Հիջազ
Հիջազ (արաբ․՝ الحجاز), տարածք Արաբական թերակղզու արևմուտքում, այժմյան Սաուդյան Արաբիայի մի հատվածը։ Իսլամի առաջացման պատմական բնօրրանն է. այստեղ են գտնվում մուսուլմանների սրբազան քաղաքները Մեքքան և Մեդինան. Վարչական կենտրոնն էր Ջիդդան։
1916-1925 թվականներին Հիջազը անկախ պետություն էր (միապետություն), ստեղծվել էր Օսմանյան կայսրության դեմ արաբական մի քանի ցեղերի դեմ ապստամբության հետևանքով։ Հիջազի առաջին թագավոր ն էր Հուսեյն բեն Ալին (1916-1924), երկրորդը՝ նրա որդի Ալի բեն Հուսեյնը (1924-1925)։
Քաղաքներ
խմբագրելՊատմություն
խմբագրել- մինչև մ.թ. 106 թվական կազմում էր Նաբաթեայի թագավորության մի մասը,
- մ.թ. 106 թվականից — Հիջազը մտավ Հռոմեական կայսրության կազմի մեջ,
- 1519 թ.-ին — նվաճվեց օսմանյան թուրքերի կողմից և մտավ Օսմանյան սուլթանության կազմի մեջ,
- 1519 թվականից մինչև 1916 թվականը Օսմանյան կայսրության կազմի մեջ էր,
- 1916 թվականի մայիսի 30-ին անկախացավ և ստեղծվեց Հիջազի թագավորությունը,
- 1925 թվականին գրավվեց Նեջդի կողմից, նորաստեղծ պետություն կոչվեց Նեջդի և Հիջազի թագավորություն,
- 1932 թվականին միացյալ պետությունը վերանվանվեց Սաուդյան Արաբիա[1]։
Ծանոթագրություններ
խմբագրել- ↑ Վասիլեվ Ա. Մ. Սաուդյան Արաբիայի պատմությունը (1745 թ. - XX դարի վերջը) — М.: Классика плюс, Книжный дом газеты «Труд», 1994. — ISBN 5-89073-022-3
 | Վիքիպահեստն ունի նյութեր, որոնք վերաբերում են «Հիջազ» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 423)։ 
|