Հայկ Ղուկասյան

Անվան այլ կիրառումների համար տե՛ս՝ Հայկ Ղուկասյան (այլ կիրառումներ)

Վիքիպեդիայում կան հոդվածներ Ղուկասյան ազգանունով այլ մարդկանց մասին։

Հայկ Արամայիսի Ղուկասյան (ծնվ.` հոկտեմբերի 21, 1976), հայ մարտարվեստի վարպետ, սպորտային մեկնաբան, Պրոֆեսիոնալ «Արմֆայթինգ» ընդհանուր մենամարտերի և գրապլինգի ֆեդերացիայի նախագահ, պրոմոտեր, մարզիչ, դասախոս, ՀՀ սպորտի և երիտասարդության հարցերի նախարարի խորհրդական։

Հայկ Ղուկասյան
Ծնվել է	հոկտեմբերի 21, 1976 (47 տարեկան)
Ծննդավայր	Երևան, Հայկական ԽՍՀ
Քաղաքացիություն	→
Ազգություն	Հայ
Կայք	armfc.com

Կենսագրություն

Ծնվել է 1976 թվականի հոկտեմբերի 21-ին Երևանում։

1983-1993 թվականներին սովորել և ավարտել է Րաֆֆու անվան թիվ 36 միջնակարգ դպրոցը։

1993-1994 թվականներին սովորել է Օլիմպիական Հերթափոխի Հանրապետական ուսումնարանում։

1994-1998 թվականներին սովորել և ավարտել է Ֆիզիկական Կուլտուրայի Հայկական Պետական Ինստիտուտը։

1993-1998 թվականներին Երևանի թիվ 2 մարզադպրոցում աշխատել է որպես ազատ ոճի ըմբշամարտի ավագ մարզիչ։

1997-1998 թվականներին Գեղեցիկ Արվեստների Ազգային Համալսարանում աշխատել է որպես դասախոս։

1998 թվականի հունիսի 17-ին զորակոչվել է պարտադիր զինվորական ծառայության։

1998 թվականից մինչև 2009 թվականը զինվորական ծառայության ժամանակ զբաղեցրել է ֆիզիկական պատրաստության և սպորտի պետի, Բարձրագույն Սպայական Դասընթացների պետի տեղակալի և Ռազմաբժշկական ֆակուլտետի պետի տեղակալի պաշտոնները։

2001-2003 թվականներին սովորել և ավարտել է Համակարգչային Ծրագրավորման Ինստիտուտը։

2002-2003 թվականներին սովորել և ավարտել է Բարձրագույն Սպայական Դասընթացները, ստանալով Շտաբի պետի և Մոտոհրաձգային Գումարտակի հրամանատարի որակավորում։

2003-2004 թվականներին սովորել և ավարտել է Միջազգային Կարմիր խաչի դասընթացները և ստացել Զինված Հակամարտությունների Հրահանգիչ որակավորումը։

2003-2004 թվականներին սովորել և ավարտել է «British Council ELT Centre & Armenian MoD»-ը։

ՀՀ ազատ ոճի ըմբշամարտի սպորտի վարպետ է, կոչումով՝ փոխ-գնդապետ, Կազակական Զորքերի գնդապետ։ Արժանացել է Հայ-Կազակական Բարեկամության Լորիս Մելիքովի Առաջին Խաչի աստիճանին։

2005-2010 թվականներին աշխատել է «Կենտրոն» Հեռուստաընկերությունում, որպես «Մարտական Ակումբ» հաղորդման հեղինակ և մարզական մեկնաբան։

2010-2011 թվականներին աշխատել է «TV 5» Հեռուստաընկերությունում, որպես «Մարտական Ակումբ» հաղորդման հեղինակ և մարզական մեկնաբան։

2005 թվականից առ այսօր հանդիսանում է «Պրոֆեսիոնալ «ԱրմՖայթինգ» ֆեդերացիայի» նախագահը և Հայաստանի հավաքականի գլխավոր մարզիչը։ Ֆեդերացիան ղեկավարում է երկու հիմնական մարզաձևեր՝ «Մարտեր առանց կանոնների» (MMA) և գրապլինգ։

2005 թվականին ստեղծել է տարածաշրջանի առաջին «ArmFC» ընդհանուր մենամարտերի միջազգային կազմակերպությունը, և մինչ օրս անցկացրել թվով 13 միջազգային առաջնություններ և մեկ աշխարհի թիմային առաջնություն։

2006 թվականին ԱրմՖայթինգ ֆեդերացիան Բուլղարիայի Սոֆիա քաղաքում «Գրապլինգ» մարզաձևից եվրոպայի չեմպիոն պարգևեց Հայաստանի հանրապետությանը։

2010 թվականից Հայկ Ղուկասյանը մարզում է Ուկրաինայի, Վրաստանի, Գերմանիայի, Իրանի Իսլամական Հանրապետության և Կոստա Ռիկայի հատուկ նշանակության ուժային ստորաբաժանումները։

2012 թվականին ստեղծել է տարածաշրջանի երկրորդ «EmperorFC» ընդհանուր մենամարտերի միջազգային կազմակերպությունը և առ այսօր անցկացրել է թվով 6 միջազգային առաջնություն Ռուսաստանում։

2012 թվականին ԱրմՖայթինգ ֆեդերացիան «Ընդհանուր մենամարտերից» Հայաստանի հանրապետությանը պարգևեց աշխարհի առաջին հայ չեմպիոն։

2014 թվականի հունիսի 2-ից նշանակվել է ՀՀ սպորտի և երիտասարդության հարցերի նախարարի խորհրդական։ Ամուսնացած է, ունի երկու դուստր։ Բնակվում է Երևան քաղաքում։