Հարթություն

Հարթություն, երկրաչափության հիմնական հասկացություններից, որի անուղղակի սահմանումը սովորաբար տրվում է երկրաչափության աքսիոմների օգնությամբ։ Այդպիսի աքսիոմներից են.

1. Հարթության հետ երկու ընդհանուր կետ ունեցող յուրաքանչյուր ուղիղ գիծ գտնվում է այդ հարթությունում
2. Մեկ ուղղի չպատկանող երեք կետով անցնում է մեկ և միայն մեկ հարթություն
3. Եթե երկու տարբեր հարթություններ ունեն ընդհանուր կետ, ապա նրանց հատումն ուղիղ գիծ է

Երկու հատվող հարթություններ

Նիկոլայ Լոբաչևսկին, շարժումն ու հեռավորությունն ընդունելով որպես հիմնական հասկացություններ, հարթությունը սահմանել է որպես տրված երկու կետից հավասարահեռ կետերի բազմություն։

Դեկարտյան ուղղանկյուն կոորդինատային համակարգում հարթությունը որոշվում է առաջին աստիճանի հավասարումով՝ $ax+by+cz+d=0$, ընդ որում $(a,b,c){\vec {n}}$ վեկտորն ուղղահայաց է հարթությանը։

Տես նաև

• Ուղիղ
• Կիսահարթություն
• Տարածություն

Արտաքին հղումներ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 305)։

Վիքիպահեստն ունի նյութեր, որոնք վերաբերում են «Հարթություն» հոդվածին։