Կառլեն Հայրապետյան (գործարար)
- Անվան այլ կիրառումների համար տե՛ս՝ Կառլեն Հայրապետյան (այլ կիրառումներ)
Կառլեն Տոնականի Հայրապետյան (15 նոյեմբեր 1961 թ, Արագածոտնի մարզ, գյուղ Կաքավաձոր)՝ ֆիզմաթ գիտությունների թեկնածու (1990 թ), գործարար, գիտնական։
Կառլեն Հայրապետյան | |
---|---|
Ծնվել է | 1961 թվականի նոյեմբերի 15-ին (58 տարեկան) |
Ծննդավայր | Արագածոտնի մարզ, գյուղ Կաքավաձոր |
Քաղաքացիություն | ԽՍՀՄ, Հայաստան |
Մասնագիտություն | Ֆիզմաթ գիտությունների թեկնածու(1990)(գիտական աստիճան) |
Աշխատանք | Գործարար, գիտնական |
Կենսագրություն խմբագրել
Ծնվել է 1961 թվականի նոյեմբերի 15-ին Արագածոտնի մարզի Կաքավաձոր գյուղում։ 1978 թվականին ավարտելով տեղի դպրոցը, ընդունվել է ԵՊՀ–ի Ֆիզիկայի ֆակուլտետ։ 1983 թվականին գերազանցությամբ ավարտել է նույն ֆակուլտետը։ 1983-1985 թթ․ աշխատել է Ֆիզիկայի կիրառական Պրոբլեմների ինստիտուտում։ 1983-1985 թթ․ սովորել և ավարտել է Գիտությունների Ազգային Ակադեմիա–ի ասպիրանտուրան։ 1988-1990 թթ. աշխատել է համալսարանին կից ռենտգեն կենտրոնում։ 1990 թվականին պաշտպանել է թեկնածուական թեզը՝ «Պինդ մարմնի ֆիզիկա» մասնագիտությամբ և ստացել ֆիզմաթ գիտությունների թեկնածուի կոչում։ 2008 թվականին հիմնադրել է «ԷՔՍ ՌԵՅ ՓՆՋԵՐԻ» լաբորատորիան,որտեղ կատարվել են ֆոնդամենտալ հետազոտություններ՝ պինդ մարմնի ֆիզիկայի բնագավառում[1]։ Շուրջ 30 գիտական հոդվածների և 4 գյուտերի հեղինակ է։
Ձեռնարկատիրական գործունեություն խմբագրել
1991 թվականին ընկերների հետ հիմնադրել է «Փունջ» ընկերությունը, որը զբաղվել է տարատեսակ ապրանքների ներմուծմամբ, արտահանմամբ և մեծածախ վաճառքով։ Lամպ, կաշի, կոշիկ, կարագ,(Valio)[2] խմիչք(Diageo)[3]։ Այնուհետև «Փունջ» ընկերությունը գնել է «Արդշինբանկ» ՓԲԸ–ի 16% բաժնետոմսեր, որոնք կորցրել է 2002 թվականին, երբ «Արդշինբանկ» ՓԲԸ–ն սնանկացել է։ 2001 թվականին հիմնադրել է «ՄԱՌՆԻԿ»[4] սահմանափակ պատասխանատվությամբ ընկերությունը, որը հանդիսանում է «Փունջ» ընկերության իրավահաջորդը։
Ընտանիք խմբագրել
Ամուսնացած է, ունի երկու զավակ և երկու թոռ։