Կոստրոմա, քաղաք, Ռուսաստանի Կոստրոմայի մարզի կենտրոնը։ Գտնվում է Վոլգայի ափին, Մոսկվայից 330 կմ հեռավորության վրա։ Նավահանգիստ է, երկաթուղային կայարան։ 277 հազար բնակչություն (2021 թվական)։ Վուշավերամշակման խոշորագույն կենտրոն է։

Քաղաք
ռուս.՝ Кострома
Դրոշ Զինանշան

ԵրկիրՌուսաստան Ռուսաստան
ՄարզԿոստրոմայի մարզ
Հիմնադրված է1152 թ.
Առաջին հիշատակում1213
Մակերես144,5 կմ²
ԲԾՄ110 մետր
Բնակչություն277 393 մարդ (հունվարի 1, 2021)[1]
Ժամային գոտիUTC+3
Հեռախոսային կոդ4942
Փոստային դասիչ156000–156029
Պաշտոնական կայքgradkostroma.ru(ռուս.)
Կոստրոմա (Ռուսաստան)##
Կոստրոմա (Ռուսաստան)

Կան մեքենաշինական, փայտամշակման, վուշի, տեքստիլ և այլ ձեռնարկություններ, ՋԷԿ, ՊՇԷԿ (40 կմ հարավարևելյան), տեխնոլոգիական, գյուղատնտեսական, մանկավարժական ինստիտուտներ, միջնակարգ մասնագիտական ուսումնական հաստատություններ, վուշի արդյունաբերության գիտահետազոտական ինստիտուտներ, դրամատիկական և տիկնիկային թատրոններ։ Կոստրոմայում պահպանված ճարտարապետական հուշարձաններից են՝ Հայտնության մենաստանը (XVI դ.)՝ քարե պարիսպներով, աշտարակներով (XVI —XVII դդ.), Սուրբ Երրորդության տաճարով (1650-1652 թվականներ), զանգակատնով (1603-1605 թվականներ) և այլ կառույցներով Իպատևսկի մենաստանը (այժմ՝ փայտի ճարտարապետության թանգարան-արգելանոց), XVII դարի եկեղեցիներ։ 1781-1784 թվականների հատակագծով Կոստրոման կառուցապատվել է կլասիցիզմի ոճի շենքերով։ Խորհրդային ժամանակաշրջանում կառուցվել են բնակելի միկրոշրջաններ, կանգնեցվել են Վ. Ի. Լենինի (բրոնզ, գրանիտ, 1927 թվական, քանդակագործ՝ Մ. Ֆ. Լիստոպադ և ուրիշներ), Իվան Մուսանինի (գրանիտ, 1967, քանդակագործ՝ Ն. Ա. Լավինսկի և ուրիշներ) հուշարձանները։ Առաջին անգամ հիշատակվում է 1213 թվականին։ 1977 թվականին Կոստրոման պարգևատրվել է Հոկտեմբերյան հեղափոխության շքանշանով։

Ծանոթագրություններ խմբագրել

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 624