Ծռգետ

Անվան այլ կիրառումների համար տե՛ս՝ Ծռգետ (այլ կիրառումներ)

Ծռգետ, գյուղ Արևմտյան Հայաստանում, Բիթլիսի վիլայեթի Մշո գավառում։ Գտնվում էր Մուշ քաղաքից արևելք, Մեղրագիտեի ձախ ափից 5-6 կմ հեռավորության վրա։

Գյուղ
Ծռգետ
Վարչական տարածք	Արևմտյան Հայաստան
Վիլայեթ	Բիթլիսի վիլայեթԲիթլիսի վիլայեթ
Գավառ	Մշո գավառ
Այլ անվանումներ	Ծըռգետ, Ծռիգետ
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Ժամային գոտի	UTC+3
Ծռգետ (Աշխարհ)

Անվան ստուգաբանություն

Գյուղի անվանումը բաղկացած է «ծուռ» և «գետ» բառերից։ Մեղրագետը, որն անցնում է գյուղով, հանդիպելով գյուղում գտնվող լեռանը ծռվում է հյուսիս-արևմուտք։

Պատմություն

Գյուղի մասին առաջին անգամ հիշատակել է Մովսես Խորենացին, նշելով որ գյուղում գտնվող լեռն ունի 10-12 խորշերով հանք։

Բնակչությունը բռնությամբ տեղահանվել է 1915 թվականի Մեծ եղեռնի ժամանակ։ Նրանց մեծ մասը զոհվել է աքսորի ճանապարհին։

Բնակչություն

1880-ական թվականներին գյուղն ուներ 30 տուն հայ և 50 տուն քուրդ բնակիչ, 1890 թվականին՝ 30 տուն, իսկ 1909 թվականին՝ 12 տուն հայ բնակիչ։

Տնտեսություն

Բնակչության հիմնական զբաղմունքը անասնապահությունն ու հողագործությունն է։

Տես նաև

• Բիթլիսի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 142)։