Հակոբջան Ղարիբջանյան
Հակոբջան Ալեքսանդրի Ղարիբջանյան (փետրվարի 1 (14), 1902[1], Բահարլու, Սուրմալուի գավառ, Երևանի նահանգ, Ռուսական կայսրություն[1] - դեկտեմբերի 5, 1987, Երևան, Հայկական ԽՍՀ, ԽՍՀՄ), հայ նկարիչ, վերականգնող։
Հակոբջան Ղարիբջանյան | |
|---|---|
| Ծնվել է | փետրվարի 1 (14), 1902[1] |
| Ծննդավայր | Բահարլու, Սուրմալուի գավառ, Երևանի նահանգ, Ռուսական կայսրություն[1] |
| Վախճանվել է | դեկտեմբերի 5, 1987 (85 տարեկան) |
| Մահվան վայր | Երևան, Հայկական ԽՍՀ, ԽՍՀՄ |
| Քաղաքացիություն |  Ռուսական կայսրություն և  ԽՍՀՄ |
| Կրթություն | Թբիլիսիի գեղարվեստի ակադեմիա (1929)[1] |
| Մասնագիտություն | նկարիչ և վերականգնող |
Կենսագրություն
խմբագրել1922-1929 թվականներին սովորել է Թիֆլիսի գեղարվեստի ակադեմիայում։ 1928-1931 թվականներին դասավանդել է Թիֆլիսի Հայարտանը։ 1928 թվականից մասնակցել է ցուցահանդեսների։ 1934-1935 թվականներին որպես վերականգնող աշխատել է Տրետյակովյան պատկերասրահում, Պուշկինի անվան թանգարանում, 1935-1939 թվականներին` Երևանի պետական պատկերասրահում[2]։ 1934 թվականից Ղարիբջանյանը վերականգնման աշխատանքներ է կատարել Երևանի, Թբիլիսիի և Մոսկվայի թանգարաններում։ Գործերի մի մասը պահվում է Երևանում (Ելենա Խուդոյանի հավաքածու)։ Աշխատանքներից գտնվում են Հայաստանի ազգային պատկերասրահում[3]։
Ստեղծագործական գործունեություն
խմբագրելՂարիբջանյանի դիմանկարներին, բնանկարներին ու կոմպոզիցիոն պատկերներին բնորոշ են կառուցիկ գունապլաստիկան, արդիականությունը` «Վիրահատություն, 1928, «Կարբիդի գործարանը։ Երևան», 1933։ Ջրաներկ աշխատանքներից են՝
- «Վեզալիա», 1933-1935
- «Աղջիկը, մանյակը և հայելին», 1943
- «Մայր իմ անուշ ու անգին», 1977
- «Ներսես Շնորհալի», 1978
Ծանոթագրություններ
խմբագրել- ↑ 1,0 1,1 1,2 1,3 1,4 1,5 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
- ↑ Հակոբջան Ղարիբջանյանի աշխատանքները ՀԱՊ-ում
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 32)։ 
|