Կարինե Սիրադեղյան
Կարինե Իսմայիլի Սիրադեղյան (մայիսի 22, 1970, Կիրովական, Հայկական ԽՍՀ, ԽՍՀՄ), հայ բանաստեղծ, երաժիշտ, գրքերի ձևավորող, ճարտարագետ և դասախոս[1][2]։ Կվինտա գրական նոր ժանրի հիմնադիր։
Կարինե Սիրադեղյան | |
|---|---|
 | |
| Ծնվել է | մայիսի 22, 1970 (54 տարեկան) |
| Ծննդավայր | Կիրովական, Հայկական ԽՍՀ, ԽՍՀՄ |
| Գրական անուն | ԹԿՍԻրադեղյան |
| Մասնագիտություն | բանաստեղծուհի |
| Քաղաքացիություն | հայ |
| Կրթություն | ՀԱՊՀ |
| Ժանրեր | Չափածո և արձակ |
| Ուշագրավ աշխատանքներ | Կվինտա |
| Աշխատավայր | Վանաձորի պետական համալսարան |
| Զավակներ | Էդուարդ Հակոբյան |
| Ազգականներ | Վանո Սիրադեղյան |
2003 թվականից Համալսարանական կրթությամբ կանանց ասոցիացիայի (ՀԿԿԱ) Վանաձորի մասնաճյուղի անդամ[3], 2014 թվականից նախագահի տեղակալ[4][5]։
2011 թվականին լույս է տեսել Կարինե Սիրադեղյանի «Ժամանակից պոկված ակնթարթներ» բանաստեղծությունների ժողովածուն՝ իր գեղանկարների ձևավորմամբ։
2023 թվականին լույս է տեսել նրա «Ապրիր ծափերում» կվինտաներ գիրքը[6]։
Կենսագրություն
խմբագրելԿարինե Սիրադեղյանը ծնվել է Լոռու մարզի Կիրովական՝ այժմ Վանաձոր քաղաքում։ Սովորել է թիվ 3 միջնակարգ դպրոցում[7]։ 1987-1992 թվականներին սովորել է Երևանի պոլիտեխնիկական ինստիտուտի «Էլեկտրոնային հաշվիչ մեքենաներ» մասնագիտությունը՝ գերազանցությամբ։ Երաժշտական կրթություն է ստացել Վանաձորի Շարա Տալյանի անվանի թիվ 2 երաժշտական դպրոցում՝ քանոն մասնագիտությամբ։
1998 թվականից մինչ այժմ դասավանդում է Վանաձորի պետական համալսարանում՝ Ինֆորմատիկա, Համակարգչային գրաֆիկա, Կիրառական տեղեկատվական տեխնոլոգիաները ըստ ոլորտի, Համակարգչային լեզուներ, ԷՀՄ ճարտարապետություն, Տվյալների հենքեր, Կիրառական խնդիրների լուծումը համակարգչով, Տնտեսամաթեմատիկական մոդելավորում[1]։ Էրազմուս+ «Համալսարան-տնտեսություն կապի հաստատումը Մոլդովայի, Վրաստանի և Հայաստանի ուսանողների խելամիտ ձեռներեցային համագործակցության և մրցունակության միջոցով» (CONNECT) նախագծի շրջանակներում իրականացրել է ՎՊՀ-ում հիմնադրվող ձեռներեցության և նորարարության զարգացման կենտրոնի (Smart Cafe) հանրային հաղորդակցմանը և ինքնարտահայտման հմտություններին նվիրված ամփոփ դասընթացներ՝ երեք փուլով[8]։ ՎՊՀ-ին զուգահեռ դասավանդել է նաև Վանաձորի թիվ 4 դպրոցում, Վանաձորի պետական համալսարանի քոլեջում, Վանաձորի պետական բժշկական քոլեջում։
Կազմակերպել է Կերպարվեստի բաժնի ուսանողների աշխատանքների «Համակարգչային գրաֆիկա» ցուցահանդեսներ՝ «1988թ. երկրաշարժ», «Հայկական գարուն…», «Աշուն» թեմաներով։
Հրապարակումներ
խմբագրել- 2001 թվական՝ Բանաստեղծություններ «Ապագա մանկավարժ»[9],
- 2002 թվական՝ «Անհրաժեշտ է իմանալ» կարծիք, «Սպեղանի» Վանաձորի պետական բժշկական քոլեջի ամսագիր,
- 2003 թվական՝ «Համակարգչային օպերատորային գործի հիմունքներ» առարկայի ուսումնամեթոդական ուղեցույց
- Գիտական և գիտամեթոդական թվով 24-ից ավելի հոդվածներ՝ 10-ը հանրապետական միջազգային գիտաժողովների մասնակցությամբ,
