Կատարինա Բուլատովիչ

Կատարինա «Կաչա» Բուլատովիչ (սերբ.՝ Katarina «Kaća» Bulatović / Катарина «Каћа» Булатовић, ծնվել է՝ 15 նոյեմբերի, 1984, Կրագուևաց), չեռնոգորացի հանդբոլիստ, ռումինական «Օլտկիմ Ռիմնիկու Վիլչա» ակումբի ու Չեռնոգորիայի հավաքականի խաղացող։ 2012 թվականի Ամառային Օլիմպիական խաղերի արծաթե մեդալակիր է և Եվրոպայի չեմպիոն (2012 թվական)։

Կատարինա «Կաչա» Բուլատովիչ
Katarina Bulatovic London 2012 Olympics.jpg
Անձնական տեղեկություն
Սեռ՝իգական
Մականուն(ներ)՝Kaća
Ազգություն՝չեռնոգորացի
Մասնագիտացում՝հանդբոլիստ
Երկիր՝Flag of Montenegro.svg Չեռնոգորիա
Ծննդյան ամսաթիվ՝նոյեմբերի 15, 1984 (36 տարեկան)
Ծննդավայր՝Կրագուևաց, Սերբիայի Սոցիալիստական Հանրապետություն, ՀՍՖՀ

ԿարիերաԽմբագրել

ԱկումբայինԽմբագրել

2001 թվականից մինչ 2005 թվականը հանդես է եկել «Կնյազ Միլոշ» ակումբի կազմում[1]։ Հաջորդ մրցաշրջանն անցկացրել է Բելգրադի «Լաստա» ակումբի կազմում՝ մասնակցելով Եվրոպայի Հանդբոլի ֆեդերացիայի գավաթի առաջնությանը[2]։ 2006 թվականի ամռանն անցել է Առաջին լիգայի դանիական «Սլագելսե» ակումբ[3], որի կազմում հաղթել է Դանիայի 2007 թվականի առաջնությունում ու Եվրոպայի հանդբոլի ֆեդերացիայի Չեմպիոնների լիգայում։ 2007/2008 մրցաշրջանի ավարտին անցել է «Բուդուչնոստ» ակումբ[4], որի կազմում 2010 թվականին հաղթել է Գավաթակիրների գավաթի առաջնությունում, իսկ 2012 թվականին՝ Չեմպիոնների լիգայում (2009 թվականից մինչ 2012 թվականներին դարձել է Չեռնոգորիայի չեմպիոն ու Չեռնոգորիայի գավաթի առաջնության հաղթող)։ 2012 թվականի ամռանը մեկնել է Ռումինիա և հանդես է գալիս «Օլտկիմ Ռիմնիկու Վիլչա» ակումբի կազմում[5]։ Չեմպիոնների լիգայի 2010/2011 և 2011/2012 մրցաշրջաններում երրորդ տեղն է գրավել ռմբարկուների շաքում[6][7]։

Հավաքականի կազմումԽմբագրել

Չեռնոգորիայի հավաքականի կազմում անկացրել է 32 խաղ և խփել 195 գոլ[8]։ Դարձել է 2012 թվականի Ամառային Օլիմպիական խաղերի արծաթե մեդալակիր[9], արժանացել է Օլիմպիադայի լավագույն ռմբարկուի տիտղոսին (խփել է 53 գոլ) և ընդգրկվել Օլիմպիադայի խորհրդանշական հավաքականի կազմում[10][11] (քառորդ եզրափակչում՝ Ֆրանսիայի հավաքականի դեմ խաղում, հենց Կատարինա Բուլատովիչի յոթ մետրանոց նետումը Չեռնոգորիայի հավաքականին հաղթանակ բերեց 23։22 հաշվով[12])։ 2012 թվականի դեկտեմբերին հաղթել է Եվրոպայի առաջնությունում, որ անցկացվում էր Սերբիայում, ինչպես նաև նորից ճանաչվել է լավագույն ռմբարկու (այս անգամ արդեն 56 գոլով) և ընդգրկվել առաջնության խորհրդանշական հավաքականի կազմում[13]։

ԾանոթագրություններԽմբագրել

Արտաքին հղումներԽմբագրել