Հայկ Վարդանյան
- Վիքիպեդիայում կան հոդվածներ Վարդանյան ազգանունով այլ մարդկանց մասին։
Հայկ Վարդանի Վարդանյան (հուլիսի 1, 1926, Կիսլովոդսկ, Տերսկի օկրուգ, Հյուսիսկովկասյան երկրամաս, ՌԽՖՍՀ, ԽՍՀՄ), հայ արձակագիր, ԽՍՀՄ գրողների միության անդամ 1958 թվականից։
Հայկ Վարդանյան | |
---|---|
Ծնվել է | հուլիսի 1, 1926 (97 տարեկան) |
Ծննդավայր | Կիսլովոդսկ, Տերսկի օկրուգ, Հյուսիսկովկասյան երկրամաս, ՌԽՖՍՀ, ԽՍՀՄ |
Մասնագիտություն | արձակագիր |
Քաղաքացիություն | ԽՍՀՄ |
Կրթություն | Երևանի պետական գեղարվեստա-թատերական ինստիտուտ (1950) |
Անդամակցություն | ԽՍՀՄ Գրողների միություն |
Աշխատավայր | Գավառի Լևոն Քալանթարի անվան պետական դրամատիկական թատրոն, Հակոբ Պարոնյանի անվան պետական երաժշտական կոմեդիայի թատրոն, Հայաստանի ազգային ակադեմիական երգչախումբ և Ալեքսանդր Սպենդիարյանի անվան օպերայի և բալետի ազգային ակադեմիական թատրոն |
Հայկ Վարդանյան Վիքիդարանում |
Կենսագրություն խմբագրել
Հայկ Վարդանյանը ծնվել է 1926 թվականի հուլիսի 1-ին, ՌՍՖՍՀ Ստավրոպոլի երկրամասի Կիսլովոդսկ քաղաքում։ 1933-1946 թվականներին ապրել է Իրանի Թեհրան քաղաքում։ Սովորել է Թեհրանի Դավթյան դպրոցում, ֆրանսիական և ամերիկյան քոլեջներում։ 1946 թվականին ներգաղթել է Խորհրդային Հայաստան։ 1950 թվականին ավարտել է Երևանի թատերական ինստիտուտի դերասանական ֆակուլտետը, 1963 թվականին՝ Մոսկվայի սցենարական բարձրագույն դասընթացները։ 1950-1951 թվականներին խաղացել է Նոր Բայազետի (այժմ՝ Գավառ) դրամատիկական թատրոնում, 1951-1956 թվականներին՝ Երևանի Հակոբ Պարոնյանի անվան երաժշտական կոմեդիայի թատրոնում, աշխատել Հայաստանի պետական երգչախմբում, Ալեքսանդր Սպենդիարյանի անվան օպերայի և բալետի պետական ակադեմիական թատրոնում։ 1959-1962 թվականներին եղել է Երևանի ռադիոկոմիտեի ռեժիսոր, 1965-1966 թվականներին՝ կինեմատոգրաֆիայի պետական կոմիտեի խմբագիր։ 1966 թվականից աշխատել է Երևանի ռադիոկոմիտեում։ Ռուսերեն լույս է տեսել Վարդանյանի «Կամուրջը գետակի վրա» գիրքը (Մոսկվա, 1965): Նրա սցենարով «Հայֆիլմ»-ը նկարահանել է «01-99» կինոնկարը[1]։
Երկեր խմբագրել
- Երեխաները, Երևան, Հայպետհրատ, 1954, 96 էջ։
- Կամուրջը գետակի վրա, Երևան, Հայպետհրատ, 1957, 92 էջ։
- Պատմվածքներ, Երևան, Հայպետհրատ, 1960, 70 էջ[2]։
- Փողոցի մեծ ժամացույցը, Երևան, Հայպետհրատ, 1964, 64 էջ։
- Պատմվածքներ, Երևան, «Հայաստան», 1971, 131 էջ։
- Երեխաներին Լենինի մասին։ Երևան։ Սովետական գրող, 1980[3]։
Ծանոթագրություններ խմբագրել
- ↑ Գրական տեղեկատու։ Երևան։ «Սովետական գրող»։ 1981։ էջ 436-437։
- ↑ Վարդանյան, Հայկ Վարդանի (1960). Սանահյան, Օլգա Հարությունի (ed.). Պատմվածքներ. Երևան: Հայպետհրատ.(չաշխատող հղում)
- ↑ Վարդանյան, Հայկ Վարդանի, ed. (1980). Երեխաներին Լենինի մասին։ Պատմվածքներ. Երևան: Սովետական գրող.(չաշխատող հղում)
Վիքիդարանն ունի նյութեր, որոնք վերաբերում են «Հայկ Վարդանյան» հոդվածին։ |