյան ազատամարտ

Կենսագրություն

Հմայակ Առստամյանը ծնվել է 1970 թ. հունիսի 10-ին Ասկերանի շրջանի Սառնաղբյուր գյուղում։ Ստեփանակերտի թիվ 3 միջնակարգ դպրոցում 8-ամյա կրթություն ստանալուց հետո ընդունվել է պրոֆտեխուսումնարան և սովորել զոդողի մասնագիտություն։ Խորհրդային բանակում ծառայել է Մոսկվայի մարզում։ Զորացրվելուց հետո ընդգրկվել է արցախյան ընդհատակյա պայքարին։ Ծառայել է Դաշուշենի կամավորական ջոկատում։ Մասնակցել է Կրկժանի, Մալիբեկլուի, Ջանհասանի ազատագրական մարտերին։ Կրկժանում վիրավորվել է ոտքից, Ջանհասանում՝ աչքերից, բայց էլի մնացել շարքում։ Զոհվել է 1992 թ. մայիսի 8-ին՝ Շուշիի ազատագրման ժամանակ։ Հետմահու պարգևատրվել է «Շուշիի ազատագրման համար» մեդալով։ Ամուսնացած չէր։ Հանգչում է Սառնաղբյուրի գերեզմանատանը։