Հակոբ Գ․ Հակոբյան
(Վերահղված է Հակոբ Գ. Հակոբյանից)
- Վիքիպեդիայում կան հոդվածներ Հակոբյան ազգանունով այլ մարդկանց մասին։
Հակոբ Գառնիկի Հակոբյան (օգոստոսի 1, 1956, Երևան, Հայկական ԽՍՀ, ԽՍՀՄ), Հայաստանի խորհրդարանի նախկին պատգամավոր և գործարար, տեխնիկական գիտությունների դոկտոր։
| Հակոբ Գ․ Հակոբյան | |
|---|---|
| Ծնվել է | օգոստոսի 1, 1956 (67 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Կրթություն | ՀԱՊՀ |
| Մասնագիտություն | քաղաքական գործիչ |
| Զբաղեցրած պաշտոններ | Հայաստանի Ազգային ժողովի պատգամավոր |
Կենսագրություն խմբագրել
- 1975 թվականին ավարտել է Երևանի սննդի արդյունաբերության տեխնիկական դպրոցը։
- 1984 թվականին ավարտել է Երևանի Կարլ Մարքսի անվան պոլիտեխնիկական ինստիտուտը՝ ջերմաէներգիայի ինժեների որակավորմամբ։
- 1975 - 1977 թթ. ծառայել է խորհրդային բանակում։
- 1974 - 1975 և 1977 - 1983 թվականներին եղել է մեքենավար։
- 1983 - 1988 թվականներին եղել է սառնարանային և կոմպրեսորային խանութի ավագ վարիչ, խանութի վարիչ։
- 1988 - 1997 թվականներին եղել է գլխավոր ինժեներ։
- 1997 - 2000 թվականներին եղել է «Երևանի Գարեջուր» ՓԲԸ տեխնիկական հարցերի տնօրեն։
- 2000 - 2003 թվականներին նույն գործարանի տնօրեն, 2003 - 2007 թվականներին ՝ «Երևանի Գարեջուր» ՓԲԸ գլխավոր տնօրեն։
- 2004 թվականին ստացել է տեխնիկական գիտությունների թեկնածուի գիտական աստիճան։
- 2007 թվականի հունիսի 12-ին Հայաստանի Ազգային ժողովի պատգամավոր է ընտրվել թիվ 42 ընտրատարածքից։
- 2012 թվականի մայիսի 6-ին ԱԺ պատգամավոր է ընտրվել թիվ 41 ընտրատարածքից, ՀՀԿ անդամ։
- 2010 թվականից Հայաստանի ճարտարագիտական ակադեմիայի թղթակից անդամ է։
- 2011 թվականից Ինժեներների միջազգային ակադեմիայի թղթակից անդամ է։
- 2018 թվականին մայիսի 31-ից ԱԺ պատգամավոր է ընտրվել ՀՀԿ ռեյտինգային ցուցակով Տավուշի մարզից՝ փոխարինելով Գրիգոր Ավալյանին։
- 2021 թվականին պաշտպանել է գիտական թեզը, ստացել տեխնիկական գիտությունների դոկտորի աստիճան։