Կոլիբիա Կուկի
Կոլիբիա Կուկի (լատին․՝ Collybia cookei),Tricholomataceae ընտանիքին պատկանող սունկ, որը գրանցված է Հայաստանի Կարմիր գրքում։
| Կոլիբիա Կուկի | ||||||||
|---|---|---|---|---|---|---|---|---|
| Գիտական դասակարգում | ||||||||
|
||||||||
| Լատիներեն անվանում | ||||||||
| Collybia cookei
|
Նկարագրություն
խմբագրել0,5-1,5 սմ տրամագծով, փռված, փոքր թմբիկով, սպիտակ գլխարկը շատ փոքր է։ Ոտիկին կպած թիթեղները նեղ են, սպիտակ։ Թելանման, կարճ ոտիկը աճում է սկլերոցիումի միջից։ Վառ գունավորված նարնջադեղնավուն սկլերոցիումները խոշոր են և առաջանում են թիթեղավոր սնկերի չորացած պտղամարմինների մնացորդների վրա։ Սպորափոշին սպիտակ է, իսկ սպորները՝ 4-5 × 2,5 մկմ և անգույն[1]։
Տարածվածություն
խմբագրելԸնդհանուր արեալը ենդգրկում է Եվրոպան, Ասիան, Հյուսիսային Ամերիկան, Հարավային Կովկասը (Ադրբեջան, Հայաստան)։ Հայաստանում հայտնաբերված է Զանգեզուրի ֆլորիստիկական շրջանում՝ Գորիս-Շուրնուխ ճանապարհին, կաղնու-բոխու անտառներում, Pholiotina appendiculata սնկի սկլերոցիումների և պտղամարմինների վրա և Գորիսի շրջակայքի սոճուտներում Agaricales կարգի ներկայացուցիչների վրա[1]։
Էկոլոգիա
խմբագրելԱրեալը նեղ է և սահմանափակ։ Հանդիպում են խմբերով թիթեղավոր սնկերի պտղամարմինների մնացորդների, փռոցաշերտի, հողի, գլխարկավոր սնկերի փտած կամ չորացած պտղամարմինների վրա, սեպտեմբեր ամսին։ Փռոցաշերտային, հումուսային սապրոտրոֆ կամ միկոֆիլ է[1]։
Պահպանություն
խմբագրելՎտանգված տեսակ է[1]։
Ծանոթագրություններ
խմբագրել- ↑ 1,0 1,1 1,2 1,3 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.
 | Վիքիպահեստն ունի նյութեր, որոնք վերաբերում են «Կոլիբիա Կուկի» հոդվածին։ |