- Գենդերային հիմնահարցերին վերաբերող 4 հոդված,
- 2009 թվական՝ Բանաստեղծություններ «Ապագա մանկավարժ»,
- 2003 թվական՝ Քառյակներ «Ապագա մանկավարժ»,
- 2005 թվական՝ Խաղիկներ «Ապագա մանկավարժ»,
- 2011 թվական՝ «Ժամանակից պոկված ակնթարթներ» բանաստեղծությունների ժողովածու,
- 2019 թվական՝ «Խաչմերուկ կամ դրվագ Թագուհու կյանքից» պատմվածք[10],
- 2021 թվական՝ «Կյանքի այլ համակարգում» պատմվածք,
- 2023 թվական՝ «Երկունք» ՀԳՄ Լոռու մարզային բաժանմունքի պարբերաթերթ,
Կարծիք
խմբագրել
|
Կարինե Իսմայիլի Սիրադեղյան Ստեղծագործում է թե՛ չափածո, թե՛ արձակ։ Դժվար է ասել՝ որն է առավել հաջողվում, քանի որ երկու դեպքում էլ գործ ունենք գրողական այնպիսի անկեղծ ու բնական վիճակների, ապրումների այնպիսի մաքրության հետ, որ ձևը դառնում է անկարևոր։ Կարինեի գրչին հատուկ բնականությունը լավագույնս արտահայտված է նաև, ստորև ներկայացված պատումում, որ ոչ միայն գրողի, այլև զավակի ու դստեր անսահման նվիրումի տուրք է առ ծնող և հայր[11]։ - Գրականագետ՝ Լևոն Սարգսյան[12]
|
|
Պարգևներ
խմբագրել- ՎՊՄԻ հիմնադրման 40-ամյակի կապակցությամբ, ինստիտուտի 40-ամյա տարելիցի անցկացման աշխատանքներին ակտիվորեն մասնակցելու համար
- Ծննդյան 40-ամյակի կապակցությամբ և Երկարամյա գիտամանկավարժական գործունեության համար։
- Համալսարանական կրթությամբ կանանց ասոցիացիայի 15-ամյակի առթիվ և քաղաքացիական հասարակության կայացման գործընթացին ակտիվ մասնակցության համար
Ծանոթագրություններ
խմբագրել- ↑ 1,0 1,1 «Կարինե Սիրադեղյան կենսագրություն» (PDF).
- ↑ «Կյանքի այլ համակարգում». Երկունք: 2. 2021 թվական հուլիս.
- ↑ Կանանց քաղաքական մասնակցություն (2019 թվական). Նոր հնարավորություններ և մարտահրավերներ. էջ 72.
- ↑ Համալասարանական կրթությամբ կանայք, Համար 37 (2009 թվական,). Ասոցիացիայի մասնաճյուղերի գործունեությունը Լոռու մարզում. էջեր 32–33.
{{cite book}}: CS1 սպաս․ թվային անուններ: authors list (link) CS1 սպաս․ հավելյալ կետադրություն (link) - ↑ Համալասարանական կրթությամբ կանայք, Համար 34 (2011 թվական, հունվար). Ասոցիացիայի մասնաճյուղերի գործունեությունը Լոռու մարզում. էջ 46.
{{cite book}}: CS1 սպաս․ թվային անուններ: authors list (link) - ↑ Կ, Սիրադեղյան. «Կվինտաներ». Երկունք: 2–3.
- ↑ Սիրադեղյան, Կ (2011 թվական). Ժամանակակից պոկված ակնթարթներ. էջեր 1–2.
- ↑ «Ուսումնական այց Ռումինիա՝ Թատրոնի և կինոյի ազգային համալսարան — vsu». Վերցված է 2024 թ․ հունիսի 21-ին.
- ↑ Ապագա մանկավարժ (2001 թվական). Ստեղծագործում են ՎՊՄԻ դասախոսները. Թիվ 4, 29 պարբերաթերթ. էջ 3.
- ↑ Հայոց գրադարան (2019 թվական). «Խաչմերուկ կամ դրվագ Թագուհու կյանքից». Մաշտոց, գիրք 80. էջեր Մ-Ն.
- ↑ Հայոց գրադարան (2019 թվական). «Խաչմերուկ կամ դրվագ Թագուհու կյանքից». Մաշտոց, գիրք 80. էջեր Մ.
- ↑ https://granish.org/authors/sargsyan-levon/?fbclid=IwZXh0bgNhZW0CMTAAAR2sRA3hx-sXrJ_k233cShTDyz0uUEr4h45AWVH-V4zA5oTkEmcvwHSvpG4_aem_N2sTkfpuYc149_Nq1Vhjxg