Հակոբ Փափազյան (հայագետ)
Անվան այլ կիրառումների համար տե՛ս՝ Հակոբ Փափազյան (այլ կիրառումներ)
Հակոբ Դավթի Փափազյան (սեպտեմբերի 1, 1919, Թավրիզ, Իրան - 1997, Երևան, Հայաստան[1]), խորհրդային հայագետ, արևելագետ, պատմաբան։ Պատմական գիտությունների դոկտոր (1968), պրոֆեսոր (1972)։
Հակոբ Փափազյան | |
|---|---|
| Ծնվել է | սեպտեմբերի 1, 1919 Թավրիզ, Իրան |
| Մահացել է | 1997 Երևան, Հայաստան |
| Քաղաքացիություն |  ԽՍՀՄ և  Հայաստան |
| Մասնագիտություն | պատմաբան, արևելագետ և հայագետ |
| Հաստատություն(ներ) | ՀՀ ԳԱԱ և Մատենադարան |
| Ալմա մատեր | Երևանի պետական համալսարան (1950) |
| Կոչում | պրոֆեսոր |
| Գիտական աստիճան | պատմական գիտությունների դոկտոր (1968) |
| Տիրապետում է լեզուներին | հայերեն |
.jpg)
Կենսագրություն խմբագրել
Ավարտել է Երևանի պետական համալսարանի բանասիրական ֆակուլտետի արևելյան բաժինը (1950)։ 1954-1959 թվականներին՝ ՀԽՍՀ ԳԱ պատմության ինստիտուտի ավագ գիտաշխատող։ 1959 թվականից Երևանի Մեսրոպ Մաշտոցի անվան Մատենադարանի միջնադարյան մատենագրության և դիվանական վավերագրերի ուսումնասիրության բաժնի վարիչն է։ 1956 թվականից դասավանդել է Երևանի համալսարանում։ 1962 թվականին ընտրվել է ԽՍՀՄ ԳԱ արևելյան բնագրագիտության կենտրոնական հանձնաժողովի անդամ։ Գիտական ուսումնասիրությունները վերաբերում են XV-XVIII դարերի Արևելյան Հայաստանի սոցիալ–տնտեսական և քաղաքի պատմությանը, ազատագրական շարժմանը, հայ–իրանական հարաբերություններին, պատմական աղբյուրագիտությանը։ Հրապարակել է պարսկական, արաբական, թուրքական, պատմության վավերագրերի բնագրեր և հայերեն ու ռուսերեն, թարգմանություններ («Մատենադարանի պարսկերեն վավերագրերը», 1956-1959, 1968), Լ․ Ս․ Խաչիկյանի հետ՝ «Հովհաննես Տեր-Դավթյան Ջուղայեցու հաշվետոմարը» (1984)։ Մասնակցել է Հայ ժողովրդի պատմության ակադեմիական բազմահատորյակի ստեղծմանը։
Երկեր խմբագրել
- Օտար տիրապետությունը Արարատյան երկրում (ԺԵ-ԺԷ դարեր), Տեղեկագիր ՀԽՍՀ ԳԱ», 1960, համար 7-8, ԼՀԳ, 1973, համար 6, 1977, համար 15։
Ծանոթագրություններ խմբագրել
- ↑ «Հակոբ Փափազյան». Արխիվացված է օրիգինալից 2016 թ․ մարտի 4-ին. Վերցված է 2015 թ․ հուլիսի 15-ին.
 | Վիքիդարանն ունի նյութեր, որոնք վերաբերում են «Հակոբ Փափազյան (հայագետ)» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ 
|