Կիլլարնիի Շուշանը
Կիլլարնիի Շուշանը, Հուլիոս Բենետիկտի հեղինակած երեք գործողությամբ օպերա։ Ջոն Օքսենֆորդի և Դայեն Բուսիկոյի կողմից գրված լիբրետոն հիմնված է Բուսիկոյի The Colleen Bawn պիեսի վրա։ Պրեմիերան կայացել է 1862 թվականի փետրվարի 10-ին՝ Լոնդոնի Կովենտ գարդեն արքունական թատրոնում[1]:
Տեսակ | դրամատիկ-երաժշտական ստեղծագործություն |
---|
Նախապատմություն խմբագրել
«Կիլլարնիի Շուշանը» դարձել է Բենետիկտի օպերաներից ամենաշատ բեմադրվածը։ Կապված է Բալֆի «Բոհեմական աղջիկը» և Ուոլասի «Մարիտանայի»[2][3] հետ։ Իռլանդական բառակապակցության համոզիչ գործածումը հետաքրքիր է՝ հաշվի առնելով Բենետիկտի գերմանահրեական ծագումը։ Օպերայի երգերի մի մասը պահպանվել է երգացանկում։ Օպերան հիշատակվում է Ջեյմս Ջոյսի «Ուլիսես» վեպում[4] և Ջունա Բարնսի «Նայթվուդ» վեպում[5]։
Դերեր խմբագրել
Դեր | Ձայնի տեսակ | Պրեմերիա, 10 փետրվարի 1862 թ.
(Դիրիժոր՝ Ալֆրեդ Մելոն) |
---|---|---|
Էլլի Օ՛Քոնոր | սոպրանո | Լուիզա Փայն |
Էնն Շութ | սոպրանո | Ջեսի Մքլին |
Պարոն Քորիգան | բաս | Յուջին Դյուսեկ |
Թոմի հայրը | բարիտոն | Ջոն Ջորջ Պաթի |
Հադրիս Քրիգան | տենոր | Հենրի Հայ[6] |
Տիկին Քրիգան | կոնտրալտո | Սուսաննա Փայն |
Դաննի Ման | բարիտոն | Սենթլի Չարլզ |
Մայլս նա Քոպպալին | տենոր | Ուիլիամ Հարրիսոն |
Համառոտ տեղեկություն խմբագրել
Նկարագրվում է 18-րդ դարի Կիլլարնին։ Քրեգանը գաղտնի ամուսնացել է Էյլիի հետ։ Քորիգանը սպառնում է վտարել Քրեգանին և նրա մորը, որոնք իրենց հողերը գրավադրել են իր մոտ, եթե վերջինս չամուսնանա ժառանգորդուհի Էնն Շութի հետ։ Քրեգանի ընկերը՝ Դանին, առաջարկում է հարցը լուծել՝ Էյլիին սպանելով։ Քրեգանը մերժում է, սակայն Դանիին համոզում է բանից անտեղյակ տիկին Քրեգանին ազդանշան տալ Էյլիի մահվան համար։ Բայց նախքան Էյլին սպանելը՝ որսի դուրս եկած Մայլզը կրակում է իր՝ Դանիի վրա։ Քրեգանը պատրաստվում է ամուսնանալ Էննիի հետ, բայց Քորիգանը ժամանում և ձերբակալում է նրան՝ Էյլիի մահը պլանավորելու համար։ Մայլսը հրապարակում է Դանիի խոստովանությունը, Քրեգանը ճանաչում է Էյլիին, իսկ Էննը (ամենանահավանական ձևով) ձեռնամուխ է լինում Քրեգանի պարտքերը մարելուն։
Աղբյուրներ խմբագրել
- Նայջել Բարտոն,«Կիլլարնիի Շուշանը» Գրոուվի երաժշտական բառարանում
- Վիկինգ օպերայի ուղեցույցը Հոլդեն խմբում (Վիկինգ, 1993)
Ծանոթագրություններ խմբագրել
- ↑ The date of 8 February often given was in fact the premiere of Balfe's The Puritan's Daughter; Benedict's opera followed on Monday 10th (Grove Music Online)
- ↑ Burton, GMO
- ↑ Seamus Reilly, James Joyce and Dublin Opera: 1888–1904, p. 6, in Bronze by Gold, the Music of Joyce, edited by Sebastian D. G. Knowles, Garland Publishing
- ↑ "Ulysses by James Joyce: The Lily of Killarney" Արխիվացված 2016-03-03 Wayback Machine, accessed 29 June 2009
- ↑ [1], accessed 27 June 2011
- ↑ See "The moon has raised her lamp above" : duet "sung by Mr Haigh [Hardress Cregan] & Mr Santley [Danny Mann]" – published by Orpheus Music Company c.1875