Կրակովի հնագիտական թանգարան

Կրակովի հնագիտական թանգարան
Տեսակ	հնաբանական թանգարան
Երկիր	Լեհաստան
Տեղագրություն	Կրակով
Հիմնադրվել է	1850
Կայք	ma.krakow.pl(լեհ.)

Կրակովի հնագիտական թանգարան (լեհ.՝ Muzeum Archeologiczne w Krakowie), պատմական թանգարան Կրակովում, Փոքրլեհական վոյեվոդությունում, Լեհաստանում։ Հիմնադրվել է 1850 թվականին։

ՊատմությունԽմբագրել

Կրակովի հնագիտական թանգարանը ամենահին ճարտարապետական թանգարանն է Լեհաստանում։

Այն Լեհաստանի բաժանումների ժամանակ հիմնադրվել է որպես Հնագիտական իրերի թանգարան` Կրակովի գիտական ասոցացիային (Towarzystwo Naukowe Krakowskie, TNK) մտավորականների և ակադեմիկոսների մի խմբի կողմից։ Ավստրիայի օտարերկրյա կառավարությունն արգելել է լեհական հայրենասիրական կազմակերպությունների գոյությունը, բացառությամբ այնպիսի ուսումնական հաստատությունների, ինչպիսին է TNK-ն, վերջինս իր հերթին, թանգարան դարձրել է լեհական սոցիալ-մշակութային կենտրոն։ Թանգարանի հիմնադրամը հովանավորել է TNK ընկերությունը, որը Կրակովում գոյություն է ունեցել 1816 թվականից։ 1848 թվականին այն ստեղծել է արվեստի և հնագիտության իր սեփական բաժինը^[1]։

Հիմնադրման պայմանագիրը ստորագրվել է 1850 թվականի փետրվարի 18-ին. այն ստորագրել են այնպիսի հայտնի մարդիկ ինչպիսիք են Ջագիենյոնիայի գրադարանի տնօրեն Ժոզեֆ Մուցզկովսկին, Կարոլ Կրեմերը, Վինցենտի Պոլը, Տեոֆիլ Զեբրաուսկին։ Մի շարք փաստաթղթեր, այդ թվում և թանգարանի առաքելության հավաստագիրը, գրվել է վարչակազմի համար` ընդգծելով հնագիտական նյութերը պահպանելու թանգարանի առաջնահերթությունը։ Թանգարանի առաջին ցուցահանդեսը բացվել է 1857 թվականին, Լոբոմիրյան պալատում, Յանա փողոց, 17 հասցեում։ Հավաքածուն հիմնականում կազմված է մի շարք հայտնի լեհական ընտանիքների նվիրատվություններից, որոնցից է նաև թանգարանի խորհրդանիշ Զբրուչ կուռքը։

Թանգարանը բաժանված է հինգ հիմնական մշտական ցուցադրությունների՝ Հին Եգիպտոսի աստվածներ, նախապատմական կերամիկա, կերամիկայի այգի, Փոքր Լեհաստանի նախապատմական և վաղ միջնադարյան շրջան, ինչպես նաև` Բրոնոցիցի կառքեր։