Կարեն Մնացականյան

Կարեն Մնացականյան (մարտի 3, 1977(1977-03-03), Երևան, Հայկական ԽՍՀ, ԽՍՀՄ), հունահռոմեական ոճի հայ ըմբիշ, Եվրոպայի կրկնակի չեմպիոն, աշխարհի առաջնության մեդալակիր, 2000 և 2008 թվականների Ամառային օլիմպիական խաղերի մասնակից։

Կարեն Մնացականյան
Անձնական տեղեկություն
Սեռ՝	արական
Մասնագիտացում՝	ըմբիշ
Երկիր՝	Հայաստան
Ծննդյան ամսաթիվ՝	մարտի 3, 1977(1977-03-03) (47 տարեկան)
Ծննդավայր՝	Երևան, Հայկական ԽՍՀ, ԽՍՀՄ
170 սանտիմետր
Քաշ՝	60 կիլոգրամ
Պարգևներ Հունահռոմեական ըմբշամարտ Ներկայացնում էր՝  Հայաստան Աշխարհի առաջնություն Արծաթ Պատրաս 2001 մինչև 58 կգ ԵՎրոպայի առաջնություն Ոսկի Կոուվոլա 1997 մինչև 58 կգ Բրոնզ Սոֆիա 1999 մինչև 58 կգ Ոսկի Մոսկվա 2006 մինչև 60 կգ

Կենսագրություն

Կարեն Մնացականյանը ըմբշամարտով սկսել է զբաղվել դեռահաս տարիքում 1988 թվականից՝ հատուկ ուշադրություն դարձնելով հունահռոմեական ոճին։ Չափահաս դառնալուց հետո զորակոչվել է բանակ և դարձել «Դինամո Երևան» մարզական ակումբի անդամ։ Նրան մարզել են հիմնականում Գեորգի Կոժարյանը և Սամվել Գևորգյանը։ Ավելի ուշ վերապատրաստվել է Երևանի սպորտային գիտությունների ինստիտուտում։

Կարենը մասնակցել է ըմբշամարտի մի շարք միջազգային մրցաշարերի՝ սկսած պատանեկան տարիքից։

1997 թվականին Կարեն Մնացականյանը մեծահասակների մակարդակում իր առաջին իսկ մեկնարկին նվաճել է Եվրոպայի չեմպիոնական տիտղոսը։ Մեկ ամիս անց Ստամբուլում նա կրկին դարձել է Եվրոպայի պատանիների չեմպիոն մինչև 60 կգ քաշային կարգում։

1999 թվականին Սոֆիայում կայացած Եվրոպայի առաջնությունում Կարեն Մնացականյանը բրոնզե մեդալ է նվաճել թեթևագույն քաշային կարգում՝ կիսաեզրափակչում պարտություն կրելով Ռուսաստանի ներկայացուցիչ Վալերի Նիկոնորովից։ 1999 թվականին Աթենքում կայացած աշխարհի առաջնությունում երկու հաղթած մենամարտերից հետո պարտվել է Հարավային Կորեայի ներկայացուցիչ Կիմ Ին-Սոպին՝ արդյունքում զբաղեցնելով 15-րդ տեղը։

2000 թվականին կարողացել է որակավորվել Սիդնեյի Օլիմպիական խաղերին մասնակցելու համար։ Սակայն Սիդնեյում թեթևագույն քաշային կարգում պարտվել է իր մասնակցած երկու մենամարտերում՝ մասնավորապես պարտություն կրելով Բելառուսի ներկայացուցիչ Իգոր Պետրենկոյից և ԱՄՆ-ն ներկայացնող Ջեյմս Գրունվալդից։ Արդյունքում զբաղեցրել է 15-րդ տեղը։

2001 թվականին Ստամբուլում կայացած Եվրոպայի առաջնությունում զբաղեցրած 9-րդ տեղից հետո Կարեն Մնացականյանը մեծ հաջողությունների է հասել նույն թվականին Պատրասում կայացած աշխարհի առաջնությունում։ Այնտեղ նա հաղթել է Նորբերտ Ֆուտոյին, Յուրի Էստևասին, Կան Են Իրին, ինչպես նաև օլիմպիական և աշխարհի բազմակի չեմպիոն Արմեն Նազարյանին՝ Բուլղարիան ներկայացնող իր հայրենակցին։ Այսպիսով, եզրափակչում նա հանդիպել Է Ուզբեկստանից Դիլշոդ Արիպովի հետ, սակայն այդ մենամարտում պարտվել է 3-6 հաշվով՝ դառնալով աշխարհի փոխչեմպիոն։

Կարեն Մնացականյանը չի կարողացել որակավորվել 2004 թվականի Աթենքի Օլիմպիական խաղերին, բայց 2006 թվականին կրկին մեծ հաջողությունների է հասել։ Մոսկվայում նա երկրորդ անգամ դարձել է Եվրոպայի չեմպիոն։

2008 թվականին կրկին կարողացել է որակավորվել Օլիմպիական խաղերի համար։ Այնուամենայնիվ, Պեկինում իր առաջին մենամարտում պարտվել է Ճապոնիայից Մակոտո Սասամոտոյին և դուրս մնացել մրցաշարից՝ զբաղեցնելով 17-րդ տեղը։