Կոլրաբի
| Կոլրաբի | ||
|---|---|---|
| Գիտական դասակարգում | ||
|
||
| Լատիներեն անվանում | ||
| Brassica oleracea var. gongylodes
| ||
|
|
Կոլրաբի (լատ.՝ Brassica oleracea var. gongylodes), երկամյա, սննդային խոտաբույս. բանջարանոցային կաղամբի բուսաբանական տարատեսակը, պատկանում է կաղամբի ընտանիքին, տեսակը՝ կաղամբ (Brassica) :
ՁևաբանությունԽմբագրել
Բանջարեղենի անվանումը կարելի է թարգմանել որպես «կաղամբ-շաղգամ», առաջացել է գերմ.՝ Kohlrabi, Kohl «կաղամբ» և Rübe «շաղգամ»։ Իտալական անվանումն է cavolo rapa:
Տարածում և էկոլոգիաԽմբագրել
Հայրենիքը համարվում է Միջերկրական ծովի արևելքը։ Նրա մշակումը հայտնի է Հին Հռոմի ժամանակներից։
Բուսաբանական նկարագրությունըԽմբագրել
Տերևները մեծ են, ձգված, մուգ կանաչ գույնի, ավելի լավ է հարմարեցված սառը կլիմային, ցողունն ավելի արագ է ձևավորվում, քան կաղամբի գլուխը։
Նշանակություն և օգտագործումԽմբագրել
Կոլրաբիի ուտելի մասը՝ ցողունը, որը վերերկրյա մասում ստանում է գնդաձև կամ շաղգամաձև ֆորմա։ Հանդիսանում է արժեքավոր դիետիկ մթերք, միջուկը հարուստ է գլյուկոզայով, պտղաշաքարով, կալիումի աղերով, В1, В2, РР վիտամիններով։ Վիտամին С-ի պարունակությամբ կոլրաբին գերազանցում է կիտրոնին և նարինջին։
Համը նման է կաղամբի կուրծին, բայց ավելի հյութեղ, քաղցր, առանց կծվության, որը հատուկ է սպիտակագլուխ կաղամբին։
Կոլրաբին կարելի է ուտել հում, եփած և տապակած վիճակում։ Ամենահասարակ օգտագործման եղանակն է` գործածել ինչպես կարտոֆիլը:Կարելի է նաև չորացնել:Դրա համար լավ լվանալ, մաքրել կեղևից և կտրատել մանր ձողիկների, 2-4 րոպեով գցել եռման ջրի մեջ, այնուհետև զովացնել սառը ջրում, ցամաքեցնել սրբիչով և դնել չորանալու։