Կոպալ

Կոպալ (իսպ.՝ copal-խեժ, ձյութ), բրածո բնական ձյութ։ Հիմնականում կազմված են ձյութային թթուներից։ Աչքի են ընկնում մեծ կարծրությամբ, հալման բարձր ջերմաստիճանով (մինչև 360 °C և ավելի), քիմիական կայունությամբ։ Խտությունը՝ 1, 03-1, 07 գ/սմ³։ Կոպալները տարագույն են՝ անգույնից մինչև շագանակագույն։ Անվանումը հաճախ տրվում է հանույթի վայրի անունով, օրինակ, զանզիբար, մոզամբիկ, անգոլա, բոռնեո, բրազիլական կոպալ և այն։ Լայնորեն կիրառվում էին լաքերի արտադրության մեջ։ Սինթետիկ ձյութերի երևան գալով կորցրել են իրենց նշանակությունը։

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Կոպալ կատեգորիայում։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 596)։